ngalatea 2:16 - buacou seiso no faeva esvʉtʉ

¹⁶ at'inghi, ito cohivi, 'emo cihi ci cou hoci meelʉ yupa toseolʉ na natʉ'ca to hamo maisi ieni no tmaa'uzo to iesu kilisto, o'amo biftongʉ no mee'ofeihni to hoolicu to moose. mito maezo tmaa'uzo to iesu kilisto, akoyu no i'mi no tmaa'uzo to kilisto ho meelʉ yaa toseolʉ ci natʉ'ca to hamo, o'amo biftongʉ no mee'ofeihni to hoolicu. maica uk'a cite meelʉ biftongʉ no mee'ofeihni to hoolicu ho meelʉ yupa toseolʉ na natʉ'ca to hamo.

ngalatea 2:16 Iomraidhean Croise

yohane 20:31

na atuhcusi ho isi tposi 'e tposʉ eni te poa taa'uzveni muu 'o iesu ho zou kilisto, zou oko to hamo, a'vinano te poa nomio no tmaa'uzomu ho elʉ no nsou.

sitoo 4:12

moc'o i'mi to ic'o na to'usnu; maica 'e yatatiskova ta hpʉhpʉngʉ, uk'a ci isi faeni to hamo ci mocmo ci ongko, poa noe'ocneni a'to ho elʉ no to'usni.>

looma 1:17

maica 'e fukuin eni isi paavi 'o hamo tesi yainenu 'e cou nate hia meelʉ yupa toseolʉ na natʉ'ca: mo i'hoi no tmaa'uzo, ac'ʉhʉ no tmaa'uzo. aʉlʉ mais'a 'o isi yainca to seiso: <'omo i'mi no tmaa'uzo ho yupa toseolʉ na natʉ'ca to hamo te elʉ no nsou.>

looma 3:30

moc'o cihi 'o hamo, tesi poa i'tohungu no tmaa'uzo 'o couyutaya, 'o couyafana te maezo i'mi no tmaa'uzo ho yaa yupa toseolʉ ci natʉ'ca 'o hamo.

looma 4:2

hoci i'mi no peipeis'ausnasi ho ko'ko peelʉi noa yainca zou coumoʉlʉlʉ, pano tesicu peelʉi etanveni, at'inghi hote yonto tuhcu to hamo o'ate meelʉ.

looma 4:24

mo maezo nomio a'to ho engha. maica ho ito taa'uzva 'o moso poa i'mi to mcoi ho smoevovei 'o nooe'oca iesu ci hamo, i'mi tan'e tesi tamza no coumoʉlʉlʉ.

looma 8:3

'o hoolicu to moose maica mo i'mi no yu'ausna no yoz'u ta cou ho o'te peihcʉ'hi, isicu invonva aepʉnga to hamo. isi popeoskuna 'o iachisi oko, poa yaa totiski a'to ci yu'ausna no kuisi, akoeva no yʉsvʉta 'e yu'ausna no kuisi ta cou, hocu toveuca 'e kuisi.

looma 9:30

matemzacu av'a? i'o o'amo anana'o biebimi no moulʉlʉ to hamo ci couyafana, mo apuyu i'mi no tmaa'uzo ho meelʉ coumoʉlʉlʉ;

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

ngalatea 4:5

akoevano to'usni 'emo noskufu ta hoolicu ci cou, poa tma'upu no ongko no 'o'oko to hamo na a'to.

ngalatea 5:4

namo mici biftongʉ no mee'ofeihni to hoolicu ho bikoyu no mici toseolʉ na natʉ'ca to hamo ci cou, tec'u hintʉha 'o natʉ'ca to kilisto, iachia antʉha na mengumi to hamo.

pilipi 3:9

a'sʉftonʉ yuecnguhu to kilisto. 'anami'o 'aoko mais'a mo yaa moulʉlʉ homo meot'ʉcʉ to hoolicu. 'e moulʉlʉ'u maitan'e mo i'mi ho mi'o tmaa'uzo to kilisto. isi pafeni to hamo eni. mo i'tohungu no tmaa'uzo.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

petelo 1 2:24

isi iachia hafa to kilisto na kuisito ho uhto zuuzika, poa o'tena i'vaho yaansou no 'ayumona no kuisi na a'to, c'o nomio no moulʉlʉ ho yaansou. i'mi to isi tiova ci alolongʉ, mimu meelʉ yov'o.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

mokusi 7:14

os'o yut'inga: isi mi'usni a'o ho yainca: <'emo maica ci cou mosola yupaezumo to meoino meakvo'ʉ. ohe yomza to hmuyu to okomoatʉ'nʉ ho tocofkoyai si iachihe yʉsʉ.

mokusi 7:9

atavei, os'o aiti, teolʉi 'omo botngonʉ ci cou, o'a isi peelʉi tasvʉta 'o hia botngonʉa. mo i'mi to mauhpʉhpʉngʉ, mayoyou, masusuezopʉ, maee'e ho cmʉ'ho, acʉhʉ yac'ʉ to tuhcu to suoca'ha ho ito okomoatʉ'nʉ, sifʉecʉ'za ho mʉpʉtʉ to ehʉngʉ no ehufu.