mokusi 8:3 - buacou seiso no faeva esvʉtʉ

³ pantomo h'unasi cimo cihi ci tensi mo yuyafo, mʉpʉtʉ tomo king ci tvoisia namusngau, yac'ʉ to tuhcu to 'oyona sʉ'tʉ. isi tiova 'o man'i ci namusngau, ti'upa 'o 'inoli to masisinto ho sʉ'teni to tuhcu to suoca'ha ci king ci 'oyona sʉ'tʉ.

mokusi 8:3 Iomraidhean Croise

luka 1:10

nemo seolʉa no phomeo to hiu, mo yonto yafana 'omo botngonʉ ci cou ho 'inoli.

looma 8:34

homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

hevulu 7:25

ko'koeno, tesi conino peelʉi to'usni 'omo emomio to iachisi ho ohcum'u to hamo ci cou; maica homo 'auesiesi yaansoua, mi'usnu to hamo ho eoho'neni.

hevulu 9:4

to 'ayumonasi pantola titha phomeo to hiu cimo king ci 'oyona sʉ'tʉ, ho i'o isi to'sicucunva to king ci tvo'esvʉta, 'o 'ayumona to tvo'esvʉta isi sii tomo king ci tvoisia maana. panto maezo s'ofʉ to 'along ci mosola yaa cʉfeʉ ho i'o isi tposi to yuso ci fatu cimo maskʉ ci 'oesvʉta.

mokusi 10:1

os'o i'vaha aiti 'o sotasoa ci tensi mo i'mi ne pepe ho ohpueho. mo efeʉ'sʉ to cmʉcmʉ, paiftonga 'o hioyu; mais'a hie 'o sapcisi, mais'a yapuzi ci sʉesʉ 'o t'angosi.

mokusi 14:18

acnguhu, i'vaho yaa cihi cila aʉt'ʉcʉ to puzu ci tensi mo i'mi to 'oyona sʉ'tʉ ho yuyafo, mi'usnu tomo mʉpʉtʉ to feofeo ci fu'fu ci tensi ho tmunoi moozoyʉ:

mokusi 5:8

nemo maica 'o hioasi, 'omo sʉptʉ ci yuansou ho mpusku uspotʉ ci coolo mo m'ocnguyu to tuhcu to okomoatʉ'nʉ. 'omo macicihi to coolo mo acʉhʉ mʉpʉtʉ to tngootngo ho ito tngoo ci isi songcʉngci to konamusngau; 'e namusngau eni 'ai'oeno 'inoli to masisinto.

mokusi 6:9

isi paavi to okomoatʉ'nʉ 'o eimo ci toopca, os'o aiti 'o f'uf'u to 'oyona sʉ'tʉ. panto piepiya to mosola nomio no psoyaski to e'e to hamo, meot'ʉcʉ ho 'akasi ho noa opcoza ci cou.

mokusi 7:2

os'o i'vaha aiti 'omo h'unasi ci tensi, isi pʉta 'o toopca to 'auesiesi yaansou ci hamo, i'mi ta esmomhana ho cmʉ'ho. mo tmunoi mi'usnu to isi pafi to tonʉ to hamo. meelʉ poa kuzo ta ceoa ho etʉpʉ cimo sʉptʉ ci tensi ho moozoyʉ:

mokusi 8:4

'o feufeu to namusngau ho i'o 'inoli to masisinto mo i'mi to emucu to tensi ho mea'usnu to tuhcu to hamo.

mokusi 8:5

acnguhu, isi yaa to tensi 'o tvoisia namusngau, teongcʉngci to puzu to 'oyona sʉ'tʉ 'o tvoisia namusngau, to'seni ta ceoa. micu yaa ak'engʉca, mʉmʉ, moi'hocʉ, ho motoevi.

mokusi 9:13

mo meela'pa 'o tonomʉ to tensi, os'o talʉi. panto fihngau cimo i'mi to sʉptʉ ci cuculili to king ci 'oyona sʉ'tʉ to tuhcu to hamo.