mokusi 5:8 - buacou seiso no faeva esvʉtʉ

⁸ nemo maica 'o hioasi, 'omo sʉptʉ ci yuansou ho mpusku uspotʉ ci coolo mo m'ocnguyu to tuhcu to okomoatʉ'nʉ. 'omo macicihi to coolo mo acʉhʉ mʉpʉtʉ to tngootngo ho ito tngoo ci isi songcʉngci to konamusngau; 'e namusngau eni 'ai'oeno 'inoli to masisinto.

mokusi 5:8 Iomraidhean Croise

yohane 1:29

cu mivahi, isi teolʉi to yohane 'o iesu te emo'usnu, cu yainca:

yohane 5:23

akoeva no poa einveni ta cou 'e oko, mais'a hola einva 'o amo. namo o'te einu to oko, 'amoeno o'te einu to mo popeosmuhnu to oko ci amo.

hevulu 1:6

ne tesi popeoskuna to hamo 'o pehozaisi ho poa uhta hpʉhpʉngʉ, i'vaha yainca: na afu'u tensi to hamo te asansano acʉhʉ m'ohkuyu ta oko'u.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

mokusi 15:2

os'o i'vaha aiti 'o mais'a ngalasu ci etʉpʉ, mo atvohʉ to puzu. os'o yaeza aiti 'omo piyo ci cou; micu atpʉtʉ to yuansou, ho ito uacoua no yuansou, ho i'o isic'o tamza no tasvʉta 'o ongkohe ci cou. mo acʉhʉ yac'ʉ to aaskiti tomo ngalasu ci etʉpʉ, mʉpʉtʉ to isi faeni to hamo ci tngootngo,

mokusi 15:7

'omo coni tomo sʉptʉ ci yuansou, isi faeni tomo pitu ci tensi 'o isi songcʉngci to sʉ'no to hamo ci pitu cimo king ci takubingi.

mokusi 19:4

'omo mpusku uspotʉ ci coolo ho i'o sʉptʉ ci yuansou micu m'ocnguyu m'ohkuyu tomo yusuhngu to suoca'ha ci hamo, mainca: <'aamen! haleluya!>

mokusi 4:10

ne mio, 'omo mpusku uspotʉ ci coolo mo m'ocnguyu ho m'ohkuyu tomo yusuhngu to suoca'ha, ho 'auesiesi yayo ci ic'o. ihe iachia siya to tuhcu to suoca'ha 'o tafangehe, mainca:

mokusi 4:4

to aukukuyungu to suoca'ha panto mpusku uspotʉ ci ca'hʉ, yusuhngu 'omo mpusku uspotʉ ci coolo, sʉ'eʉsʉ to fʉecʉ'za ci yʉsʉ, iceopngu tomo king ci tafange.

mokusi 4:6

to tuhcu to suoca'ha pantomo cingkoya ho mais'a ngalasu ci etʉpʉ. to aukukuyungu to suoca'ha panto sʉptʉ ci yuansou, 'o feangosi mo aucunu mcoo.

mokusi 4:8

'o sʉptʉ ci yuansou, mo acʉhʉ yaa nomʉ ci yopngu, 'o yafana ho 'ayumonasi mo acʉhʉ yaa mcooa. homo hie ho feʉngna o'ala tosvo pasunaeno: socofkoya! socofkoya! socofkoya! nooe'oca - soyaa tonʉ ci hamo. ne noana'o, maitan'e, ho noana'o 'auesiesi yayo!

mokusi 5:11

os'o i'vaha aiti; os'o talʉi 'o fihngau tomo sobotngona ci tensi. mo yac'ʉ to aukukuyungu to suoca'ha. sʉptʉ ci yuansou ho i'o macocoolo,

mokusi 5:12

tmunoi pasunaeno: noa opcoza ci okomoatʉ'nʉ, 'aseolʉ no tiou no tonʉ. atngaso. moutʉs'ʉ. taso. so'einva. psoevohngʉ ho tohmomoengʉi!

mokusi 5:14

'omo sʉptʉ ci yuansou micu yut'ingi: <'aamen!> 'o macocoolo mo acʉhʉ m'ocnguyu ho m'ohkuyu.

mokusi 5:6

acnguhu, os'o aiti 'o ihe paikuyungvi tomo sʉptʉ ci yuansou ho ito macocoolo ci suoca'ha, mo yac'ʉ 'o okomoatʉ'nʉ. 'o okomoatʉ'nʉ mo mais'a ohcula opcoza, yaa pitu ci sungu, pitu ci mcoo, 'ai'oeno 'omo pitu ci piepiya to hamo, isi popeoskuna ho poa smaingongabo ta hpʉhpʉngʉ.

mokusi 6:1

os'o aiti 'o okomoatʉ'nʉ isi paavi 'o ahoisi tomo pitu ci toopca. ne mio, os'o talʉi 'omo coni to sʉptʉ ci yuansou mo mais'a mʉmʉ no ak'engʉca, mainca: