mokusi 5:13 - buacou seiso no faeva esvʉtʉ

¹³ os'o i'vaha talʉi 'omo yaa nsoua ta pepe. ceoa, ho mʉ'eona ta ceoa, mayuyuansou ta etʉpʉ, aʉcʉcʉhʉ ta taico ta mouhpʉhpʉngʉ, mo acʉhʉ pasunaeno: na tohmomoengʉ. so'einva. psoevohngʉ. ho tonʉ, te acʉhʉ tmaovei tomo yusuhngu to suoca'ha ci ic'o ho ito okomoatʉ'nʉ, uk'a noca'cʉ'hi!

mokusi 5:13 Iomraidhean Croise

matai 6:13

teav'a poa elʉ no o'a temia pasvo'ha ci hʉsvʉta; to'usni a'mi ho momeesih'i no emucu no kokuzo.

luka 2:14

na psoevohngʉ te ta'usna to sopepea ci hamo! na moususeomʉ te ta'usna ta isi ʉm'ʉmnʉa ci cou ta ceoa!

yohane 1:29

cu mivahi, isi teolʉi to yohane 'o iesu te emo'usnu, cu yainca:

looma 11:36

maica 'e acʉcʉhʉ mo i'mi ta iachisi, ieni ta iachisi, noovei ta iachisi, na psoevohngʉ ta'usna'sio to hamo, ac'ʉhʉ no 'auesiesi! 'aamen.

looma 16:27

ina psoevohngʉ tesi'so ieni to iesu kilisto ho ta'usna to cihi ci somoutʉs'ʉa ci hamo, ac'ʉhʉ no 'auesiesi! 'aamen.

looma 9:5

zou mʉntʉ'ca to nia maameoi, hoci tamza no feangohe, mo cono suezopʉ 'o kilisto. i'omo tiʉt'ʉcʉ ta acʉcʉhʉ ci hamo 'auesiesia'sio tohmomoengeni, 'aamen!

'epeso 3:21

tata'za hoci yonta taico ta kiokai ho ito 'ayumona to kilisto iesu, meelʉ mayo no tohmomoengʉ, acngucnguhu ac'ʉhʉ ho 'auesiesi! 'aamen.

pilipi 2:10

te akoeva no einva 'o ongko to iesu, acʉcʉhʉ na yane pepe, ta hpʉhpʉngʉ, ho ina yane mʉ'eona ta ceoa cila mayayaansoua, te acʉhʉ mi'usnu ho m'ohkuyu.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

temote 1 4:16

tekola iachi bumemealʉ, maezo bumemealʉ to lako hia mo'ma'cohio. la yaa peishʉhʉyʉ ci koyu ho yaahioa; maicac'o, teko to'usni si iachisu, ho yaeza to'usni namo tmalʉ ci cou.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

petelo 1 5:11

no'usnu'sio to hamo na tonʉ, 'auesiesi uk'a noc'ʉhi! 'aamen.

yuta 1:25

'emoc'o anana'o cihi ci hamo, ieni to nooe'ocato iesu kilisto ho to'usni a'to. tesi'so tanua na psoevohngʉ, mitohʉngʉ, taso, ho tonʉ, ahoi ne noana'o ac'ʉhʉ maitan'e, ac'ʉhʉ no 'auesiesi. 'aamen!

mokusi 1:6

isi poa saisi ta hpʉhpʉngʉsi a'to, ho fifiho to amohamo. no'usnu'sio to iesu kilisto na psoevohngʉ ho tonʉ, ac'ʉhʉ no 'auesiesi! 'aamen.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

mokusi 5:1

os'o aiti 'omo yusuhngu to suoca'ha ci ic'o, 'o vhona to emucusi mo mʉpʉtʉ to tposʉ; 'e aavai ta tposʉ isi tangcʉngci to tposʉ, boemi to pitu ci thoomʉta.

mokusi 5:12

tmunoi pasunaeno: noa opcoza ci okomoatʉ'nʉ, 'aseolʉ no tiou no tonʉ. atngaso. moutʉs'ʉ. taso. so'einva. psoevohngʉ ho tohmomoengʉi!

mokusi 5:3

at'inghi, 'upena ta pepe, ceoa, ho mʉ'eona ta ceoa. uk'a cimo cihi cite meelʉ eocoyʉ ta tposʉ hocieno meelʉ mo'engho.

mokusi 5:6

acnguhu, os'o aiti 'o ihe paikuyungvi tomo sʉptʉ ci yuansou ho ito macocoolo ci suoca'ha, mo yac'ʉ 'o okomoatʉ'nʉ. 'o okomoatʉ'nʉ mo mais'a ohcula opcoza, yaa pitu ci sungu, pitu ci mcoo, 'ai'oeno 'omo pitu ci piepiya to hamo, isi popeoskuna ho poa smaingongabo ta hpʉhpʉngʉ.

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.

mokusi 6:16

mo mi'usnu to hcuyu ho teisisi ho moozoyʉ: