17 'o seilei ho mamespingi mo mainca: namo afu'u tmalʉ ci cou nte maezo yut'ingi mainca: uhtan'ecu, acʉhʉ uhtan'e namo mecu ci cou; nate smoekaebʉ ci cou te tamaha'o ta chumu no nsou.
at'inghi, siya nate mimo to te'o faeni ci chumu, 'anate ahtun'a i'vaho mecu. i'o te'o faeni ci chumu te i'mi ta 'ayumonasi ho esbobuka, o'ate ahtu tosvo moheafo 'o yaansou ci chumu, poa meelʉ mayo no 'auesiesi nsou.>
o'amito tiou no piepiya ta hpʉhpʉngʉ, mamito tiou to isi popeoskuna to hamo ci seilei, tesi akoeva no poa meelʉ bochio no isi afu'a faeni a'to to hamo ci mengumi.
mi'o i'vaho tmalʉ tomo i'mi ne pepe ci fihngau isi yainca: mo yut'ingi 'o seilei: <'aeno a'ʉmtʉ! tehecu peiseʉpngi na peihtutumzo hocu amiocni, maica na beahci no lahe hi'hioa la to'ofeihni.>
os'o i'vaha aiti 'o cofkoyahosa, 'aeno faeva ci 'elusalemu, i'mi to hamo ho ohmi ta pepe ho ohpueho, mais'a 'o micu ae'aepʉngʉ tmaangeai ci mamespingi te yungeou to vcongʉsi.
isi i'vaha poa aitneni a'o to tensi 'omo mehacni ci va'hʉ no chumu no nsou, 'o psoevohngʉsi mo mais'a ngalasu, mo i'mi to suoca'ha to hamo ho okomoatʉ'nʉ ho moheafo,
maica i'omo yusuhngu to suoca'ha ci okomoatʉ'nʉ tesi aʉt'ʉca hin'i, engocha hafa uhuto isi i'toekui no nsou; tesi yaeza acʉha paipeapi to hamo na esʉʉhe.>
