mokusi 13:15 - buacou seiso no faeva esvʉtʉ

¹⁵ mo i'vaho mayo to tonʉ 'e toueso ci yuansou, isi peelʉi pee'usni to peucu 'o isi teyai ci uacoua to ahoi yuansou, poa meelʉ ya'ei 'o uacoua, a'vinano opcoza 'omo o'te mimho m'ohkuyu to uacoua ci cou.

mokusi 13:15 Iomraidhean Croise

yakovu 2:26

ko'koeno, aʉlʉ mais'a 'e feango hoci uk'a nsou 'amoeno mcoi, hoci uk'a peipeis'ausna 'e singkoo mo maezo mcoi.

mokusi 13:1

acnguhu, os'o aiti 'omo coni ci yuansou mo i'mi to etʉpʉ ho tmo'poyapo. mo maskʉ ci sungu ho pitu ci fnguu, 'omo macoconi to sungusi mo acʉhʉ itafange, 'omo macoconi ci fnguu isi acʉha tposi tomo aokoe'i to ongko to hamo.

mokusi 13:12

mo yonto tuhcu tomo ahoi yuyafo ci yuansou, hioa 'o isi hioa ci tonʉ to ahoi yuansou. isi pohʉhʉya 'e hpʉhpʉngʉ ho i'omo afu'u yonta ceoa, acʉha poa m'ohkuyu to mosola alolongʉ ho yov'o ci ahoi yuansou.

mokusi 13:14

mo mayo to tonʉ, yonto tuhcu to ahoi yuansou ho hioa 'o meoino taunona'vʉ, i'hozi no poa ma'peu 'emo afu'u yonta ceoa ci cou. isi eucufna 'e cou ho teyaineni uacoua 'e moso alolongʉ no poyave hon'a yaansoua ci yuansou.

mokusi 14:11

i'omo pohtutumzo ci feufeu 'auesiesi o'ate tosvo yʉc'ʉ. i'omo m'ohkuyu to yuansou ho ito uacoua no yuansou, ho i'o isi topci to toopca 'o sapci ci cou, huhucmasi o'ate ahtu meelʉ amiocni.>

mokusi 14:9

'omo toteu ci tensi mo mat'ofeihni tomo muyo cimo yoso ci tensi ho tmunoi mainca:

mokusi 16:2

cu e'ohʉ 'omo tocni to tensi, hoyuha ta ceoa 'o isi pʉta ci takubingi; micu yaa nakuzo ho mahiz'o ci h'oh'o mo cmʉfeʉ to feango to isi topci to huomza no yuansou ho ito mosola m'ohkuyu to uacoua no yuansou ci cou.

mokusi 16:5

os'o talʉi 'ola aʉt'ʉcʉ to chumu ci tensi isi yainca:

mokusi 17:14

tehe mi'usni 'o okomoatʉ'nʉ ho ehtothomʉ; at'inghi tesi atpʉta to okomoatʉ'nʉ, maica 'aeno'so nooe'oca ta manonooe'oca, honte ta mahohonte. 'o isi epeiya, ho meot'ʉcʉ mee'ofeihni ci cou te maezo atpʉtʉ.>

mokusi 17:17

maica 'o isi akoeva no hioa to hamo isi siya ta 'tohʉngʉ tamo maskʉ ci honte, poa yaa totiski ci tehe mituhci, faeni ta yuansou na tonʉ no aʉt'ʉcʉ, ac'ʉhʉ ho tac'u peiseafi na e'e to hamo.

mokusi 17:6

os'o yaeza aiti 'o mamespingi mo soemoyomo to hmuyu to 'o'oko to hamo, ho ito hmuyu to moso 'akasi to iesu ho mcoi ci cou. ne os'o aiti 'e mamespingi, a'ʉmtʉ meoino yamci.

mokusi 18:20

kaebeni! ma kokaekaebʉ! maica ho micu meaapayo'ʉ! 'e mao'o'oko to hamo, sitoo, mayoyongensa, te kokaekaebʉ! maica ho isicu eveineni to hamo na muu, isicu patvovei 'o mamespingi!

mokusi 18:24

cu tiou no patvovei 'o papilong, maica ho isi ho'honga ta hosa tan'e 'o hmuyu to nia eyongensa ho ito 'o'oko to hamo; 'aeno. 'o hmuyu to ohola afu'a opcoza ta ceoa ci cou isi acʉha ho'honga ta hosa tan'e.

mokusi 19:20

isi holeo 'o yuansou; i'o mosola yonto tuhcusi ho peispopo'e ci meyoyongensa isi yaeza holeo. ('e meyoyongensa eni mosola boemi to peispopo'ehe ho maspepecvai to isi topci to yuansou ho i'ola m'ohkuyu to uayuansoua ci cou.) 'o yuansou ho i'o meyoyongensa isi tobohteni to'seni tomo yunzou ci etʉpʉ no liukoo.

mokusi 20:4

mi'o i'vaho baito to piyo ci suoca'ha; i'omo yusuhngu to ic'o ci cou mo acʉhʉ mayo to tonʉ no yʉsvʉtʉ. os'o yaeza aiti 'o piepiya to mosola nomio no 'akasi to isi paavi to iesu ci so'emio ho ito e'e to hamo ho noa opcoza ci cou. o'amosola m'ohkuyu to yuansou ho ito uayuansoua, 'o sapcihe ho emucuhe maezo uk'a ci ongko to yuansou. mo acʉhʉ smoevovei, toehungu 'o kilisto ho toposifou honte.