mokusi 13:1 - buacou seiso no faeva esvʉtʉ

¹ acnguhu, os'o aiti 'omo coni ci yuansou mo i'mi to etʉpʉ ho tmo'poyapo. mo maskʉ ci sungu ho pitu ci fnguu, 'omo macoconi to sungusi mo acʉhʉ itafange, 'omo macoconi ci fnguu isi acʉha tposi tomo aokoe'i to ongko to hamo.

mokusi 13:1 Iomraidhean Croise

mokusi 11:7

ataveisi ho tahecu psoevaha 'e e'e, i'omo i'mi ne uk'a puesona ci mʉ'eona ho yuyafo ci yuansou, te mi'usnu ho ehtothomʉ, ihe atpʉta hocu opcoza.

mokusi 12:3

mo i'vaho yuyafo ta pepe 'omo h'unasi ci hu'a'ausna. panto coni cimo fʉhngoya ci meoino no long, mo pitu 'o fnguusi, maskʉ 'o sungu, 'o macoconci fnguu mo acʉhʉ iceopngu to tafange.

mokusi 13:11

os'o i'vaha aiti 'omo h'unasi ci yuansou mo i'mi ta ceoa ho yuyafo. mo yuso 'o sungusi, mais'a sungu no moatʉ'nʉ, at'inghi homo aomotʉ'ʉ mo mais'a 'o long.

mokusi 13:14

mo mayo to tonʉ, yonto tuhcu to ahoi yuansou ho hioa 'o meoino taunona'vʉ, i'hozi no poa ma'peu 'emo afu'u yonta ceoa ci cou. isi eucufna 'e cou ho teyaineni uacoua 'e moso alolongʉ no poyave hon'a yaansoua ci yuansou.

mokusi 13:15

mo i'vaho mayo to tonʉ 'e toueso ci yuansou, isi peelʉi pee'usni to peucu 'o isi teyai ci uacoua to ahoi yuansou, poa meelʉ ya'ei 'o uacoua, a'vinano opcoza 'omo o'te mimho m'ohkuyu to uacoua ci cou.

mokusi 15:2

os'o i'vaha aiti 'o mais'a ngalasu ci etʉpʉ, mo atvohʉ to puzu. os'o yaeza aiti 'omo piyo ci cou; micu atpʉtʉ to yuansou, ho ito uacoua no yuansou, ho i'o isic'o tamza no tasvʉta 'o ongkohe ci cou. mo acʉhʉ yac'ʉ to aaskiti tomo ngalasu ci etʉpʉ, mʉpʉtʉ to isi faeni to hamo ci tngootngo,

mokusi 16:13

acnguhu, os'o aiti 'omo tuyu ci h'aokuv'o, mo mais'a fo'kunge, apaevai i'mi to ngayo to long, ngayo to yuansou, ngayo to meyoyongensa ho yuyafo.

mokusi 17:16

'e osko aiti cimo maskʉ ci sungu ho i'o yuansou te acʉhʉ himsʉ'no to mseezo ci mamespingi, tehe ti'einga 'o acʉcʉhʉsi ho poa yuamaesih'i; tehe ana 'o fou ta feangosi, boemi to puzu ho hmoi.

mokusi 17:3

mi'o noa tʉʉt'ʉca to seilei; isi hafa to tensi a'o ho uhto maepuepuhu. os'o aiti 'omo cihi ci mamespingi mo smopayo to fʉhngoya ci yuansou; 'o feango to yuansou isi tangaboi tomo boevovoyo ci ma'o'ongko, mo cmʉfeʉ 'o pitu ci fnguu ho maskʉ ci sungu.

mokusi 17:5

'o sapcisi isi tposi to isi efʉefʉnga ci ongko:

mokusi 19:19

os'o i'vaha aiti 'o yuansou ic'o ho i'o mahohonte ta ceoa, ho i'o heetaihe mo yu'e'pʉ'pʉyʉ, mo yupa mi'usnu 'omo smopayo to 'uma ho i'o heetaisi ho ehtotothomʉ.