mokusi 12:4 - buacou seiso no faeva esvʉtʉ

⁴ isi yomza to civcisi ho taipepza 'omo ateua coni ci congeoha ta pepe, isicu to'seni ta ceoa. mo yac'ʉ to tuhcu to tec'u yaa oko ci mamespingi, totea hocic'u yayo 'o oko tasi pnʉska.

mokusi 12:4 Iomraidhean Croise

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

petelo 1 5:8

temu aʉtʉs'ʉ ho etngou! 'o hangʉmu - 'akuma aʉlʉ mais'a muhiei ci sisi ho biyavovei, eseiseiti no tesi peelʉi pnʉska ci cou.

mokusi 12:7

ataveisi, mo yaa ehtothomʉ 'e pepe. i'o micialo ho i'o tensisi mo mi'usnu to long ho ito soskuskunusi ho ehtothomʉ, 'o long ho i'o 'oahngʉsi mo maezo yʉc'ʉ ho poengomʉ.

mokusi 12:9

'o meoino long isicu topeohneni; 'aeno 'o ohola yainca fkoi noana'o, 'o ongkosi zou 'akuma hocieno satan, la maspepecvai ta yatatiskova. mo noa topeohneni ta ceoa; isi yaeza topehneni 'o soskuskunusi.

mokusi 13:2

'o os'o aiti ci yuansou mo mais'a conci e'uho yʉn'ʉ; 'o t'angosi mo mais'a t'ango no cmoi, mais'a ngayo no sisi 'o ngayosi. 'o long isi acʉha faeni to yuansou to ic'o 'o taso, suoca'ha honte, ho i'o tonʉsi.

mokusi 13:4

mo acʉhʉ m'ohkuyu to long, maica ho isi acʉha faeni ta yuansou to long 'o tonʉsi. ihe yaeza p'ohkui 'o yuansou ic'o, yainca:

mokusi 16:13

acnguhu, os'o aiti 'omo tuyu ci h'aokuv'o, mo mais'a fo'kunge, apaevai i'mi to ngayo to long, ngayo to yuansou, ngayo to meyoyongensa ho yuyafo.

mokusi 17:18

<'e osko aiti ci mamespingi 'aeno 'emo aʉt'ʉcʉ ta mahohonte ta ceoa ci meoino hosa.>

mokusi 20:2

isicu tʉtpʉta 'o pak'i ci long, 'ai'oeno fkoi noana'o, zou 'akuma, la yaeza yainca satan, te toposifou hote seo'eisi.

mokusi 8:10

mo meela'pa 'omo toteu to tensi, panto conci meoino congeoha, mais'a yafeu ci veingi, i'mi ta pepe ho supeohʉ, su'to ateua coni ci mavava'hʉ ho ito isi afu'a i'toekui to chumu.

mokusi 8:11

('e congeoha eni zou 'o ongkosi.) micu ateua coni 'omo mayʉmʉ ta chumu. maica homo mayʉmʉ 'o chumu, mo botngonʉ 'omo mcoi homo mimo ta chumu tan'e.

mokusi 8:12

mo meela'pa 'omo tospotʉ to tensi, i'o ateua coni to hie, ateua coni to feohʉ, ateua coni to congeoha isi acʉha ʉha. 'o hie, feohʉ, congeoha cu ateua coni 'omo afsi 'o tiskovasi; ateua coni 'omo o'te tiskova homo hie, maezo ateua coni ta feʉngna 'omo maezo uk'ana tiskova.

mokusi 8:7

nemo meela'pa 'o tocni to tensi, mo yaa kaceo ho puzu, atvohʉ to hmuyu ho miyuhu ta ceoa, micu ateua coni ta ceoa. ateua coni to ma'e'evi, cu acʉhʉ hoapayo'ʉ; 'o afu'u maukukuzo mo maezocu acʉhʉ hoapayo'ʉ.

mokusi 8:8

nemo meela'pa 'omo toueso to tensi, panto mais'a mo yunzou ho isi aiti ci hcuyu isi to'seni ne etʉpʉ. 'o etʉpʉ mo ateua coni 'omo tmuhmuyu,

mokusi 8:9

mo ateua coni ci yuansou ta etʉpʉ 'omo mcoi, maezo ateua coni ci 'apangʉ 'omo aon'oi.

mokusi 9:10

mo cmʉfeʉ 'o civci ho i'o cʉmʉ, mais'a 'o eepa, 'ai'eeno civci eni 'emo yaa tonʉ no poa eimo no feohʉ ho 'atutumzo 'e cou.

mokusi 9:19

'o tonʉ to 'uma mo yonto ngayo ho ito civcihe. 'o civcihe mo mais'a fkoi, panto fnguu to skoskopnasi; 'aiheeno yomza ta fnguu tan'e ho pohtutumza 'e cou.