isicu ahoza po'pa'cohivi to iesu 'o tesi ho yainca: <'e oko cou te ahtuo'te esmi to man'i ci 'atutumzo, tehe hose'veni to coolo, saisicoo, ho ito lema'cohio seiso, noa opcoza. ataveisi no miteuhi tena smoevovei.>
micu fiho to maameoisi 'o iesu ho maine'e ne nazalo, la aa'pucu meot'ʉt'ʉcʉ to maameoisi, 'o inosi isi acʉha angongohia ho siya ta 'tohʉngʉ 'e acʉcʉhʉ ci hi'hioa.
ataveisi isi cu mi'usni 'o tesi ho yainca: <'e acʉcʉhʉ ci hi'hioa eni 'aeno 'o o'ula eʉsvʉta muu ne mohton'a noteuyunu ne auyusi: 'o isi engha to hoolicu to moose, matpotposʉ to eyongensa, ho ito sihen, 'omo afu'u natʉ'ca a'o cimo macoconi ci hi'hioa te ahtuo'te acʉhʉ esmi.>
isi ecnguha ho yainca: <'e oko cou te ahtuo'te esmi to man'i ci 'atutumzo, tehe hose'veni to coolo, saisicoo, ho ito lema'cohio seiso, noa opcoza, ataveisi no miteuhi tena smoevovei.>
yainca to iesu: <'a isic'oeno faeni to hamo 'emo maica ci tonʉsu, ko'ko mikoeno yaa tonʉ ho yʉsvʉta a'o. ko'koeno, i'omo himhohioa ho tomakneni suu ci cou te asuhcu ecvʉhʉ na kuisisi.>
'o hamo mo fiho to iachisi 'tohʉngʉ ho ino isi huyoyoci ho asvʉta no faeni muu 'o iesu; na muu imu ieni tola ma'peu ci cou ho spica to zuuzika. ho opcoza.
