ko'koeno, mi'o osni smuhnu ho eho'a suu; ho miko mimho esmi, a'ʉmtʉs'a so'ʉmnʉa. maitan'e mito acʉhʉ yonta tuhcu to hamo, temia tmalʉ no ohsila eutotaveineni suu ci e'e to nooe'oca.>
'e cou tan'e mo ma'cocoyʉhe to coutesalonike. la asno'zonʉ tmalʉ to e'e to fukuin, huhucmasi eocoyʉ to seiso ho patotiska, 'ucia cohivi 'o e'e to poolo mio nana a'ʉmtʉ emio.
ieni to isi faeni a'o to hamo ci mengumi, te'o mi'usnu ta mimu macicihi ho yainca: teav'a anga huepzi si iachimu, la apuyu einu ho noyʉyʉci 'e iachi, macicihi maino isi faeni to hamo ci singkoo ho tosvʉti 'e iachi.
hoci panonte iachi ma'unano mo epeaski no e'e to hamo, hocieno ma'unano mo yaa tma'usnu no mengumi no piepiya, ntesi cohivi 'e os'o faeni muu ci tposʉ mo i'mi no mashʉyʉ to nooe'oca.
'e cou o'ate peknui 'e iachi. ta taicomu hoci panonte fiho ta svʉta ta yatatiskova ho iachi ma'unano mo yaa moutʉs'ʉ, nte apuyu ʉmnʉ hoci nongonongo, tec'ueno a'ʉmtʉ yaa moutʉs'ʉa.
