luka 8:13 - buacou seiso no faeva esvʉtʉ

¹³ i'omo su'to yuyu'eo ci tutu, isi pas'usna ta cou ho micu tmac'ʉhʉ no e'e la tmakaebʉ ho tiova, at'inghi 'e e'e o'a mo bimsʉ'eonʉ biemisi ta 'tohʉngʉhe; lac'o akameosʉ tmaa'uzo, hoci yupteilʉ no hʉsvʉta cu o'tena biv'ohʉ.

luka 8:13 Iomraidhean Croise

maluko 6:20

lasi smoyoa to helote 'o yohane, isi cohivi 'o yohane mo mousʉngcʉ ho socofkoya ci cou, lasi bu'a'aʉt'ʉca 'o yohane. cono holasi talʉi to helote 'o lasi hia eʉsvʉsvʉtʉ to yohane, la na'no 'oha ma'sususeomʉ, at'inghi lasin'aso ʉmnʉa talʉi 'o lasi hia eʉsvʉsvʉtʉ.

luka 8:12

'emo suaskiti ta ceonʉ ci tutu, 'a isieno pas'usna ta cou ho micu tmalʉ ta e'e, cmʉ'ho na 'akuma, i'mi ta 'tohʉngʉhe ho ti'einga na ohsicu talʉi ci e'e. poa o'te meelʉ nomio no tmaa'uzo ho elʉ no to'usni.

luka 8:14

i'omo su'ayumonʉ to cʉcʉmʉ, isi pas'usna ta cou ho micu tmac'ʉhʉ ta e'e, at'inghi na ma'tipvongʉ no h'oyunsova, eepecvaza no yuyupasʉ ho micic'o kokaekaebʉ, hocu timcoza na ntohsi nsou ta e'e, o'tena meelʉ beahci nomo yʉepʉngi ci beahci.

yohane 15:2

i'omo afu'u cmunghu a'o ho o'te beahci ci ehti, tesi skoonva; namo meelʉ beahci ci ehti, tesi skoʉlʉlʉa, poa asuhca yʉho'a.

yohane 15:6

nate o'te mimho cmunghu a'o ci cou te noa ciha, mais'a 'ola oemi'mi ci ehti ho ciha, poa patmʉtneni no cou ho to'seni to puzu ho hmoi.

yohane 5:35

'o yohane mo mais'a conci tiskova ci lampu, temu akameosʉn'a mici tma'upu to tiskovasi.

kolinto 1 13:2

hoci'ueno yaa tonʉ no meemealʉ eʉsvʉsvʉtʉ, a'vinano yaeza hʉh'ʉti 'e mav'ov'o ci mau'to'tohʉngʉ, mav'ov'o ci moumsʉ'eonʉ, ac'ʉhʉ no yaa mahtʉicʉ ci singkoo ho peelʉi soezuha 'e hcuyu ho hoyuha ne etʉpʉ, hoci uk'a himngonghi, uk'a ci tesi nama a'a'ausna.

kolinto 1 15:2

hocimu noyʉyʉci 'e fukuin eni, ho o'tec'o meumzomzo tmaa'uzo, 'ate ahtuo'te i'mizi no noa to'usni.

ngalatea 3:1

nongonongo ci coungalatea, siya namo i'vaho maspepecvai muu? 'o hi'hioa ho isi spica to zuuzika 'o iesu kilisto, ta tuhcu ta mcoomu o'a mos'aeno yaa husansana ci ongko?

ngalatea 3:4

na ohmucula afu'a mia ne auyusi mioeno 'afeungu? o'amo ahtu maica!

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

tesalonike 1 3:5

i'mi tan'e, ko'kocu popeoskuna 'o temote; 'anate'o 'aoko mooteo. ho os'o popeoskuna, akoeva no cohivi mionana atuhcu mainenu na singkoomu. o'a os'o taa'uzva hocisicu paspepecvazi no 'akuma na muu, ho poa 'afeungu na niala hioamza!

temote 1 1:19

la noyʉci na singkoo ho tʉs'ʉ ci koyu. pantola o'te tmalʉ to iachi ʉmnʉ ci koyu, ko'ko laeno smotokʉ 'o singkoohe,

hevulu 10:39

o'amitos'a smase'u ho suhcʉhcʉ ci cou; mito yaa singkoo a'vinano elʉ no to'usni ci cou.

yakovu 2:26

ko'koeno, aʉlʉ mais'a 'e feango hoci uk'a nsou 'amoeno mcoi, hoci uk'a peipeis'ausna 'e singkoo mo maezo mcoi.

petelo 2 2:20

'e cou hoci i'mi homo bohngʉ to nooe'oca - iesu kilisto, i'mi ta tonʉ no tokuzo ta hpʉhpʉngʉ ho tomeesih'i, ataveiya i'vaha tʉtpʉta ho noa atʉkca, na atotaveisi tamo maica ci cou te asuhcuhe kuzo ne auyusi.

petelo 2 2:22

mo emio 'o mahtuyaecihi, i'o a'a'ausnahe aʉlʉ mais'a <'o av'u lasi ooveia 'o ohsi teavta>, maezo mais'a <'o feʉ'ʉ cu 'afeunga toʉlʉi, mo yuovei to lingki ho tmaifeifei'i.>

yohane 1 2:19

'emo maica ci cou o'amo tma'usnu a'to, ko'ko mo mongoi a'to; hoci mio tma'usnu a'to, 'ate ahtuo'te no'upu a'to. at'inghi, mo emose'u, cu humzi ho o'a mo a'ʉmtʉ tma'usnu a'to.

yuta 1:12

'emo maica ci cou la no'upu ho lamu eabobonʉ la o'te koe'i ho peaknuesu, poa ca'i 'o iachi, mais'a 'o lepocengi moatʉ'nʉ inac'o iachia poa yoseʉ na bʉyohe na lahe cohivi. mais'a 'o cmʉcmʉ ho lasi peaemo'neni to poepe, ho o'te smuv'ohʉ mʉchʉ, maezo mais'a 'o o'ala mimho beahci ci evi homo hobeahcia, te tum'um'i ho poa a'sʉftonʉ oemi'mi.