luka 5:3 - buacou seiso no faeva esvʉtʉ

³ mo bohsifou to 'apangʉ to saimong 'o iesu, yainca 'o saimong ake'a poa smase'u 'e 'apangʉ. cu yusuhngu 'o iesu, i'mi to 'apangʉ ho mo'ma'cohio to botngonʉ.

luka 5:3 Iomraidhean Croise

matai 4:18

mo smai'ofeihni to aaskiti to etʉpʉ ne ngalilaya 'o iesu, teolʉi 'o nat'ohaesa ci leeyayoskʉ, zou saimong ('o tos'ongkasi zou petelo) ho i'o ohaesasi ci 'antole, mo seolʉa no yonto etʉpʉ ho tokeʉpʉ.

maluko 3:10

maica ho isi'so poa yov'o 'omo botngonʉ cimo tma'congo, mo acʉhʉ yu'e'usnu 'omo afu'u tma'congo ci cou, te meuaso to iesu.

maluko 3:9

cu angu botngonʉ 'o cou, isi cucufni to iesu 'o tesi ho ayocneni note conci okono 'apangʉ, ci tehes'a skotva'oya tamo botngonʉ ci cou.

luka 5:2

isi teolʉi 'omo yuso ci 'apangʉ mo tosvo to aaskiti to etʉpʉ, mo mongoi to 'apangʉ 'o leeyayoskʉ, seolʉa no yonto aaskiti ho tonzou to keʉpʉ no yoskʉ.

yohane 8:2

taseonasi no mivahi, mo yuovei to seiten 'o iesu; mo acʉhʉ biebimi 'o botngonʉ, micu yusuhngu, isicu ahoza po'pa'cohivi.