luka 4:18 - buacou seiso no faeva esvʉtʉ

¹⁸ mo cmʉ'ho a'o 'o piepiya to nooe'oca, maica ho isicu epeiya a'o, tesi poa mi'usnu tomo thi'cia ci cou ho psoecʉ'ha 'omo ʉmnʉ ci fihngau. isi popeoskuna a'o ho psoevaha: 'o ohola holeo. te poesih'a; 'omo bʉkngʉ. te teosansano; 'ola 'opohcingha. te elʉ no ziu;

luka 4:18 Iomraidhean Croise

matai 11:5

'aeno: mo bohngʉ 'omo bʉkngʉ, coeconʉ 'omo pi'o, cofkoya 'omo to'ho'ho, tmalʉ 'omo loʉngʉ, smoevovei 'omo mcoi, tmac'ʉhʉ to fukuin 'omo thi'cia.

matai 12:18

aiti, na taini zou os'o epeiya ci soskuskunu; la'u ngohia ho ʉm'ʉmnʉa. te'o pafeni taini 'o piepiya'u; teta mi'usnu ta yatatiskova ho psoecʉ'ha 'o yʉsvʉtʉ'u.

matai 12:20

'o isi peololongi ci yohu, o'a isi abkoca; 'e tec'u afsi ci sotiskova, o'a isi peefsusi. mo ma'tʉkcʉ to moulʉlʉ, ac'ʉhʉ ho tac'u atpʉtʉ 'o moulʉlʉ.

matai 4:16

i'o mo no'ayumonʉ to voecʉvcʉ ci cou te teolʉ to meoino no tiskova; i'o mo yonto isi pe'ongki to mcoi ci cou. panto tiskova cite mahtiskou.

matai 5:3

<'ola mainca no koyu mo aviovio na piepiya ci cou. a'ʉmtʉs'a ʉm'ʉmnʉ; na hin'i zou 'o'oko to hpʉhpʉngʉ ne pepe!

luka 4:17

panto mo mofi to tposʉ to 'izaya. isi paavi 'o tposʉ. elʉa 'o isi tposi tomo mainca:

luka 6:20

mo miezuhu to tesisi 'o iesu, mi'usni ho yainca: <'ola aviovio ci cou. a'ʉmtʉs'a ʉm'ʉmnʉ; na muu zou 'o'oko to hpʉhpʉngʉ to hamo!

luka 7:22

isicu yut'inga 'o tesi to yohane ho yainca:

yohane 1:41

isi aueva i'ima 'o ohaevasi ci saimong. mi'usni ho yainca: <'aimzacu lʉa 'o misaiya.> (na e'ausna ta zou .)

yohane 12:46

te'o tiskova, cmʉ'ho ta hpʉhpʉngʉ, akoeva no o'te poa yono voecʉvcʉ namo afu'u tmaa'uzo a'o.

yohane 3:34

i'o isi skuna to hamo ci ic'o mo epeaski to e'e to hamo, maica 'o hamo mo uk'a aca'cʉ'hi ho faeni na seileisi.

sitoo 10:38

imu yaeza cohivi 'o counazalo ci iesu; 'o hamo mo mainenu na hiasi ieni to seilei ho ito meoino tonʉ ho hoyuha to feangosi, poa smaingabo ta mauhpʉhpʉngʉ, peihcocoyʉ to ʉmnʉ ci hi'hioa, aotothoma 'o isi atʉkca no 'akuma ci cou. 'amoeno maica ho isi no'upi to hamo.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

sitoo 4:26

'e honte ta ceoa mo acʉhʉ sikuhcu ho i'eayo; 'ela le'aʉt'ʉcʉ mo maezo yu'eteuyunu, te suyumo to nooe'oca ho ito isi tohʉsʉi ci kilisto.

sitoo 4:27

micueno a'ʉmtʉ maica, 'o helote ho i'o pangsiu pilato mo yonta hosa tan'e ho yu'tukosʉ 'o couyafana ho i'o cou'isolaelu, tehe suyumi 'e socofkoya ci soskuskunusu iesu, 'a i'oeno osko epeiya ho p'eyac'a ci kilisto.

kolosai 1:13

isi to'usni a'to ho poa momeesih'i no tonʉ no voecʉvcʉ, poa noskufu no tonʉ to songohia ci okosi ho poa yunsou a'to.

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.