luka 24:47 - buacou seiso no faeva esvʉtʉ

⁴⁷ temu boemi to ongkosi, epeaska 'e e'e no ma'vovei ho ina peteongaso no kuisi, ahoi ta 'elusalemu psoengongaboa ta mauhpʉhpʉngʉ.

luka 24:47 Iomraidhean Croise

matai 28:19

ko'koeno, temu e'ohʉ, poa meelʉ acʉhʉ tesi'u 'e yatatiskova ta mauhpʉhpʉngʉ, boemi to ongko to amo, oko, seilei ho toononvi,

matai 3:2

isi yainca:

matai 9:13

yainca to seiso: <> temu ta'to'tohʉngva na e'ausnasi tan'e! maica na te'o atuhca hioa ho mi'o cmʉ'ho o'ate'o eyoho'a namo ʉmnʉ ci cou, 'ai'o moeno kuici cou 'o te'o eoho'a.>

luka 13:34

<'elusalemu, 'elusalemu, oskocu opcoza 'o eyongensa, boemi to fatu ho mamcozi 'o ohsi popeoskuna to hamo ho poa uso muu ci soskuskunu! la'u siho 'ucia aʉt'ʉca 'e 'o'okosu, mais'a 'o mosko'ʉ ho lasi sko'pʉ'pʉya to yopngusi 'o ciocio. at'inghi o'a lamu mimho!

sitoo 10:43

acʉcʉhʉ 'o eyongensa ihe yaeza 'akasineni; mo acʉhʉ mainca, namo afu'u tmaa'uzo, te peelʉi ieni to ongkosi ho peteongasa na kuisisi.>

sitoo 11:18

ihecu talʉi 'e e'e eni, 'anaihe 'aoka ehcʉvha, cu acʉhʉ tohmomoengʉ to hamo ho mainca: <'o hamo isi yaeza fii note hia to'usnu 'emo ma'vovei ci couyafana ho poa elʉ no nsou!>

sitoo 13:46

at'inghi, 'o poolo ho panapa nama mo asuhcu e'ʉ'ʉteʉ ho yainca: <'o e'e to hamo te ahtao'te aueva psoecʉ'ha muu. at'inghi, o'a imu tiova, iachi ma'unano o'amo 'aseolʉ no mayo no 'auesiesi nsou. ko'koeno, temia mongoi muu, uhto 'ayumona to couyafana;

sitoo 2:38

isi mi'usni to petelo ho yainca:

sitoo 20:21

'upena hoci mi'usnu to couyutaya ho couyafana, la'u acʉha bumemeala poucufna, poa ma'vovei ho miezuhu to hamo, a'vinano taa'uiva 'o nooe'ocamia ci iesu.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

sitoo 26:20

mi'o auyun'a yone tamasuko ho ine 'elusalemu, mo'ucu nongabo ta yutaya ho ito 'ayumona to couyafana ho eucucufnu to cou poa asansano ma'vovei, miezuhu to hamo, inala peipeis'ausna la poa yupa toseolʉ na ma'vovei ci 'tohʉngʉ.

sitoo 28:28

isicu yainca to poolo:

sitoo 3:19

ko'koeno, temu ma'vovei, miezuhu to hamo, tesieno peteongasa na kuisimu.

sitoo 4:12

moc'o i'mi to ic'o na to'usnu; maica 'e yatatiskova ta hpʉhpʉngʉ, uk'a ci isi faeni to hamo ci mocmo ci ongko, poa noe'ocneni a'to ho elʉ no to'usni.>

sitoo 5:31

isi hoepzeni to hamo. poa yonto iachisi vhona tee tmuoteuyuna. poa leto'usnu. akoeva no poa yaa hiesi no ma'vovei 'e cou'isolaelu. poa peteongasneni na kuisihe.

looma 5:20

ho isi p'eyac'a 'e hoolicu isi poa asuhcu man'i 'e kuisi ta cou; at'inghi. homo asuhcu man'i na kuisi, na mengumi to hamo mo maezo asuhcu atngaso.

'epeso 1:6

teto tohmomoengʉ to psoevohngʉ ci mengumi to hamo, maica isi taha'veni a'to 'o isi atva'esa ngohia ci okosi!

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

yohane 1 2:12

mao'o'oko, mi'o tmopsʉ ta tengami ho faeni muu. maica ina kuisimu isicu ieni to kilisto ho noa peteongasa.