'o tauke te yono o'aisi ta'tuhca to soskuskunu ci hie ho aemo'au cmʉ'ho, tesi a'sʉftona tinoza ti'usna 'e soskuskunu eni, poa tiou no patvovei 'o mocmo cila maezo 'oha meot'ʉt'ʉcʉ ci soskuskunu.
yainca to iesu: <'a isic'oeno faeni to hamo 'emo maica ci tonʉsu, ko'ko mikoeno yaa tonʉ ho yʉsvʉta a'o. ko'koeno, i'omo himhohioa ho tomakneni suu ci cou te asuhcu ecvʉhʉ na kuisisi.>
ho lan'a yono moʉfngʉ ho nongonongo 'e yatatiskova, o'a mocu lasi cumasa to hamo, at'inghi maitan'e isicu pashʉya to hamo 'e yatatiskova ho poa mongoi no mo kokuzo ci ceonʉ.
