la phieni na acʉcʉhʉmu, titha to'usnu nomo thi'cia ci cou na peisu; la ayocneni no o'ate aekieki ci tvopeisua 'e iachi, siya ne pepe na yupasʉ. ne ne'e, o'ate tiepʉnga na yupasʉ; o'a tehe peelʉi peo'eoza no thokeainʉ, maezo uk'a cite bonʉ ci yoi.
at'inghi mo yameomʉ ho kʉhtosʉ si 'tohʉngʉsu, i'mi ta iachi ho m'eya asuhcu man'i ci sʉ'nova, 'amakna tiou no asuhcu ecvʉhʉ ci patvovei ho tac'u esmi na hiesi no ahmʉskʉ ho moulʉlʉ ci yʉsvʉtʉ to hamo.
i'ola micic'o yuyupasʉ ci cou la supeohʉ to ma'pepecvai, noa tʉtpʉta to man'i ci nongonongo ho ito te koa kuzo ci ma'kokonvosʉ, ataveicu sʉhcʉ'o ho meaapayo'ʉ.
songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.
os'o cohivi na 'atutumzo ho ina thi'ciasu; at'inghi na a'ʉmtʉsi ma miko atngaso! os'o cohivi ihe ekuzkuzoa tola mainca couyutaya; a'ʉmtʉsi o'as'a a'ʉmtʉ couyutaya. ma 'oahngʉ to satan!
