looma 8:19 - buacou seiso no faeva esvʉtʉ

¹⁹ acʉcʉhʉ 'e ohola teyai mo acʉhʉ tongsoyʉ no mingeou to psoevohngʉ to hamo hoci i'mi ta mao'o'okosi ho epa'teni.

looma 8:19 Iomraidhean Croise

matai 5:9

'ola cucufnu no moususemʉ ci cou a'ʉmtʉs'a ʉm'ʉmnʉ; tesi ta'okoa to hamo!

yohane 1:12

at'inghi, namo afu'u tiou, 'ai'omoeno tmaa'uzo ci cou, isi afnasa fii no tonʉ ho teyai 'o'oko to hamo.

sitoo 3:21

te ahtuo'te yone pepe 'o kilisto, ac'ʉhʉ ho tac'u i'vaho yufafaeva 'e acʉcʉhʉ; ne noana'o ohsila ieni to eyongensa to hamo hocu epeaska.

looma 8:14

nala afu'u noa eahafa no piepiya to hamo ci cou zou acʉhʉ 'o'oko to hamo.

looma 8:16

na piepiya to hamo ho ina piepiyato te iepoepohʉ soomei ho zou 'o'oko to hamo na a'to.

looma 8:18

os'o yainca no koyu'u, 'e ito esmiza ci 'atutumzo maitan'e. hoci patotiska 'e isi hupopayoi ci tenala faeni a'to ci psoevohngʉ ho noana'o. mate ahta tamza no cuma.

looma 8:23

o'a anouc'o 'e ohola teyai namo maica, 'e mito elʉ tamo ahoi fafʉhʉ ci beahci, 'aeno 'emo elʉ no seilei ci cou, leac'o maezo e'ʉyʉ ho teoecengi 'e 'tohʉngʉ, mooteo hocisi tiova to hamo ho teyai 'o'oko a'to, poa ziu 'e aucunu ci a'o.

looma 9:26

moso yonenu ho o'ula mi'usni ho yainca: o'a 'o'oko'u na muu; tena maezo yono ic'o ho noa yainca zou: 'o'oko no 'auesiesi yayo ci hamo!

kolinto 1 1:7

ac'ʉhʉ ho mimu mooteo hocic'u espa'to 'o nooe'oca iesu kilisto, o'amo aovohʉ nante conci mengumi.

kolinto 1 1:8

'atesi ahtao'te apopaezuma to'usni to nooe'oca muu, no hiesi ho tac'u ohpueho 'o nooe'oca iesu kilisto poa uk'a emzi no koica muu.

kolinto 2 6:18

temu ta'amo a'o; te'o 'o'oko na muu. 'e e'e eni zou e'e'u - soyaa tonʉa ci nooe'oca.

ngalatea 3:26

mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

pilipi 1:20

i'ela'u atva'esa tongsoya ho ta'usni: o'ate'o yuszozʉ no te'o anana'va sviei ci hi'hioa, apuyu conino, aavaho ta maitan'e la a'sʉftonʉ yaa 'ʉteʉ, 'upena hoci mcoi ho yaansoua, boemi ta aucunu ci a'o ho psoevohngʉ to kilisto.

kolosai 3:4

'o kilisto zou a'ʉmtʉmu nsou; ho tenala i'vaho aopa'to, tenamu maezo to kilisto ho i'upu aopa'to, tma'upu no psoevohngʉsi.

hevulu 12:27

'e ci e'e isi husansana ho isi yainca tena noa taot'ova 'e ohola teyai ci macucuma, noa soezuha, tenaeno peelʉi poa nongaco 'o o'aisi taot'ova.

petelo 1 1:13

ko'koeno, temula ae'ayocʉ na 'tohʉngʉ, conino etngou, nala ta'usni la a'sʉftona toveineni no tasi pafeni ci mengumi ho tena aopa'to 'o iesu kilisto.

petelo 1 1:7

'emo maica ci oho sucaefiza 'ateeno ko'ko soomei ho mimu asansano yaa mahtʉicʉ ci singkoo. ac'ʉhʉ to tenala kuzo ci king 'alaeno hmoi to puzu; na singkoomu mo na'nohe pepe to king, te h'unano tiou no hʉsvʉta, teeno peelʉi tohmomoengʉneni, taotofsi'i, einva ho tac'u esmi na hiesi no aopa'to 'o iesu kilisto.

yohane 1 3:1

temueno aiti, mo mainenu na lasi hia ngohia a'to to amopepe! ac'ʉha no yainca zou 'o'oko to hamo na a'to; a'ʉmtʉsi, 'aeno a'ʉmtʉ 'o'oko to hamo a'to. ho lahe ko'ko o'te honga ta yata hpʉhpʉngʉ a'to, mo maica ho o'a ihe honga 'o hamo.

yohane 1 3:2

ngohia ci maananghia, maitan'e zou 'o'oko to hamo na a'to, tenala mainenu ho noana'o, o'a mocu isi husansana. at'inghi, ito cohivi, ho tena aopa'to 'o kilisto, tato acʉhʉ mimamaezo, maica tato aiti na a'ʉmtʉsi mi'a'ausna.

mokusi 21:7

nate atpʉtʉ ci cou te meelʉ tiou tamo ma'maica, 'aeno: tesi hamo a'o; te'o oko na taini.