looma 7:5 - buacou seiso no faeva esvʉtʉ

⁵ ne mohton'a maito yu'ausna ta cou ho yaansoua, 'o hoolicu to moose isi poot'ova na ma'cac'ou ci kuisito, smoevaho ta 'ayumona ta feangoto, na ataveisi 'aeno mcoi.

looma 7:5 Iomraidhean Croise

matai 15:19

maica 'omo i'mi to 'to'tohʉngʉ ta cou ho yuyafo la yaa mav'ov'o ci kuici koyu; 'emo maica ci kuici koyu lasi poa peis'usnu no opcoi, smoc'ou, yup'ouso, meo'eoi, meknuyu, eayaezoyʉ ci kuisi.

yohane 3:6

'e feango ta cou isi peyafa to maameoi, na piepiyasi isi peyafa to seilei.

looma 1:26

i'mi homo maicac'o, 'o hamo lasi mooeza poa fiho no 'aʉnpʉnpʉ ci ma'cac'ouhe; 'o maamespingi la peispuyu to ʉmnʉ ci yu'ausna no yup'ouso ho peʉezi to 'aʉnpʉnpʉ ci yup'ouso.

looma 3:20

maica uk'a cite meelʉ noe'ocʉ no meot'ʉcʉ to hoolicu ho yono tuhcu to hamo ho noa yainca mo moulʉlʉ ci cou. na isi peelʉi hioa ta hoolicu maisic'o poa cohivneni homo iachi yaa kuisia 'e cou.

looma 4:15

ina sʉ'no to hamo mo i'mi to hoolicu; hoci uk'a hoolicu. maezo uk'a cite yainca yutasufku no hoolicu ci hi'hioa.

looma 5:20

ho isi p'eyac'a 'e hoolicu isi poa asuhcu man'i 'e kuisi ta cou; at'inghi. homo asuhcu man'i na kuisi, na mengumi to hamo mo maezo asuhcu atngaso.

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 6:19

os'o sokoeva no temu ngoveoa ta'hongi co 'tohʉngʉ'u, ko'ko mi'o boemi ta tec'o lua ta'hongi ci epo'usa ho mi'usni muu ho engha. ne auyusi, ohmula poa 'aʉnpʉnpʉ si iachimu feango, popeiskuzkuzo, noa soskuskunu no kuisi. maitan'e temucu aucunva sʉ'teni si feangomu ho youcunveni, noa soskuskunu no moulʉlʉ, meelʉcu 'otitha no socofkoya.

looma 6:21

'e imu ta'unano isi h'oinveni ci hi'hioa maitan'e, ho ohmu hioa ne mio, cuma na oho elʉa cimo koa ʉmnʉ? 'ac'oeno mcoi!

looma 6:23

maica na huphina no kuisi 'aeno mcoi; at'inghi 'o isi taha'veni a'to to hamo ci mengumi isi poa yonto 'ayumona to nsou to nooe'oca kilisto iesu na a'to ho mayo no 'auesiesi nsou.

looma 7:23

at'inghi 'e feango'u lasi popeoskuna tomo h'unasi ci p'ofiha - 'e p'ofiha eni la ehtothomʉ 'o os'o ʉmnʉa ci p'ofiha, poa o'te meelʉ momeesih'i tomo maip'ʉcʉ a'o ci p'ofiha no kuisi; 'e p'ofiha eni la yonta feango'u ho 'afeo'fu'u.

kolinto 1 15:56

na mahiz'o ci cʉmʉ no mcoi mo i'mi no kuisi, na tonʉ no kuisi mo i'mi to hoolicu.

kolinto 2 10:3

mito e'vono yunsou ta hpʉhpʉngʉ, at'inghi ina lato ehtothomneni o'a mo i'mi nomo tma'usnu ta hpʉhpʉngʉ ci 'to'tohʉngʉ.

ngalatea 3:10

i'ola biftongʉ no fiho to hoolicu ci cou mo acʉhʉ yaansou no skufu no patkuzoi. maica ho isi yainca to seiso:

ngalatea 5:24

ina mo tma'usnu to kilisto iesu ci cou. ohecu acʉha spica to zuuzika na afu'u ma'konvosʉ ci yu'ausna.

'epeso 2:11

'e mimu asonghoi couyafana, la talʉa na nia a'a'ausna no auyusi: lahe yainca tola iachi mainca moso tiou no s'e'honga ci cou - 'a i'oeno 'ola tifu'fu ho iachia s'e'honga 'e feango ci couyutaya - lahe yainca muu o'amimu tiou no s'e'honga.

'epeso 2:3

a'ʉmtʉsi, ne auyusi 'e mito macicihi, mohtola totiski ta a'a'ausnahe, poa 'aʉnpʉnpʉ 'e ma'konvosʉto ta yu'ausna ho mee'ofeihni ta iachi 'tohʉngʉ. ko'koeno, o'amito toskucuhe ta mocmo ci cou, isi acʉha asvʉta no tiou no patvovei to hamo.

kolosai 3:5

ko'koeno, temu asansana timcoza namo 'afeo'fu'u ta feangomu cimo tma'usnu ta hpʉhpʉngʉ ci ma'konvosʉ, mais'a 'oeno smoc'ou, ma'caca'i, ma'cac'ou, kokuzo, ho i'o makonvosʉ ('e makonvosʉ zou 'oahngʉ to m'ohkuyu no uacoua).

tito 3:3

ne auyusi mohto la maezo nongonongo, yutasufku, eʉngcʉ; mohtola tolei to mav'ov'o ci ma'cac'ou ho ma'nou no peispak'i, yunsou to 'ayumona no ma'papak'i ho smo'eububut'u. yupania mihango.

yakovu 1:15

hoci ngangho'ʉ na ma'konvosʉsi, la peyafa 'o kuisi, hoci yʉepʉngi 'o kuisi tec'u cmʉfeʉ 'o mcoi.

yakovu 4:1

ta taicomu mioeno i'mi nenu na yu'totokʉ ho youbobai? mo i'mi talamu ehtothomneni ta taicomu ci ma'konvosʉ!

yohane 1 3:4

i'ola peiskuisi, 'amoeno yutasufku to hoolicu to hamo, maica ina kuisi 'amoeno yutasufku to hoolicu.