looma 5:8 - buacou seiso no faeva esvʉtʉ

⁸ at'inghi 'o hamo isi pa'teni a'to na uk'a toc'ʉhʉ ci himngonghi: ne mohton'a yaa kuisia, isicu mcoineni to kilisto a'to!

looma 5:8 Iomraidhean Croise

yohane 15:13

'e cou hoci nomio no nanghia ho ciha na nsou, na himngonghi ta hpʉhpʉngʉ uk'a na cite taunona'vʉhe tan'e.

yohane 3:16

isi a'ʉmta ngohia to hamo 'e yatatiskova, ac'ʉha no faeni 'o pecnia ci okosi, te o'te poa meaapayo'ʉ namo afu'u tmaa'uzo ci cou, apuyu mayo no 'auesiesi nsou.

looma 3:5

ina 'oha moulʉlʉto hoci peelʉi husansana na moulʉlʉ to hamo, tetoeno av'a? hocisi patvovei to hamo a'to, tetoeno yainca o'amo moulʉlʉ 'o hamo? (os'o ieni tala hia ma'to'tohʉngʉ ta cou ho engha.)

looma 4:25

isi faeni ta emucu ta cou 'o iesu, nomio ta kuisito ho mcoi; isi poa smoevovei to hamo, ko'ko mitocu meelʉ yaa yupa toseolʉ ci natʉ'ca 'o hamo.

looma 5:20

ho isi p'eyac'a 'e hoolicu isi poa asuhcu man'i 'e kuisi ta cou; at'inghi. homo asuhcu man'i na kuisi, na mengumi to hamo mo maezo asuhcu atngaso.

looma 5:6

ne mohton'a noenoe'in'i, 'o kilisto cu fiho to ohsi esvʉta to hamo ci hie ho mcoineni 'emo yaa kuisi ci cou.

looma 5:7

hoci nomio no coumoʉlʉlʉ ho mcoi o'ala lua talʉi; hoci nomio no ʉmnʉ ci cou ho mcoi, nenusi no panote smeecʉ'ho!

looma 8:32

isi ac'ʉha to okosi ho o'te ngohia, faeni ta mito botngonʉ. homoeno maica, o'atesis'aeno yaeza acʉha taha'veni a'to 'e aʉcʉcʉhʉ?

looma 8:39

ne pepe, ne moumsʉ'eonʉ; ta 'aymona ta ohola afu'a teyai ci mouhpʉhpʉngʉ, uk'a ci conci hi'hioa te meelʉ tohesi no ohsi ieni to nooe'oca kilisto iesu ho faeni a'to to hamo ci himngonghi.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

'epeso 2:7

ho isi yaica te mi'usnu tate yutotavei ho pa'teni na meoino mengumisi, 'ai'oeno isi ieni to kilisto iesu ho epa'teni a'to ci himngonghi.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

temote 1 1:16

at'inghi 'aeno eni na koa isi coveoza to hamo a'o, peelʉi i'mi tamo sokuzoa ci coukuisi ho pa'teni na a'sʉftonʉ ci buveicisi, poa buhmi a'o na tenala atavei tmaa'uzo ho tiou no 'auesiesi nsou ci cou.

hevulu 8:3

'emo macicihi ci taisaisi la noa skuna ho mi'usnu to hamo ho mofi to teonghia ho sʉ'ta; i'mi tan'e 'o taisaisito nte maezo panonte faeni.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

yohane 1 3:16

mo nomzo a'to 'o kilisto ho ciha 'o nsousi, i'mi ta moc'o coni tan'e, itocu cohivi zou cuma na isi yainca himngonghi. homoeno maica. 'antetoeno maezo maica ho nomzo no nanat'ot'ohaesa ho ciha 'e nsou!