looma 5:17 - buacou seiso no faeva esvʉtʉ

¹⁷ e'vono i'mi ta cihi cimo peiskuisi ci cou hocu ahoza atʉkca to mcoi 'e yatatiskova, at'inghi 'e isi aepʉnga to iesu kilisto mion'a asuhcuhe meoisi ho cocoya! inamo afu'u tiou no atngaso ci mengumi ho tmaha'o no meelʉ yupa toseolʉ 'o hamo ci cou, te acʉhʉ i'mi to kilisto ho yaansoua. ho mʉpʉtʉ no tonʉ.

looma 5:17 Iomraidhean Croise

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

yohane 10:10

yʉmeʉmʉ 'o yaksai, 'alac'oeno meo'eoi, opcoi, eon'oi. na te'o atuhca hioa ho mi'o cmʉ'ho te'o poa elʉ no nsou 'e moatʉ'nʉ, a'vinano zou at'otngaso ci nsou.

looma 5:12

'o kuisi mo i'mi tamo cihi ci cou ho yʉmeʉmʉ ta hpʉhpʉngʉ, nomio no kuisi, micu toococeunu 'o mcoi; 'o mcoi micu cmʉ'ho ta yatatiskova, maica homo acʉhʉ peiskuisi 'e cou.

looma 5:15

at'inghi o'amo totiski 'emo yuso ci a'a'ausna, maica mon'a yupa askucu na isi taha'veni to hamo ci mengumi ho i'o kuisi to 'atamu. e'vono botngonʉ namo nomzo to kuisi to cihi ci 'atamu ho mcoi; at'inghi na mengumi to hamo mo asuhcuhe meoisi ho cocoya, na isi ieni to iesu kilisto ho taha'veni ta cou ci mengumi mo totiski meoisi ho cocoya.

looma 5:20

ho isi p'eyac'a 'e hoolicu isi poa asuhcu man'i 'e kuisi ta cou; at'inghi. homo asuhcu man'i na kuisi, na mengumi to hamo mo maezo asuhcu atngaso.

looma 6:14

i'mi tan'e, 'otena i'vaho noa atʉkca no kuisi; maica 'anamimu noskufu no hoolicu, mimu noskufu no mengumi to hamo.

looma 6:23

maica na huphina no kuisi 'aeno mcoi; at'inghi 'o isi taha'veni a'to to hamo ci mengumi isi poa yonto 'ayumona to nsou to nooe'oca kilisto iesu na a'to ho mayo no 'auesiesi nsou.

looma 8:39

ne pepe, ne moumsʉ'eonʉ; ta 'aymona ta ohola afu'a teyai ci mouhpʉhpʉngʉ, uk'a ci conci hi'hioa te meelʉ tohesi no ohsi ieni to nooe'oca kilisto iesu ho faeni a'to to hamo ci himngonghi.

kolinto 1 15:49

mitocu yaa no'usnu ta ceoa ci mi'a'ausna, ho noana'o tato maezo yaa mi'u'usnu to mo i'mi ne pepe ci mi'a'ausna.

kolinto 1 4:8

mimucu noyaemʉhʉ! mimucu atngaso! mimucu honte, hocu sko'usna ta ciepi a'mi. hocieno maica. os'o apuya ʉmnʉa hocimu a'ʉmtʉ honte, tenamza ko'ko maezo i'upu muu ho honte.

pilipi 3:9

a'sʉftonʉ yuecnguhu to kilisto. 'anami'o 'aoko mais'a mo yaa moulʉlʉ homo meot'ʉcʉ to hoolicu. 'e moulʉlʉ'u maitan'e mo i'mi ho mi'o tmaa'uzo to kilisto. isi pafeni to hamo eni. mo i'tohungu no tmaa'uzo.

temote 1 1:14

'o nooe'ocato isi pafi to afnaso ci mengumi a'o, poa yaa singkoo ho himngonghi a'o, na eni mo i'mi ho mo yuecnguhu to kilisto iesu ho cmʉfeʉ.

temote 2 2:12

hocito apaezumo buveici, teto maezo ti'upu no tonʉ to kilisto. hocito meoo'te honga 'o kilisto, tasila yaeza o'te honga a'to.

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

mokusi 1:6

isi poa saisi ta hpʉhpʉngʉsi a'to, ho fifiho to amohamo. no'usnu'sio to iesu kilisto na psoevohngʉ ho tonʉ, ac'ʉhʉ no 'auesiesi! 'aamen.

mokusi 20:4

mi'o i'vaho baito to piyo ci suoca'ha; i'omo yusuhngu to ic'o ci cou mo acʉhʉ mayo to tonʉ no yʉsvʉtʉ. os'o yaeza aiti 'o piepiya to mosola nomio no 'akasi to isi paavi to iesu ci so'emio ho ito e'e to hamo ho noa opcoza ci cou. o'amosola m'ohkuyu to yuansou ho ito uayuansoua, 'o sapcihe ho emucuhe maezo uk'a ci ongko to yuansou. mo acʉhʉ smoevovei, toehungu 'o kilisto ho toposifou honte.

mokusi 20:6

i'oisi peelʉi ta'ayumona ta mo i'nʉskʉ smoevovei ci cou te cofkoya ho ʉm'ʉmnʉ. 'o i'vaho mcoi uk'a ci tesi tonʉ no atʉkca 'emo maica ci cou; tena saisi to hamo ho ito kilisto, te toehungu 'o kilisto ho toposifou honte.

mokusi 22:5

'o ne'e o'anate ivaho yaa feʉngna; o'ate nama sotiskou no hie ho lampu, maica zou tiskovahe 'o nooe'oca hamo. te honte ho aʉt'ʉcʉ, ac'ʉhʉ no 'auesiesi.

mokusi 3:21

inacu mo atpʉtʉ ci cou, te'o pafi no afnaso ci tonʉ, poa su'upu to suoca'ha'u, aʉlʉ mais'a ne mo'ucu atpʉtʉ, mi'ocu totiski su'upu to suoca'ha to amo'u maitan'e.