looma 5:10 - buacou seiso no faeva esvʉtʉ

¹⁰ na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 5:10 Iomraidhean Croise

yohane 14:19

te aomane, o'ana tehe i'vaha aiti ta yatatiskova a'o; at'inghi temu teolʉi a'o, a'vinano maica ho mi'o yaansou, temu maezo yaansoua.

yohane 5:26

aʉlʉ mais'a 'o amo zou i'toekui no nsou, tesi yaeza poa i'toekuneni no nsou 'e oko.

yohane 6:40

maica ina 'tohʉngʉ to amo tesi acʉha poa mayo no 'auesiesi nsou nate afu'u baito ta oko ho tmaa'uzo; no puesona ta hie, te'o poa smoevoveia.>

yohane 6:57

'o 'auesiesi yaa nsou ci amo isi popeoskuna a'o, mi'o maezo nomio to amo ho yaansoua. totiski. namo bonʉ ta feango'u te maezo nomio a'o ho yaansoua.

looma 11:28

'e couyutaya mo bʉʉpsʉpsʉ to fukuin, cu yupa nahanga 'o hamo, na atotaveisi isi poa elʉ ta ʉmnʉsi 'e couyafana. at'inghi, i'mi no hia epei to hamo, maezo i'tohungu no ohsila teomneni to hamo no nia maameoi, 'e couyutaya isic'on'a a'cʉ'cʉna nanghianeni to hamo.

looma 5:11

o'amo anouc'o maica, ho mitocu meelʉ naoveia 'o hamo, o'a tetos'aeno yaeza ieni to nooe'ocato ci iesu kilisto ho kokaekaebʉ to hamo?

looma 5:6

ne mohton'a noenoe'in'i, 'o kilisto cu fiho to ohsi esvʉta to hamo ci hie ho mcoineni 'emo yaa kuisi ci cou.

looma 8:32

isi ac'ʉha to okosi ho o'te ngohia, faeni ta mito botngonʉ. homoeno maica, o'atesis'aeno yaeza acʉha taha'veni a'to 'e aʉcʉcʉhʉ?

looma 8:34

homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

looma 8:7

ko'koeno, nala ma'usnu ta feango ci cou la nahanga 'o hamo; maica ho o'ala meo'uzo no p'ofiha to hamo, a'ʉmtʉsi o'ate meelʉ meo'uzo.

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 5:21

uk'a ci kuisi to kilisto, at'inghi isi nomzi a'to, 'o hamo isi poa ngoeveni to kilisto 'e kuisito, poacu meelʉ i'mi to kilisto na a'to ho yaa naseolʉ ci natʉ'ca to hamo.

'epeso 2:16

ieni homo mcoi to zuuzika, isi poa tosvo to kilisto 'emo maica ci yupa nahanga, ieni to zuuzika ho poa cono feango 'e mo yuso, ko'kocu meelʉ nanghia to hamo.

'epeso 2:3

a'ʉmtʉsi, ne auyusi 'e mito macicihi, mohtola totiski ta a'a'ausnahe, poa 'aʉnpʉnpʉ 'e ma'konvosʉto ta yu'ausna ho mee'ofeihni ta iachi 'tohʉngʉ. ko'koeno, o'amito toskucuhe ta mocmo ci cou, isi acʉha asvʉta no tiou no patvovei to hamo.

hevulu 2:17

ko'koeno, te ahtuo'te yonta mo mav'ov'o ho totiski ta maanat'ohaesasi, yonto tuhcu to hamo ho ma'cocacni ho tae'oci ci saisi, te ko'ko peelʉi peteongasa 'e kuisi ta cou.

hevulu 7:25

ko'koeno, tesi conino peelʉi to'usni 'omo emomio to iachisi ho ohcum'u to hamo ci cou; maica homo 'auesiesi yaansoua, mi'usnu to hamo ho eoho'neni.

yohane 1 2:1

mao'o'oko'u, ho os'o tposi 'emo ma'maica te'o akoeva no o'te poa peiskuisi muu; hoci pano mo peiskuisi ci cou, mito yaa cihi ci moulʉlʉ ci iesu kilisto, la mi'usnu to amopepe ho aomotʉ'neni a'to.

yohane 1 4:10

'aeno eni na himngonghi: o'as'a a'to namo himngonghi to hamo, ma i'o hamo 'omo himngonghi a'to, popeoskuna 'o okosi, nomzo a'to ho ciha 'o feangosi, i'mi to kuisi ho psuovei a'to.

mokusi 1:18

zou 'auesiesi yayo a'o! mo'ula mcoi, yaansou maitan'e, a'vinano te 'auesiesi yaansoua. os'o tʉʉt'ʉca 'e 'oyomiana maavo to mcoi ho vooecʉvcana.