looma 4:14 - buacou seiso no faeva esvʉtʉ

¹⁴ hocic'o faeni tomo meot'ʉcʉ to hoolicu to moose 'e ohsi teomneni to hamo, tec'u 'afeungu 'e tmaa'uzo ta cou, ina isi teomneni to hamo tec'u maezo uk'a a'a'ausna.

looma 4:14 Iomraidhean Croise

looma 3:31

ho isicu e'usna yaica, 'e tmaa'uzoto teen'asi uk'ana a'a'ausna 'o hoolicu to moose? o'ate maica! apuyu, teto asuhca poa tmaʉlʉlʉ 'o hoolicu.

looma 4:16

i'mi tan'e, na teomneni te i'tohungu no tmaa'uzo; na eni te hosoo 'o teomneni to hamo isic'o taha'veni to 'avulahamu ho ito afu'usi mʉntʉ'ca, o'a anouc'o 'omo meot'ʉcʉ to hoolicu ci cou, isi pai'upi 'omo maito 'avulahamu ho tmaa'uzo to hamo ci cou. maica 'o 'avulahamu zou toehungu amo ta mito tma'usnu no piepiya.

kolinto 1 1:13

maincis'a apopaevaza 'o kilisto! zoueno poolo namo yonto zuuzika ho mcoineni muu? mimueno boemi no ongko to poolo ho tiou no toonono?

ngalatea 2:21

o'ate'o bʉʉpsʉpsʉ to mengumi to hamo. 'e cou hoci meelʉ i'mi to hoolicu ho mayo no yupa toseolʉ ci natʉ'ca 'o hamo, hoci maica, o'ates'aeno 'afeungu mcoi 'o kilisto?

ngalatea 5:4

namo mici biftongʉ no mee'ofeihni to hoolicu ho bikoyu no mici toseolʉ na natʉ'ca to hamo ci cou, tec'u hintʉha 'o natʉ'ca to kilisto, iachia antʉha na mengumi to hamo.

pilipi 3:9

a'sʉftonʉ yuecnguhu to kilisto. 'anami'o 'aoko mais'a mo yaa moulʉlʉ homo meot'ʉcʉ to hoolicu. 'e moulʉlʉ'u maitan'e mo i'mi ho mi'o tmaa'uzo to kilisto. isi pafeni to hamo eni. mo i'tohungu no tmaa'uzo.

hevulu 7:19

'o hoolicu to moose o'atesi peelʉi poa peihcʉ'ho no a'sʉftonʉ 'emo mav'ov'o ci hi'hioa. maitan'e mitocu yaa asuhcu ʉmnʉ ci ta'usni, ieni tan'e, teto meelʉ ohcum'u to hamo.

hevulu 7:28

'o hoolicu to moose isi p'eyac'a 'e o'amo a'sʉftonʉ ci cou ho poa taisaisi; at'inghi, 'o hamo mo yonta ataveisi to hoolicu ho esvʉtʉ ho teomneni, p'eac'acu 'o 'auesiesi ho a'sʉftonʉ ci okosi.