looma 3:27 - buacou seiso no faeva esvʉtʉ

²⁷ ho micu maica, cuma na teton'a koa etano? a'ʉmtʉ uk'a! cuma nate 'o'emamzʉ? tee i'mi no noʉt'ʉcʉ to hoolicu? o'asa'a! te i'mi no tmaa'uzo.

looma 3:27 Iomraidhean Croise

maluko 16:16

nate tmaa'uzo ho tiou no toonono, te asansana to'usni; nate bʉʉpsʉpsʉ, te topci no kuisi.

yohane 3:36

namo tmaa'uzo to oko, te yaa 'auesiesi ci nsou; nate o'te tmaa'uzo to oko, o'ate ahtu yaa a'ʉmtʉ nsou, a'vinano na patvovei to hamo 'auesiesi o'ate ahtu mongoi ta feangosi.

looma 10:5

e'usna tola boemi no meot'ʉcʉ to hoolicu ho elʉ no coumoʉlʉlʉ, moso maica 'o nia hia tmopsʉ to moose: <'omo meot'ʉcʉ to mashʉyʉ to hoolicu ci cou te i'mi to hoolicu ho yaansoua.>

looma 11:6

'o hiasi epei to hamo mo i'mi no mengumi, o'aisi ieni no peipeis'ausna ta cou; hoci i'tohungu no peipeis'ausna ta cou, na isi yainca mengumi o'ana a'ʉmtʉ mengumi.

looma 2:17

homicu maica, tekocu mainenu? lako iachi tma'usnu to couyutaya, noe'ocʉ to hoolicu, maezo efnaso mainca mi'o yaa afnaso ci natʉ'ca 'o hamo.

looma 2:23

lako efnaso ho mainca mi'o yaa hoolicu to hamo, leakonana poa aon'oi 'o hoolicu to hamo ho aokoe'iya 'o hamo?

looma 3:19

ito cohivi, 'o mashʉyʉ to hoolicu mo mi'usnu tamo noskufu ta hoolicu ci cou ho ya'ei, akoeva no peelʉi poa peteozu no yʉsvʉtʉ to hamo 'e cou ta mauhpʉhpʉngʉ, poa o'tena meelʉ yaa 'o'emamzʉ 'e cou.

looma 3:26

maica ho isi uveica, coveoza na nia la kuisi ta cou. at'inghi ta maitan'e, isi ieni no toono no kuisi ta cou ho pa'teni na iachisi moulʉlʉ. maicac'o, isicu epa'teni 'o iachisi zou moulʉlʉ, inamo afu'u tmaa'uzo to iesu ci cou isi yaeza poa yaa yupa toseolʉ ci natʉ'ca.

looma 4:2

hoci i'mi no peipeis'ausnasi ho ko'ko peelʉi noa yainca zou coumoʉlʉlʉ, pano tesicu peelʉi etanveni, at'inghi hote yonto tuhcu to hamo o'ate meelʉ.

looma 7:21

i'mi tan'e, os'o honga panto coni ci p'ofiha mo 'afeo'fu'u: hola'u mainca no koyu te'o peis'ʉ'ʉmnʉ, lasi conino paip'ʉci to kokuzo a'o.

looma 7:23

at'inghi 'e feango'u lasi popeoskuna tomo h'unasi ci p'ofiha - 'e p'ofiha eni la ehtothomʉ 'o os'o ʉmnʉa ci p'ofiha, poa o'te meelʉ momeesih'i tomo maip'ʉcʉ a'o ci p'ofiha no kuisi; 'e p'ofiha eni la yonta feango'u ho 'afeo'fu'u.

looma 7:25

'aveoveoyʉ to hamo, ieni to nooe'ocato iesu kilisto, isi peelʉi to'usni a'o. 'e a'a'ausna'u 'amoeno maica: te'oc'o iachi yonta piepiya'u ho meo'uzo to p'ofiha to hamo, 'ecu feango'u la fiho to p'ofiha to kuisi.

looma 8:2

maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.

looma 9:11

at'inghi, tesi epa'teni ho isi a'ʉmta ieni no 'tohʉngʉsi ho epeiya 'omo cihi to oko, mo mi'usnu to lipaicia 'o hamo ho yainca: <'omo mameoi to oko te fifiho tomo okohe.> ne isi engha 'e e'e eni, o'amocu moso yayo 'emo yoso, uk'a mocu ci peis'ʉ'ʉmnʉ ho peiskuzkuzo; peelʉi aiti 'o hamo homo epei mio i'mi no iachisi 'tohʉngʉ, o'amo yupa natʉ'ca no peipeis'ausnahe.

looma 9:31

i'o mo biebimi ho ieni to hoolicu ho meelʉ coumoʉlʉlʉ ci oho epeiya ci cou, apuyu o'te ehcʉ'ho no isi mituhci.

looma 9:32

mo mainci maica? maica ho o'amo noe'ocʉ no tmaa'uzo, moc'o noe'ocʉ no peipeis'ausna, atavei smopcuku ho su'to .

kolinto 1 4:7

siya namo poa tosa'o no mocmo na suu? na acʉcʉhʉsu o'a isis'aeno acʉha pafeni to hamo? maincis'a iachi etano, 'e acʉcʉhʉsu mais'a o'aisi pafeni to hamo ci mengumi?

ngalatea 2:16

at'inghi, ito cohivi, 'emo cihi ci cou hoci meelʉ yupa toseolʉ na natʉ'ca to hamo maisi ieni no tmaa'uzo to iesu kilisto, o'amo biftongʉ no mee'ofeihni to hoolicu to moose. mito maezo tmaa'uzo to iesu kilisto, akoyu no i'mi no tmaa'uzo to kilisto ho meelʉ yaa toseolʉ ci natʉ'ca to hamo, o'amo biftongʉ no mee'ofeihni to hoolicu. maica uk'a cite meelʉ biftongʉ no mee'ofeihni to hoolicu ho meelʉ yupa toseolʉ na natʉ'ca to hamo.

ngalatea 3:22

at'inghi, isi yainca to seiso, acʉcʉhʉ 'e yatatiskova isi ta'ayumona no tonʉ no kuisi, akoeva no ieni no tmaa'uzo to iesu kilisto ho i'tohungvi tiou no ohsila teomneni to hamo; 'e teomneni eni isi pafeni tamo afu'u tmaa'uzo ci cou.