looma 2:16 - buacou seiso no faeva esvʉtʉ

¹⁶ ko'koeno, hoci maito os'o psoyaska ci fukuin, 'o hamo tena yono hiesi no puesona ta hpʉhpʉngʉ, ieni to kilisto iesu, mituhci 'ola nootoefʉngʉ ta 'tohʉngʉ ta cou ho yʉsvʉta.

looma 2:16 Iomraidhean Croise

matai 16:27

'e okocou te yono 'ayumona to psoevohngʉ to amosi, nʉthʉ 'o tensisi ho cmʉ'ho. ho mio, tasi ieni no nia peipeis'ausna tamo macicihi ho eveia.

luka 8:17

acʉcʉhʉ 'ola efʉefʉnga ci hi'hioa la conino epeaska, 'ola afu'a feʉfeʉ'sa ci hi'hioa, te yaeza epopayoa. ho toehunga cohivi.

yohane 12:48

namo bʉʉpsʉpʉ a'o, o'te tiou ta e'e'u ci cou panto tena yʉsvʉtʉ; no puesona ta hie, 'aeno 'e os'o afu'a engha ci e'e tasila yʉsvʉta!

sitoo 10:42

isi pashʉya a'mi ho epeaska ta yatatiskova 'e fukuin, soomei ho zou isi p'eyac'a to hamo, poa yʉsvʉtʉ tamo yaansou ho mcoi ci cou.

sitoo 17:31

maica isicu esvʉta na hiesi, tesi ieni to isi epeiya ci mo cihi, boemi no moulʉlʉ ho yʉsvʉta 'e mauhpʉhpʉngʉ; ieni no i'mi no mcoi ho smoevovei 'emo cihi, isicu faeni ta yatatiskova 'e huomza.>

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

looma 2:5

at'inghi mo yameomʉ ho kʉhtosʉ si 'tohʉngʉsu, i'mi ta iachi ho m'eya asuhcu man'i ci sʉ'nova, 'amakna tiou no asuhcu ecvʉhʉ ci patvovei ho tac'u esmi na hiesi no ahmʉskʉ ho moulʉlʉ ci yʉsvʉtʉ to hamo.

looma 3:6

mioeno ahtu maica! hoci o'amo moulʉlʉ 'o hamo, tesis'aeno peelʉi yʉsvʉta 'e hpʉhpʉngʉ?

kolinto 1 15:1

maanat'ohaesa, temusola talʉa 'o o'ula psoecʉ'ha muu ci fukuin; 'e fukuin eni imucu tiova, a'vinano teyai totnguca to singkoomu.

kolinto 1 4:5

ko'koeno, ho o'amocute esmi na hiesi, o'a temu etfʉngʉ no mocmo ci cou. te toc'ʉha ho tac'u i'vaho cmʉ'ho 'o nooe'oca niantec'u yaa sotavei ci yʉsvʉta; ho mio tasi epopayoi na ohola auc'oc'ova efʉefʉnga no voecʉvcʉ, eceofi nala ta'kokoeva ta cou, ho mio. 'emo macicihi tena mayo nonte anana'va elʉa ci tohmomoengʉa to hamo.

kolinto 2 5:10

maica 'atato ahtuo'te yac'ʉ to tuhcu to kilisto, tiou no yʉsvʉtʉsi. 'emo macicihi tena ieni no nia peipeis'ausna ta feango, ʉmnʉ hocieno kuzo, te tiou no evei.

ngalatea 1:11

maanat'ohaesa, te'o poa cohivneni muu, i'e os'o psoyaska ci fukuin o'aisis'a ta'pangnʉ'va ta cou.

temote 1 1:11

'e yuayayokeo ci 'omahsʉfta mo i'tohungu to fukuin, 'ai'o isieno toveineni a'o to psoevohngʉ ho peelʉi tohmomoengʉneni ci hamo ho epeaska.

temote 2 2:8

teko talʉa 'o iesu kilisto, zou mʉntʉ'ca to tavite, 'o hamo isi poa i'mi to mcoi ho smoevovei; 'aeno eni 'e os'o psoyaska ci fukuin.

temote 2 4:1

yono tuhcu to hamo ho itote yʉsvʉtʉ tomo afu'u yaansou ho mcoi ci kilisto iesu, ieni hote aopa'to ho ito atuhcusi tonʉ, te'o bueeutotaveiya suu:

temote 2 4:8

ahoi maitan'e no ataveisi, isi totea no moulʉlʉ ci tafange a'o, 'ai'oteeno boemi no moulʉlʉ ho hioa na yʉsvʉtʉ ci nooe'oca, tasi pafeni a'o no hiesi ho tena i'vaho cmʉ'ho 'o kilisto, o'atesi anova pafeni a'o. tesi yaeza pafeni tola tata'e hote aopa'to ci cou.

hevulu 9:27

ho tac'u mic'ʉhi, 'e yatatiskova te ahtuo'te acʉhʉ i'nʉskʉ mcoi, ataveisi no mcoi tasi yʉsvʉta to hamo.

petelo 1 4:5

at'inghi. tenala ahtuo'te mi'usnu to tena yʉsvʉtʉ to mcoi ho yaansou ci hamo ho tasvʉta na ohela hioa.

petelo 2 2:9

lasi cohivi to nooe'oca te yainenu na tesi hia to'usnu tola tmaa'uzo ci cou ho poa mongoi no hʉsvʉta, yaeza cohivi te yainenu ho teongasi 'omo kuici cou, aavaho 'ola peisnou no smoc'ou ci feango, ho i'ola potfʉngʉ to tonʉ to hamo ci cou, tasi toteni no hiesi no yʉsvʉtʉ ho patvovei. 'emo maica ci meknuyu ci lema'cohio la yameomʉ ho 'aʉnpʉnpʉ, o'amo anou o'te einu tonte so'einva ne pepe, lean'a apuya aokoe'iya;