looma 15:16 - buacou seiso no faeva esvʉtʉ

¹⁶ poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

looma 15:16 Iomraidhean Croise

sitoo 13:2

nemo seolʉa no m'ohkuyu to nooe'oca ho tanzi, isi mi'usni to seilei ho yainca:

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

sitoo 20:32

sitoo 22:21

isi mi'usni to nooe'oca a'o ho yainca: <> >

sitoo 9:15

isi mi'usni to nooe'oca ho yainca:

looma 1:1

na a'o zou soskuskunu to iesu kilisto ci poolo; isi epeiya to hamo ho poa sitoo, afnasa popeoskuna a'o ho poa epeaski to fukuinsi.

looma 11:13

homo maica te'ocu mi'usnu ta couyafana ho aomotʉ'ʉ: ho zoueno sitoo ta couyafana a'o, 'ate'oeno anana'va huecvʉhʉa 'e os'o fifihi ci hi'hioa.

looma 15:18

'e te'o e'ʉ'ʉteʉa moc'o conci e'e: 'o kilisto isi ieni ta e'e'u ho peipeis'ausna, yaeza ieni to po'e ho ito tonʉ no piepiya to hamo ho poa meo'uzo to hamo 'o couyafana. i'mi tan'e, ahoi ne 'elusalemu ac'ʉhʉ to mia'usnu to hpʉhpʉngʉ ne 'ililiku, la'u nongongaboi ho psoyaska 'o fukuin to kilisto.

looma 15:20

la'u conino ma'koyu. te'o uhta o'amocumosola ahtu tmac'ʉhʉ to kilisto ci hpʉhpʉngʉ ho epeaska 'e fukuin, cite'os'a p'eyac'a no totnguca no mocmo na os'o hioa.

looma 15:29

os'o cohivi, ho tena'u baito muu te'o yaeza hafneni muu 'emo atngaso ci mengumi to kilisto.

looma 5:5

'e ta'usni eni o'ate ahtu 'afeungu; maica 'o hamo isi ieni to isi pafeni a'to ci seilei, isicu cohmeni ta 'tohʉngʉto na himngonghisi.

kolinto 1 3:5

te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

kolinto 1 4:1

ntemula hu'u'usna no soskuskunu to kilisto na a'mi, tiou no leaʉt'ʉcʉ to moumsʉ'eonʉ ci emoo to hamo.

kolinto 1 6:19

o'a imueno cohivi 'e feangomu zou emoo to seilei? 'e seilei eni mo yonta 'ayumonamu, isi pafeni to hamo. o'amimu tma'usnu ta iachi, mamo tma'usnu to hamo,

kolinto 2 11:23

zou soskuskunu to kilisto na hin'i? ake'i efnaso, te h'unano zou a'o! 'o la'u hioa la h'unano ngoseo, h'unano man'i 'o hia'u noekotu, h'unasa 'aoka noa ti'usna, man'i ci hia yonto sokoeva 'e nsou.

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 8:5

mo a'ʉmtʉ na'no nosa'o no imza totea na eni. ahoi. ihe aueva faeni to nooe'oca 'o iachihe feango, ataveisi micu maino 'tohʉngʉ to hamo ho to'usni a'mi.

ngalatea 3:5

isi pafi no seilei to hamo na muu, a'vinano yonta taicomu ho hioa 'emo man'i ci po'e, mio maica ho mimu mee'ofeihni to hoolicu, hocieno o'te maica ho mimu tmaa'uzo to fukuin?

'epeso 2:18

ieni to kilisto, 'upena 'e couyutaya ho i'e couyafana, teto acʉhʉ meelʉ yono 'ayumona to conci seilei ho uhto tuhcu to amopepe.

'epeso 2:22

noe'ocʉ to iesu kilisto, tesi yaeza p'eyac'a muu, meelʉcu ieni to seilei ho 'oyona amiocni to hamo.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

pilipi 2:17

'upenaeno te'o boemi ta hmuyu'u ho sʉ'teni, sahuneni ta imu yomza no singkoo ho sʉ'teni to hamo ci sʉ'ta, te'oc'o kaebʉ, a'vinano poa tma'upu no kaebʉ'u na muu.

pilipi 4:18

'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.

tesalonike 1 2:2

imu cohivi, to auyusi ne momza uso muu, yone fuilipi momzacu elʉ to 'atutumzo, noa aokoe'iya. at'inghi isi fii to 'ʉteʉ to hamo a'mi, yontomo meoino yutasufka. imza peelʉi psoecʉ'ha muu 'e fukuin.

tesalonike 1 2:9

maanat'ohaesa, 'aimus'a ahtao'te talʉa, lea mainenu na lamza hia asno'zonʉ ngoseo yaahioa, mo nomio no o'te poa e'ecvʉhʉ muu ho temza psoyaski ta fukuin to hamo.

tesalonike 1 5:23

i'ola mofi a'to to soanono ci hamo tesi'sola poa a'sʉftonʉ cofkoya muu! tesi'sola aʉt'ʉca na piepiya, hzoo, ho feangomu, ho tac'u i'vaho cmʉ'ho 'o nooe'oca iesu kilisto meelʉ h'aucucunu!

temote 1 1:11

'e yuayayokeo ci 'omahsʉfta mo i'tohungu to fukuin, 'ai'o isieno toveineni a'o to psoevohngʉ ho peelʉi tohmomoengʉneni ci hamo ho epeaska.

temote 1 2:7

nomio ta isi mituhci tan'e, mi'o noa popeoskuna ho lepsoyaski ho sitoo to couyafana, lema'cohio ho poa tmaa'uzo a'vinano bohngʉ ta so'emio. o'a mi'o meknuyu; 'e e'e'u mo acʉhʉ eʉlʉ!

temote 2 1:11

nomio ta fukuin tan'e, isi skuna to hamo a'o ho lepsoyaski, sitoo ho lema'cohio.

hevulu 13:16

teav'as'ala ta'payo'a na peis'ʉ'ʉmnʉ ho to'usnu no mocmo ci cou, maica 'ai'emoeno maica ci sʉ'ta 'e isi ʉm'ʉmnʉa to hamo.

petelo 1 1:12

'o hamo isi poa cohivneni to eyongensa, na hiahe yaahioa o'a ihe hioaneni 'e iachi, ma ihe hioaneni muu. 'o ohela maeengha ci hi'hioa, maitan'e isicu ieni tola yaahioa to fukuin, noe'ocʉ to tonʉ tomo i'mi ne pepe ci seilei, hocu psoecʉ'ha muu; 'emo maica ci hi'hioa, ac'ʉhʉ to tensi ma ohe yaeza 'ucia asansana!

petelo 1 2:5

temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.