looma 12:2 - buacou seiso no faeva esvʉtʉ

² 'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.

looma 12:2 Iomraidhean Croise

matai 13:22

i'o isi yapneni to cʉcʉmʉ ci tutu. isi pas'usna tola tmalʉ to e'e, la ma'tipvongʉ no h'oyunsova. eepecvazi no mici yuyupasʉ hocu timcoza na ntohsi nsou ta e'e. 'anamo meelʉ beahci.

maluko 4:19

at'inghi na ma'tipvongʉ no h'oyunsova, eepecvazi no mici yuyupasʉ, ho ina mav'ov'o ci ma'konvosʉ la acʉhʉ esmi, hocu timcoza na ntohsi nsou ta e'e. 'anamo meelʉ beahci.

yohane 14:30

o'anate'o 'ahʉyʉ 'aoko eman'i, maica tec'u esmi 'ela atʉkcʉ ta hpʉhpʉngʉ. uk'a ci tesi tonʉ hote mi'usnu a'o;

yohane 15:19

honcimu tma'usnu ta hpʉhpʉngʉ, 'e hpʉhpʉngʉ 'atesi ahta o'te ngohia 'emo tma'usnu ta iachi. at'inghi, os'o i'mi ta hpʉhpʉngʉ ho epeiya muu, o'ana mimu tma'usnu ta hpʉhpʉngʉ; ko'ko ihe sʉ'nova ta yatatiskova muu.

yohane 17:14

os'o faeni hin'i 'o e'esu; lahe sʉ'nova ta yatatiskova hin'i, maica o'a mihin'i tma'usnu ta hpʉhpʉngʉ, aʉlʉ totiski ho o'ami'o tma'usnu ta hpʉhpʉngʉ.

yohane 7:7

o'atehe sʉ'nova ta yatatiskova muu, maihe sʉ'nova a'o, maica ho la'u conino pas'osi homo kokuzo 'o lahe peipeis'ausna.

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 13:14

at'inghi, temula ieni to nooe'oca iesu kilisto ho seuseu'heni 'e iachi; 'otec'ola ma'nou ma'mamso no poc'ou ci hi'hioa ta feango!

looma 7:12

mo socofkoya 'o a'ʉmtʉsi ta hoolicu to moose; 'o mashʉyʉ to hoolicu mo anana'o socofkoya, moʉhmʉskʉ ho mou'ʉmnʉ.

looma 7:14

ito cohivi, 'o hoolicu to moose mo tma'usnu no piepiya; at'inghi na a'o te ahtuo'te toapayo'ʉ ci cou, isicu phieni to kuisi ho teyai tolei.

looma 7:22

'e yu'ausna ta 'tohʉngʉ'u. la anana'o himkaebʉ to p'ofiha to hamo.

kolinto 1 3:19

maica 'ela ma'unano mo yaa moutʉs'ʉ ta hpʉhpʉngʉ, ho lasi aiti to hamo. mo nongonongo. aʉlʉ maito isi yainca to seiso: <'o hamo isi poa mumzo to iachihe kuici koyu 'omo moutʉs'ʉ ci cou.>

kolinto 2 4:4

'emo maica ci cou homo o'te tmaa'uzo, mo maica ho isi poa bʉkngʉ ta hicu ta hpʉhpʉngʉ na mcoo no 'tohʉngʉhe, poa o'te bohngʉ no tiskova ta fukuin; 'e fukuin isi engha 'omo natʉ'ca 'o psoevohngʉ to kilisto, 'o kilisto 'aeno a'ʉmtʉsi mi'ausna to hamo.

kolinto 2 5:17

'upena na siya, hocic'u afu'u yayo na nsou to kilisto; zoucu faeva ci cou. micu sucaefi 'omo noana'o. micu esmi 'emo faeva.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 2:2

ne mio, mohmula mee'ofeihni to kokuici hi'hioa ta hpʉhpʉngʉ, peteozu tola tʉʉt'ʉcʉ ta engʉca, 'ai'olaeno aʉt'ʉcʉ to la yutasufku to mashʉyʉ to hamo ci h'aokuv'o.

'epeso 5:17

i'mi tan'e, 'otela moma'payo'ʉ ci cou, la cohivi zou cuma na 'tohʉngʉ to nooe'oca.

kolosai 1:9

i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.

kolosai 3:10

aʉe no faeva ci a'o. 'e faeva ci a'o, isi ieni no iachisi mi'ausnasi to moso mooyai ci hamo ho ausuhca poa yufafaeva, meelʉ a'sʉftonʉ bohngʉ to hamo.

kolosai 4:12

'omo i'mi ta lamu yoni ci 'ipafu mo tuayokeo muu; zou maezo soskuskunu to kilisto iesu. lasi asngʉcva asno'zona 'inolineni muu, mi'usnu to hamo ho p'enzeni no mahtʉicʉ ci singkoo na muu, meelʉcu yʉepʉngi ci kilistoto, a'sʉftonʉ meot'ʉt'ʉcʉ no 'tohʉngʉsi.

tesalonike 1 4:3

'o 'tohʉngʉ to hamo tesi 'ucia poa socofkoya muu, asansano o'ate yaa smoc'ou ci hi'hioa.

yakovu 1:27

inalasi hia baito to amohamo, i'ola cofkoya ho uk'a heo'tʉ ci singkoo 'aeno: aʉt'ʉcʉ tola 'atutumzo ci 'o'oko ho itola tuvcongʉ ci mamespingi, ayʉca 'e iachi ho o'te poa uv'ohneni no tokuzo ta hpʉhpʉngʉ.

yakovu 4:4

'e mimu 'oha meot'ʉt'ʉcʉ ho o'te tmaa'uzo ci cou, o'aimueno cohivi hoci enananghia ta hpʉhpʉngʉ, te nahanga 'o hamo, siya nate nanghia ta hpʉhpʉngʉ, 'aeno siya na hangʉ to hamo!

petelo 1 1:14

temu meo'uzo to hamo, teav'a poa eahafneni no ma'konvosʉ, mais'a ne mohmun'a nongonongo ne auyusi.

petelo 1 1:18

imu cohivi, ho mimu meelʉ i'mi to kuzo ci h'oceoceona to nia maameoi ho noa poesih'a. mo mainenu na hʉpʉezasi. ma'imo anou mais'a 'ola peelʉi payo'a na hʉpeʉezasi ci macucuma, mais'a 'oeno king ho nging.

petelo 1 2:3

aʉlʉ mais'a 'o isi yainca to seiso:

petelo 1 4:2

ahoi maitan'e, na ang'osʉsi no temun'a mia ci hie ta hpʉhpʉngʉ temu poa aʉt'ʉcneni no 'tohʉngʉ to hamo, teav'ana i'vaha poa atʉkceni no ma'konvosʉ ci 'tohʉngʉ ta cou.

petelo 2 1:4

maicac'o, isi faeni a'to 'omo atva'esi meoisi ho atva'esa ngohia ci mengumi; ieni ta mengumi tan'e, mimu meelʉ pkaako tate koa meaapayo'ʉ ci ma'konvosʉ ta hpʉhpʉngʉ, ho tma'upu no yu'ausna to hamo.

petelo 2 2:20

'e cou hoci i'mi homo bohngʉ to nooe'oca - iesu kilisto, i'mi ta tonʉ no tokuzo ta hpʉhpʉngʉ ho tomeesih'i, ataveiya i'vaha tʉtpʉta ho noa atʉkca, na atotaveisi tamo maica ci cou te asuhcuhe kuzo ne auyusi.

yohane 1 3:13

ko'koeno, maanat'ohaesa, hocihe sʉ'nova ta yata hpʉhpʉngʉ muu, o'atemu nama yamci.

yohane 1 5:19

ito cohivi, acʉhʉ 'e hpʉhpʉngʉ e'vono yono lasi atʉkca to kokuzo, tetoc'o asngʉcʉ tma'usnu to hamo.

mokusi 12:9

'o meoino long isicu topeohneni; 'aeno 'o ohola yainca fkoi noana'o, 'o ongkosi zou 'akuma hocieno satan, la maspepecvai ta yatatiskova. mo noa topeohneni ta ceoa; isi yaeza topehneni 'o soskuskunusi.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.