looma 12:16 - buacou seiso no faeva esvʉtʉ

¹⁶ 'upena hoci mi'usnu nomo mainenu ci cou, la cono 'tohʉngʉ ho yupa maecingi. 'otela bobitano na 'tohʉngʉ, la euteozuc'o tola huaceaci; maezo 'otela ma'unano mo iachi mau'to'tohʉngʉ.

looma 12:16 Iomraidhean Croise

matai 11:5

'aeno: mo bohngʉ 'omo bʉkngʉ, coeconʉ 'omo pi'o, cofkoya 'omo to'ho'ho, tmalʉ 'omo loʉngʉ, smoevovei 'omo mcoi, tmac'ʉhʉ to fukuin 'omo thi'cia.

matai 26:11

maica la asngʉcʉ yaa no'upu muu ci mo thi'cia ci cou, at'inghi o'a te'o meelʉ asngʉcʉ no'upu muu.

luka 14:13

ho ciko eho'ʉ, la eho'ʉ tomo thi'cia, tma'congo, pi'o, bʉkngʉ;

luka 6:20

mo miezuhu to tesisi 'o iesu, mi'usni ho yainca: <'ola aviovio ci cou. a'ʉmtʉs'a ʉm'ʉmnʉ; na muu zou 'o'oko to hpʉhpʉngʉ to hamo!

sitoo 4:32

'emo noteuyunu ci sinto acʉhʉ conci 'tohʉngʉ, uk'acimo cihi cinte tmaachi no iachi macucuma; 'o afu'u macucuma ihe toehunga titha.

looma 11:20

mioeno o'te emzo 'e e'e eni. ho isi tibkoca, mo i'mi ho o'aihe taa'uzva; ho miko meelʉ bʉʉlʉlʉ, mo maica ho miko tmaa'uzo. at'inghi o'a teko bitano, la conino yaa etngou ci 'tohʉngʉ.

looma 11:25

maanat'ohaesa, panto conci moumsʉ'eonʉ ci so'emio, os'o tata'za hocimu cohivi, temus'a conino ma'unano mimu iachi mau'to'tohʉngʉ. 'e so'emio eni zou: mo apaevai yameomʉ 'e cou'isolaelu, tec'o totea ho tac'u acʉhʉ ma'hi'usnu to hamo 'o couyafana.

looma 12:3

ieni to isi faeni a'o to hamo ci mengumi, te'o mi'usnu ta mimu macicihi ho yainca: teav'a anga huepzi si iachimu, la apuyu einu ho noyʉyʉci 'e iachi, macicihi maino isi faeni to hamo ci singkoo ho tosvʉti 'e iachi.

looma 15:5

i'ola mofi no buveici ho poucufnu ci hamo tesi'so to'usni muu ho poa yaa totiski cila hu'a'ausna, momaemaezo no peipeis'ausna to kilisto iesu.

looma 6:2

o'ate ahtu maica! hoci i'mita kuisi ho engha, 'a mitocu mcoi. mainci tetos'a aac'o a'cʉ'cʉnʉ yunsou no 'ayumona no kuisi?

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 1 3:18

'e cou o'ate peknui 'e iachi. ta taicomu hoci panonte fiho ta svʉta ta yatatiskova ho iachi ma'unano mo yaa moutʉs'ʉ, nte apuyu ʉmnʉ hoci nongonongo, tec'ueno a'ʉmtʉ yaa moutʉs'ʉa.

kolinto 1 4:10

mimza nomzo to kilisto hocu nongonongo ci cou, na muu mimu apuyu yonto kilisto ho na'no mau'to'tohʉngʉ; lamza yoheoz'u, lamu apuyu yumamahtʉicʉ; lahe hupotfʉnga a'mi, apuya koe'ia muu.

kolinto 1 6:5

a'ʉmtas'a h'oinveni! uk'a cimoeno mako cihi cinte ake'i yaa moutʉs'ʉ ho peelʉi eususeoma 'emo ep'ʉcʉ ta taicomu?

kolinto 1 8:2

i'ola micinanaeno pano isi co'cohivi ci cuma, a'ʉmtʉsi o'amocu isi cohivi 'o ntesi anana'va cohivi.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

pilipi 3:16

'upena hoci mainenu, teto ieni to lato asonghoza fihi ci h'ofiha ho emosuhcu.

pilipi 4:2

nat'ohaesa ci yo'ate ho sintuki, te'o cucufni muu la no'ayumonʉ to nooe'oca ho tohmʉskʉ na 'tohʉngʉ.

hevulu 13:5

'otela ma'konvosʉ no yupasʉ, la ma'mamso ta acʉcʉhʉto. maica ohsila yainca to hamo: <'auesiesi o'ate'o ahta ngozi suu, 'auesiesi o'ate'o ahta ciha suu.>

petelo 1 3:8

hoci ensoha: temu aa'pucu tohmʉskʉ. yupa ma'cocoveoyi, himngonghi mais'a nat'ohaesa, boemi no ma'cocacni ho ma'einu ho yu'tat'ʉcʉ.

petelo 1 5:3

teav'a anga ayʉca 'o lamu aʉt'ʉca ci moatʉ'nʉ, mate mooyai no tehela hu'ofeihni to moatʉ'nʉ.

yohane 3 1:9

mo'ula tmopsʉ to tengami ho faeni to kiokai; at'inghi, 'o mo mici papoevʉ ci titofei o'a isi cumasa 'o nia e'e'u.