looma 12:1 - buacou seiso no faeva esvʉtʉ

¹ ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 12:1 Iomraidhean Croise

luka 7:47

te'o eʉsvʉta suu, 'e isi pa'teni cimo mʉ'eona ci himngonghi isi soomei ho isicu peteongasa na man'i ci kuisi. namo kakutia na isi peteongasa, mo maezo kakutia na isi pa'teni ci himngonghi.>

looma 12:2

'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.

looma 15:16

poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

looma 15:30

maanat'ohaesa, ieni to nooe'ocato ci iesu kilisto, yaeza ieni to isi pafeni to seilei ci himngonghi, te'o m'ene muu, nomio a'o teto toehungu mi'usnu to hamo ho 'inoli.

looma 2:4

nenusi no osko hupotfʉnga na ma'cocacni, ho luaveica to hamo? nteko cohivi mo ma'cocacni 'o hamo, maica lasi'so 'ucia poa ma'vovei suu.

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 6:16

'aimueno cohivi, holamu soskuskunu no mocmo ho meo'uzo no taukemu, 'acueno soskuskunusi na muu. 'atec'ueno peelʉi yainca, hocimu noa soskuskunu no kuisi, 'aeno mcoi na ataveisi; hocimu meot'ʉcʉ to hamo, tec'u meelʉ moulʉlʉ ci cou.

looma 6:19

os'o sokoeva no temu ngoveoa ta'hongi co 'tohʉngʉ'u, ko'ko mi'o boemi ta tec'o lua ta'hongi ci epo'usa ho mi'usni muu ho engha. ne auyusi, ohmula poa 'aʉnpʉnpʉ si iachimu feango, popeiskuzkuzo, noa soskuskunu no kuisi. maitan'e temucu aucunva sʉ'teni si feangomu ho youcunveni, noa soskuskunu no moulʉlʉ, meelʉcu 'otitha no socofkoya.

looma 9:23

tesi yaeza epa'teni a'to na atngaso ci psoevohngʉsi. 'aeno a'to na tesi mi'usni ho coveoza, a'vinano zou isi ayoca no poa tiou no psoevohngʉsi ci cou.

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 4:1

ho isieno coveoza to hamo a'mi, toveineni a'mi 'ete hioa, o'a na temza ma'sasmʉzʉ.

kolinto 2 4:16

ko'koeno, o'a lamza ahtu ma'sasmʉzʉ. 'e yafana ta feangomia la e'vono ausuhcu suhcʉhcʉ, 'e nsou ta 'ayumonamia mo huhucmasi yufafaeva.

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 5:10

la husansana zou cuma na lasi ʉm'ʉmnʉa to nooe'oca ci hi'hioa.

pilipi 1:20

i'ela'u atva'esa tongsoya ho ta'usni: o'ate'o yuszozʉ no te'o anana'va sviei ci hi'hioa, apuyu conino, aavaho ta maitan'e la a'sʉftonʉ yaa 'ʉteʉ, 'upena hoci mcoi ho yaansoua, boemi ta aucunu ci a'o ho psoevohngʉ to kilisto.

pilipi 2:17

'upenaeno te'o boemi ta hmuyu'u ho sʉ'teni, sahuneni ta imu yomza no singkoo ho sʉ'teni to hamo ci sʉ'ta, te'oc'o kaebʉ, a'vinano poa tma'upu no kaebʉ'u na muu.

pilipi 4:18

'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 1 4:10

mimu maezo maito hia mo'ma'cohio tan'e ho aʉt'ʉt'ʉca 'o afu'u sinto ne makitong. at'inghi maanat'ohaesa, te'on'aso eucufna muu ho asuhcu bitotonʉ,

tesalonike 1 5:12

maanat'ohaesa, temia m'ene muu, temula einva 'ola ngoseo yaahioa ta 'ayumonamu - 'ai'o ohsi epeiya to nooe'oca ho poa eucufnu ho kokoicʉ muu.

temote 1 2:3

mo ʉmnʉ 'emo maica, lasi ʉm'ʉmnʉa to leto'usnu ci hamoto.

temote 1 5:4

hoci pano 'o'oko hocieno mʉntʉ'casi, 'emo maica cimo yutotavei te yonta emoo ho auyun'a momaemaezo no tela hia meot'ʉt'ʉcʉ, poa evei no amo ino ho ito ak'i ho ba'i, maica na eni lasi ʉm'ʉmnʉa to hamo.

fuilimong 1:10

'e te'o mi'usneni suu ho p'enia zou nomio to 'anisimo ho noa 'tohʉngʉ. zou oko'u to 'ayumona to kilisto; ne mo'u yonto poo'usna ohsi ta'amoa to piepiyasi a'o.

fuilimong 1:9

at'inghi, isi cucufni no himngonghi a'o ho m'ene suu. na a'o - poolo, e'vono zou soskuskunu to kilisto iesu, maitan'e os'o yaeza nomzi ho noekotu, te'oc'o ma'kaebʉ no maica ci hioa.

hevulu 13:22

maanat'ohaesa'u, temu'so uveica tiova 'e e'e no'u poucufnu; o'aos'o nama poa tacvoh'i 'e hia tmopsʉ ta tengami.

petelo 1 2:20

hocimu nomio no peis'epo ho noa ti'usna, cuma nate koa emomoengʉa? 'ai'olac'o i'mi no peis'ʉ'ʉmnʉ ho buveici no 'atutumio ci cou na tesi pafi no ʉm'ʉmnʉ to hamo.

petelo 1 2:5

temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.