looma 1:13 - buacou seiso no faeva esvʉtʉ

¹³ maanat'ohaesa, te'o poa cohivneni muu, mo'u siho ma'koyu no baito muu, at'inghi la conino yaa nomʉtʉ ci hi'hioa ho o'te emozou. na te'o mituhci nte'o uhta taicomu ho engochʉ ta cou ho poa tmaa'uzo to nooe'oca. totiski ho la'u yonto taico to mocmo ci couyafana.

looma 1:13 Iomraidhean Croise

yohane 12:24

te'o bumemeala eʉsvʉta muu, 'emo coni ci teusu no heome hoci o'te su'ta ceoa, ho mcoi, teec'o asngʉcʉ coni ci teusu; hoci mcoi, te omcu tamo man'i ci teusu.

yohane 15:16

o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu.

yohane 4:36

'omo efeutu te mayo no hnoo, a'pʉ'pʉyʉ no beahci no 'auesiesi nsou, poa toehungu kokaekaebʉ 'o moso emʉm'ʉ ho i'omo efeutu.

sitoo 1:15

micu mipzohi panto hia noteuyunu to sinto, mo asonʉ se'conza mpusku ci cou 'omo i'upu. mo yʉc'ʉ 'o petelo, yainca:

sitoo 14:27

mo yuovei ne 'antia, ihecu eteuyuna 'o maanat'ohaesa to kiokai, eʉsvʉsvʉta isi yainenu ho isi titha to hamo ho yaahioa, yainenu na hiasi paavneni no phingi no singkoo 'o couyafana.

sitoo 15:12

mo acʉhʉ amiocni ho talʉi 'o poolo ho panapa ho ihe eʉsvʉsvʉta ho isi titha to hamo ho yonta 'ayumona ta couyafana ho hioa 'emo man'i ci po'e ho taunona'vʉ ci hi'hioa.

sitoo 19:21

ataveisi ta hi'hioa tan'e, 'o poolo mo ma'koyu no mine makitong ho 'akaiya, ho uhne 'elusalemu. isi yainca:

sitoo 21:19

isi mi'usni to poolo ho tuayokeoi, ataveisi micu mi'usnu ho eʉsvʉsvʉta mio mainenu na hiasi titha to hamo ho poa uhto couyafana ho yaahioa.

sitoo 28:14

to ic'o yupteilʉ to piyo ci sinto; mo aʉlʉ miptuhi ho ihe tʉtpʉta a'mi ho aʉt'ʉt'ʉca. maicacu mimzacu sʉc'ʉhʉ ne looma.

looma 1:12

hocieno nte'o yainca, i'mi no singkooto, teto meelʉ yupania mayo no poucufnu.

looma 11:25

maanat'ohaesa, panto conci moumsʉ'eonʉ ci so'emio, os'o tata'za hocimu cohivi, temus'a conino ma'unano mimu iachi mau'to'tohʉngʉ. 'e so'emio eni zou: mo apaevai yameomʉ 'e cou'isolaelu, tec'o totea ho tac'u acʉhʉ ma'hi'usnu to hamo 'o couyafana.

looma 7:1

maanat'ohaesa, lamu acʉhʉ bocbochio to hoolicu ci cou, ko'koeno 'atemu ahtao'te ta'hongi 'e te'o hia eʉsvʉsvʉtʉ: ina lasi hia atʉkcʉ ta cou to hoolicu 'aihomon'a yaansoua 'e cou nate yaa a'a'ausnai.

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 1 10:1

maanat'ohaesa, te'o poa talʉaneni muu, na ohela esmiza ci hi'hioa to nia maameoito ho mosola to'ofeihni to moose ho yone maepuepuhu. mosola acʉhʉ yono isi to'isihngi no cmʉcmʉ ho ko'ko soanono ho supihi ne fʉhngoya etʉpʉ.

kolinto 1 12:1

maanat'ohaesa, e'usna no mengumi to seilei, os'o tata'za hocimu acʉhʉ bochio.

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 1 9:2

'upena ho o'a lahe ta'una no sitoo to mocmo ci cou a'o, lamu conino ta'una no zou sitoo a'o! maica ho mimu meelʉ sinto to nooe'oca 'aisicueno peelʉi humzi tan'e ho zou sitoo a'o.

kolinto 2 1:8

maanat'ohaesa, imza tata'ia hocimu cohivi, i'o omza elʉa ci 'atutumzo ne momza yone 'aziasoo. i'omo meotpʉtʉ ta feangomia ci cvʉhʉ mio mainenu na hia meoisi, mainenu 'o hiasi ecvʉhʉ, ac'ʉhʉ no uk'a na maka ta'usni no yaansoua.

kolinto 2 2:14

at'inghi, 'aveoveoyʉ to hamo! maica lasi asngʉcva eahahafa a'mi, 'e ohsila holeo to kilisto ci a'mi poa meelʉ to'upu toteuyunu to kilisto homo atpʉtʉ. isin'a yaeza titha a'mi ho poa meingongabo 'o namusngau ho mito bohngʉ to kilisto.

ngalatea 3:15

maanat'ohaesa, teto i'mi ta lato huhucmasa h'oyunsova ho ecni no epo'usa: 'e mo yoso honci yupa tohmʉskʉ nomo coni ci hi'hioa, a'vinano tmopsʉ no tposno esvʉtʉ. o'ate peelʉi aha'va tapuhngi hocieno aovoha.

ngalatea 6:18

maanat'ohaesa, na mengumi to nooe'oca iesu kilisto tesi'sola pafeni muu! 'aamen.

pilipi 1:22

at'inghi, hoci'u yaansou ho meelʉ man'i na nte'o hioa cimo koa ʉmnʉ, o'ana os'o cohivi nte'ocu epei note mainenu.

pilipi 4:17

o'ami'o ma'to'tohʉngʉ no teonghi, mala'u 'ucia poa yaa man'i ci tingacva muu, ta'usna no iachimu tposʉ.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 1:6

'e fukuin eni o'aisi anova psoecʉ'ha muu, isi yaeza psoengaboa ta mauhpʉhpʉngʉ, asngʉcʉ yusuhci ho beahci, aʉlʉ mais'a ne ohmun'a ahoza tac'ʉhi hocu a'ʉmta honga 'o mengumi to hamo, mo totiski yusuhci ho beahci.

tesalonike 1 2:18

mimza na'no mici i'vaho uhto lamu yoni. na a'o - poolo o'a mo anouc'o i'nʉskʉ ho mi'o mici yuovei ho petpʉskeni muu, at'inghi isi vomti to satan a'mi.

tesalonike 1 4:13

maanat'ohaesa, e'usnu to micu mcoi ci cou, imza tata'za ho cimu ake'a cohivi 'emo piyo ci hi'hioa, temus'ala angu ma'nanac'o. mais'a 'ola uk'a ta'usni ci cou.

tesalonike 2 2:7

i'ola nootoefʉngʉ ci la peiskuzkuzo micu ahoi yaahioa; at'inghi, totea ho tasicu ese'veni 'o emucu tomo nomʉtʉ ta hi'hioa, niantec'u yuyafo 'e hi'hioa eni.

temote 2 4:17

la bichipi to nooe'oca ho e'oca a'o, fii to tonʉ a'o, ho a'sʉftona psoecʉ'ha to couyafana 'e fukuin; mo'u maezo i'mi to ngayo to e'uho ho noa to'usni.