kolinto 1 8:9 - buacou seiso no faeva esvʉtʉ

⁹ at'inghi, la bumemealʉ, 'otes'a i'mi ho imu titha na iachi ziu ho poa peiskuisi 'omo yoz'u 'o singkoo ci cou.

kolinto 1 8:9 Iomraidhean Croise

matai 18:10

looma 15:1

'e mito ma'tataso na singkoo ci cou, nte to'usni 'ola 'oha taso 'o singkoo ci cou, e'paevazi na cvʉhʉhe, o'ate m'eya iachi ma'mamso.

kolinto 1 10:24

'emo macicihi ci cou o'a inac'o iachi ʉm'ʉmnʉ nate ta'to'tohʉngva, te yaeza ta'to'tohʉngva nate koa ʉmnʉ no mocmo ci cou.

kolinto 1 10:28

at'inghi, hoci yaa eʉsvʉtʉ suu ho yainca i'o isi ana oho titha meesi to uacoua, temucu yumzi 'emo eʉsvʉtʉ muu ci cou, maezo yumzo no ʉmnʉ ci 'tohʉngʉ, teav'a ana 'e 'oanʉ.

kolinto 1 10:29

o'aos'o pas'usna no ʉmnʉ ci 'tohʉngʉmu, maos'o pas'usna to ʉmnʉ ci 'tohʉngʉ to ic'o. nenusi no panote tuocosʉ:

kolinto 1 10:32

'upena hocimu mi'usnu no couyutaya, coungilisia, hocieno mi'usnu ta kiokai to hamo. o'ate ʉmnʉ hoci poa smopcuku na mocmo ci cou.

kolinto 1 8:10

hoci pano mo yonta mo conci hi'hioa ho yoz'u na 'tohʉngʉ, aiti 'e mimu yaa ci cou homo yonta vio no uacoua ho bonʉ ho mimo, o'amos'aeno mais'a isi poucufna ho poa bonʉ ta oho sʉ'teni to uacoua ci 'oanʉ?

kolinto 1 8:12

hoci maica na hioamu, cu alonga 'o sinto, alonga namo yoz'u ho ʉmnʉ ci 'tohʉngʉ, yaeza alonga 'o kilisto.

kolinto 1 9:22

homo notaico tomo yoz'u 'o singkoo ci cou, te'o mai'sa mo yoz'u ci cou, te'o akoeva no tas'usna 'emo maica ci cou. ko'koeno, hoci notaico nomo mainenu ci cou, te'o mais'amo mainenu ci cou; 'upena hoci boemi note mainenu ci ti'a'ausna, te'o conino to'usnu nomo piyo ci cou.

kolinto 2 11:21

poa epa'hikokoe'i a'o, 'emo maica ci hi'hioa, a'ʉmtʉ uk'a ci 'ʉteʉmza ho hioa. at'inghi, hoci panonte smeecʉ'ho yono cuma ho e'ʉ'ʉteʉ etano, poa matnʉskʉ a'o no o'amo nama boemi no fnguu ci e'e, 'uate'o maezo yaa totiski ci 'ʉteʉ.

kolinto 2 11:29

siya nala yoz'u, te'o o'te yoz'u? siya nala smopcuku ho peiskuisi, te'o o'te ta'tipvonga?

kolinto 2 6:3

o'aimza ʉmnʉa hoci ekuzkuzoa no mocmo 'e lamza hia fifiho, ko'koeno maezo o'atemza nomʉmʉtʉ no mocmo.

ngalatea 5:13

maanat'ohaesa, ho isi epeiya to hamo muu, tesi poa ziu ci cou na muu. at'inghi 'otes'a boemi ta ziu tan'e ho 'o'emamzʉ no 'aʉnpʉnpʉ, la boemi no himngonghi ho yupa aʉt'ʉt'ʉcʉ.

kolosai 2:8

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

petelo 1 2:16

zou couziu na muu, at'inghi teav'a titha na ziu ho tofeʉ'si na afu'u kokuzo; tela noa soskuskunu to hamo.

petelo 2 2:19

lahe yainca tehe fii no ziu 'e cou, la iachi tolei to kokuzo ci h'oyunsova; maica 'e cou hoci atʉkca no cuma, 'acueno tolei no cuma.

mokusi 2:14

at'inghi. mo piyo ci hi'hioa te'o koica suu. to 'ayumonamu pantomo fiho to h'omahsʉfta to paalan. 'e paalan eni ohsi eepecvaza 'o palo. euskunu to cou'isolaelu ho poa peiskuisi. bonʉ to oho titha meesi to uacoua ci 'oanʉ. maezo peismi tomo smoc'ou ci peipeis'ausna.