kolinto 1 3:5 - buacou seiso no faeva esvʉtʉ

⁵ te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

kolinto 1 3:5 Iomraidhean Croise

matai 25:15

isi ieni to lahe hia totontone, fii tomo posiyoemohʉ ci peisu no king 'omo cihi, fii tomo posipopsohʉ ci peisu no king 'omo cihi, fii tomo posifou ci peisu no king 'omo cihi, atavei micu e'ohʉ.

luka 1:2

'o hiahe psoyom'o mo i'tohungu to ohela ahoza to ahoisi ho aʉla huceoevi ci hi'hioa, a'vinano etoyangza to moso la psoyaski ta e'e tan'e.

yohane 3:27

yainca to yohane:

sitoo 18:24

panto cihi ci couyutaya zou 'apolo 'o ongkosi, mo esmi ne 'epeso. mosola yayo ne 'alisanta, la mahsosonʉ homo aomotʉ'ʉ ci cou, mo a'sʉftonʉ bocbochio to seiso.

sitoo 19:1

ne mon'a yone kolinto 'o 'apolo, mo covnʉ 'o poolo ho smaimsʉ'eonʉhe ta hpʉhpʉngʉ, esmi to 'epeso. yone'e, isi lʉa 'o piyo ci sinto,

looma 15:16

poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

kolinto 1 16:12

i'ocu nat'ohaesa ci 'apolo. la'u asngʉcva poucufna ho poa to'ofeihni to mocmo ci sinto ho baito muu, at'inghi la conino mainca no koyusi o'amocu mo seoseolʉa hoci uhsica maitan'e, totea hoci 'oc'ocic'o yaa ʉmnʉ ci hie tenaeno o'te uso.

kolinto 1 3:10

os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

kolinto 1 3:22

poolo, 'apolo, petelo, 'e hpʉhpʉngʉ eni, yaansou ho mcoi, maitan'e ho noana'o, 'e acʉcʉhʉ eni zou acʉhʉ nuumu;

kolinto 1 3:7

inamo emʉm'ʉ ho inamo cohmo te koacuma; acʉcʉhʉ mo yono mo himhohioa ho poa yusuhci ci hamo.

kolinto 1 9:17

ho ci'u psoyaski ta fukuin, mo i'mi no smoekaebʉ; te'ocu meelʉ tov'ohʉ no hnoo; at'inghi, ho isieno toveineni a'o to hamo 'e hi'hioa eni, te'ocu ta'unano te anana'va ngoevi.

kolinto 2 11:23

zou soskuskunu to kilisto na hin'i? ake'i efnaso, te h'unano zou a'o! 'o la'u hioa la h'unano ngoseo, h'unano man'i 'o hia'u noekotu, h'unasa 'aoka noa ti'usna, man'i ci hia yonto sokoeva 'e nsou.

kolinto 2 3:3

isi na'na husansana, isi iachia tposi to kilisto 'e tengami eni, imza psoecingha. 'e tengami eni o'aisis'a titheni no ongʉ ho tposi to fatu, maisi titheni no piepiya to 'auesiesi hamo ho tposi ta 'tohʉngʉ ta cou.

kolinto 2 3:6

isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

kolinto 2 4:1

ho isieno coveoza to hamo a'mi, toveineni a'mi 'ete hioa, o'a na temza ma'sasmʉzʉ.

kolinto 2 4:5

'e imza psoyaska o'as'a 'e iachi, i'o lamza psoyaska ; nomio to iesu, mimza noa soskuskunu muu.

kolinto 2 4:7

at'inghi, 'emo yaa h'onunua no tma'usnu no piepiya ci a'to. mamoc'o mais'a ko'cacuma ci kavo'oe, te akoeva no 'akasi na uk'a noca'cʉ'hi ci tonʉ mo tma'usnu to hamo, o'amo tma'usnu a'mi;

kolinto 2 5:18

'e acʉcʉhʉ eni zouc'o acʉhʉ hi'hioa to hamo; isi ieni to kilisto ho poa naoveia na a'to ho i'o hamo, yaeza faeni a'mi 'e psoyaski no fukuin no naoveia.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

kolinto 2 6:4

nomio no yonta acʉcʉhʉ ci hi'hioa ho epa'teni ho zou soskuskunu to hamo a'mi, lamza buveici tamo mav'ov'o ci 'atutumio, thi'cia, ngoseo.

'epeso 3:7

i'mi no afnaso ci mengumi to hamo, mi'o meelʉ noa soskuskunu ta fukuin tan'e; na eni mo fiho no meoino tonʉsi ho faeni a'o.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:25

nomio note koa ʉmnʉ muu, isi toveineni a'o to hamo 'e hioa eni, poa soskuskunu ta kiokai a'o. 'e hioa eni tesi a'sʉftona poa psoyaskeni a'o 'e fukuinsi,

temote 1 1:12

te'o 'aveoveoyʉ to nooe'ocato ci kilisto iesu; maica ho isi pafi to tonʉ a'o, taa'uzva a'o, popeoskuna a'o ho poa fifihoa.

petelo 1 4:10

'e macicihi ho mioeno acʉhʉ yaa mav'ov'o ci mengumi ho ʉmnʉ ci le'aʉt'ʉcʉ emoo to hamo, 'atelaeno maino imu tiova to hamo ci mav'ov'o ci mengumi ho yupa fifiho.