kolinto 1 3:12 - buacou seiso no faeva esvʉtʉ

¹² ta skoskopna ta totnguca tan'e. panote boemi to king ho nging, ho ino hooseki ho m'eac'ʉ no emoo; panto te boemi to evi, kukuzo, yas'i ho m'eac'ʉ no emoo.

kolinto 1 3:12 Iomraidhean Croise

sitoo 20:30

ac'ʉhʉ ta 'ayumonamu, te maezo yuyafo ho buusumsu ho meknuyu, eepecvai to sinto ho poa to'ofeihni.

looma 16:17

maanat'ohaesa, te'o cucufni muu, la etngoeva 'ola mooyai boepaevai, tmaot'ou to singkoo to mocmo ci cou, ho pef'uhu to imu tiova ci mo'ma'cohio; la tomcovhi tamo maica ci cou.

kolinto 1 3:11

maica 'o hamo isicu p'eyac'a 'o iesu kilisto ho teyai 'e moc'o aʉlʉ coni ci totnguca, uk'a cite meelʉ m'eac'ʉ nomo h'unasi ci totnguca.

kolinto 1 3:13

ho tac'u esmi na hiesi no yʉsvʉta, na hia ʉmnʉ no isi teyai tamo macicihi tena acʉha hupopayoi; maica ina yafeu ci puzu tasi hʉsvʉta ho poa payoa na isi teyai tamo macicihi ci cou, tec'u yuyafoa namo a'ʉmtʉ ʉmnʉ.

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

kolosai 2:8

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

temote 1 6:3

hoci panola psoyaski nomo h'unasi ci e'e, ho o'te toseolʉ ta mo yuayayokeo ho einu ci e'e to nooe'oca iesu kilisto,

temote 2 2:20

i'omo atngaso ci emoo la man'i ci macucuma, o'amo anouc'o yaa king, nging, maezo yaa macucuma no evi, macucuma no ceoa; pantola titheni to afnasa ci hi'hioa, panto lac'o titheni to h'oyunsova.

temote 2 3:13

i'ola kokuzo ci cou ho i'ola lolekoknuyu te huhucmasi ausuhcu kuzo; la meknuyu to mocmo, lea maezo noa peknui.

temote 2 3:7

'emo maica ci maamespingi la e'vono mici asno'zonʉ momaemaezo nomo ʉmnʉ, at'inghi o'anamo meelʉ bohngʉ to so'emio.

temote 2 4:3

ho tac'u cmʉ'ho na hiesi, ho mio 'e cou tahe hose'veni 'emo yutataso ci mahsʉsʉftʉ, mee'ofeihni to iachi ma'konvosʉ, 'akikieingi biebimi no lema'cohio, ko'ko poa ma'mamso 'omo soe'os'o ci koyuhe.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

petelo 1 1:7

'emo maica ci oho sucaefiza 'ateeno ko'ko soomei ho mimu asansano yaa mahtʉicʉ ci singkoo. ac'ʉhʉ to tenala kuzo ci king 'alaeno hmoi to puzu; na singkoomu mo na'nohe pepe to king, te h'unano tiou no hʉsvʉta, teeno peelʉi tohmomoengʉneni, taotofsi'i, einva ho tac'u esmi na hiesi no aopa'to 'o iesu kilisto.

mokusi 2:14

at'inghi. mo piyo ci hi'hioa te'o koica suu. to 'ayumonamu pantomo fiho to h'omahsʉfta to paalan. 'e paalan eni ohsi eepecvaza 'o palo. euskunu to cou'isolaelu ho poa peiskuisi. bonʉ to oho titha meesi to uacoua ci 'oanʉ. maezo peismi tomo smoc'ou ci peipeis'ausna.

mokusi 21:18

'o tonghifa to hosa isi yomza to cingkoya fatu ho teyai, i'o hosa isi titheni to isi so'eusoya mais'a ngalasu ci king ho teyai.

mokusi 3:18

ko'koeno, te'o poucufna suu mi'usnu a'o ho mhino tomo so'ʉmnʉa ci king. poa a'ʉmtʉ atngaso suu; maezo mhino tomo fʉecʉ'za ci yʉsʉ ho paceofa, teeno tomʉti si h'oinveni cimo yuamaesih'i ci feangosu; maezo mhia s'os'o mcoo ho sieseni ta mcoosu, tekoeno meelʉ smo'eusansano.