kolinto 1 14:3 - buacou seiso no faeva esvʉtʉ

³ at'inghi, i'ola epeaski to e'e to hamo la mi'usnu ta cou ho engha, la m'eac'ʉ, poucufna, ho ao'pou ta cou.

kolinto 1 14:3 Iomraidhean Croise

luka 3:18

mo mi'usnu to yatatiskova 'o yohane ho psoyaska 'e fukuin, boemi tamo mav'ov'o ci ti'ausna ho eʉsvʉsvʉti 'e yatatiskova.

sitoo 13:15

eepʉnga 'o hoolicu to moose ho i'o tposʉ to eyongensa, 'ola le'aʉt'ʉcʉ to kaitoo mo smuhnu to cou usa ho yainca: <'a'ahaeva, hoci pano temu 'ucia eucucufneni ci e'e tamo botngonʉ, temun'a aomotʉ'ʉ.>

sitoo 14:22

mo nongongabo ho poa ma'tataso 'o 'tohʉngʉ to tesi, poucufna ho noyʉci na singkoohe, yaeza yainca:

sitoo 15:32

'o yuta ho siila zou maezo taihio ho evaho to e'e to hamo ci eyongensa; mo man'i 'o ihe mi'usneni to sinto ho engha ci e'e, eucucufni ho amamahtʉica na singkoohe.

sitoo 4:36

panto cihi cimo yayo ne saipulusu ci coulevi, zou yosefu 'o ongkosi, ihe tos'ongki to sitoo ho poa panapa (na e'ausna ta panapa zou lepoucufnu);

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

looma 12:8

hoci zou poucufnu, nte poucufnu; zou tmaha'o, la mealʉ; hoci zou so'ehti, o'ate bʉʉpsʉpsʉ no ngoseo; hoci lea himcocoveoi no cou, 'ateeno kokaekaebʉ.

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

looma 15:2

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.

kolinto 1 10:23

pantola mainca: mioeno o'te emzo 'e e'e eni. at'inghi, 'emo macoconi ci hi'hioa o'a mo acʉhʉ koa ʉmnʉ. at'inghi, 'emo macoconi ci hi'hioa o'ate acʉhʉ meelʉ to'usnu no cou.

kolinto 1 14:12

totiski, homimueno a'ʉmtʉ tata'e nomo tma'usnu no mengumi no piepiya, 'anteno buii'ima nate meelʉ koa m'eac'ʉ ta kiokai ci mengumi.

kolinto 1 14:17

maicac'o, na hiasu mi'usnu to hamo ho 'aveoveoyʉ ci 'inoli mo e'vono ʉmnʉ, o'ate h'unasi elʉ no p'eac'a na mocmo ci cou.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 1 14:31

'e mimu macicihi te acʉhʉ meelʉ yupaasuski epeaski no e'e to hamo, poa momaemaezo 'emo botngonʉ, acʉhʉ mayo no poucufnu.

kolinto 1 8:1

e'usnu to ohcu titha sʉ'tʉ to uacoua ci 'oanʉ, imza ta'unano . a'ʉmtʉsi, 'emo maica ci mau'to'tohʉngʉ lac'o i'hozi no iachi biepe bobitano 'e cou, inac'o himngonghi nate meelʉ koa ohsuhcu ta cou.

kolinto 2 1:4

ta ito esmiza ci mav'ov'o ci 'atutumzo, isi ao'pova a'to, poa meelʉ boemi no isi titha ao'pou a'to ho ao'pova 'omo maezo elʉ to mav'ov'o ci 'atutumio ci cou.

kolinto 2 2:7

ma ntemucu coveoza ho au'po'pova, cites'a angu ma'eungzu na 'tohʉngʉ ho ma'papayo'ʉ.

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

'epeso 6:22

na atuhcusi ho os'o popeoskuna ho poa uhta lamu yoni. te'o akoeva no poa cohivneni muu na a'a'ausnamza tan'e, poa mayo no poucufnu muu.

kolosai 4:8

os'o afnasa skuna ho popeo'usna ta lamu yoni, eʉsvʉsvʉta na a'a'ausnamia tan'e, te poa elʉ no poucufnu na muu.

tesalonike 1 2:11

imu cohivi, ho lamza mi'usnu ta mimu macicihi, la totiski no amo hola mi'usnu no iachi 'o'oko.

tesalonike 1 2:3

i'e lamza eucucufna o'a mos'a i'mi no peoupeou ho kuici koyu, maezo o'aimza 'ucia meknuyu na siya.

tesalonike 1 3:2

temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 1 4:18

ko'koeno, temula boemi ta e'e tan'e ho yupa ao'pou.

tesalonike 2 3:12

'emo maica ci cou, temia epici to ongko to nooe'oca iesu kilisto ho ehangva, pashʉya ho poa amzocni, la iachi yaahioa ho p'ayunsova 'e iachi.

temote 1 1:4

teko poa teongasneni 'emo maica e'ankʉ ci ehohamva ho i'ola etacvoh'i ci tposno suezopʉ; maica 'e macucuma eni lac'o ec'ʉ no koa eehcʉvho, o'amo ake'i to'usnu bochio no isi ta'koeva to hamo, 'e isi ta'kokoeva tan'e la ieni to singkoo niante peelʉi cohivi.

temote 1 4:13

tekola tvaezoya no mo'engho ta seiso, evaho, ho mo'ma'cohio, ac'ʉhʉ ho ta'ucu esmi.

temote 1 6:2

hoci zou sinto na tauke, 'e soskuskunu 'ote i'mi ho zou'so maezo sinto ho 'oha koe'ia, la apuya h'unasa asno'zona aʉt'ʉt'ʉca, maica inamo tiou no koasi ʉmnʉ homo aʉt'ʉt'ʉcʉ 'aeno 'o isi ngohia ci sinto. nteko pahsʉsʉfteni ho eucucufna 'emo maica ci hi'hioa:

temote 2 4:2

la psoyaska 'e fukuin, 'upena hoci auseoseolʉ ho o'te auseoseolʉ na hie la asno'zona psoyaska, boemi no someoisa ci luaveica ho eucucufnu, kokoicʉ, poucufnu, mo'ma'cohio.

tito 1:9

tesi asansana noyʉci 'ola peelʉi noe'oci, toseolʉ to mou'ʉmtʉ ci mahsʉsʉftʉ. maicac'o, tesieno peelʉi titha 'emo noyaemʉhʉ ci 'omahsʉfta ho ptav'ohʉ no mocmo ci cou, a'vinano peelʉi pesngʉcva 'o ma'peu tola yutasufku suu.

tito 2:15

tekola yue'engha 'emo maica ci hi'hioa, a'sʉftona titha na tonʉsu ta lako hi'hioa ho eucufnu ta cou ho kokoicʉ. teav'ala poa hupotfʉngneni ta cou na suu.

tito 2:6

totiski, teko yaeza eucufna 'o yu'fafoinana, la poa atʉkceni na iachi.

tito 2:9

teko eucufna 'ola soskuskunu, la meo'uzo to tauke, aa'pucu noa ʉmnʉa to tauke, 'ote la yʉhcʉvho,

hevulu 10:25

'otes'a maezo tola at'ocʉ o'tena i'upu yu'eteuyunu ci cou, tela yupa poucufnu; ho isieno cohivi tec'u mon'i cmʉ'ho na hiesi to nooe'oca, ntemu asuhcu maica.

hevulu 13:22

maanat'ohaesa'u, temu'so uveica tiova 'e e'e no'u poucufnu; o'aos'o nama poa tacvoh'i 'e hia tmopsʉ ta tengami.

hevulu 3:13

at'inghi, nomio no o'te poa pa'hi'povneni no kuisi 'e cou ta taicomu ho kʉhtosʉ na 'tohʉngʉ, temula ieni ho panon'a isi yainca , huhucmasi yupa poucufnu.

petelo 1 5:12

yonto hia to'usnu to meot'ʉt'ʉcʉ ci siila, mi'o tmopsʉ ta moc'o nanʉhtʉ ci tengami ho faeni muu. te'o poucufna muu, a'vinano 'akasi 'o mou'ʉmtʉ ci mengumi to hamo. temula yonta mengumi tan'e ho bʉʉlʉlʉ o'te aot'ou.

yuta 1:20

inacu muu, songohia ci maananghia, ntemu conino bimahtʉicʉ ta socofkoya ci singkoo, ieni to tonʉ to seilei ho 'inoli.