kolinto 1 1:5 - buacou seiso no faeva esvʉtʉ

⁵ poa no'ayumonʉ to kilisto na muu ho aa'pucu atngaso, noemʉhʉ na mau'to'tohʉngʉ ho meemealʉ ya'ei.

kolinto 1 1:5 Iomraidhean Croise

sitoo 2:4

isi acʉha nongcʉngci to seilei, maito isi pafeni to seilei ci tonʉ ho ahoi mo'engho to e'e no mocmo ci hpʉhpʉngʉ.

looma 11:12

'o peis'epo to couyutaya isi hafneni ta atngaso ci ʉm'ʉmnʉ 'e hpʉhpʉngʉ; 'o aviovio to piepiyahe apuya hafneni to atngaso 'o couyafana. homo maica, hoci pai'ayumoni no to'usnu to hamo 'e acʉcʉhʉ ci couyutaya, 'atesis'aeno hafneni no asuhcu atngaso ci ʉm'ʉmnʉ?

looma 15:14

maanat'ohaesa, os'o iachia asansana cohivi mimu a'sʉftonʉ yaa mou'ʉmnʉ ci peipeis'ausna, maezo noemʉhʉ na atngaso ci mau'to'tohʉngʉ. meelʉ yupa poucufnu,

looma 15:4

'e e'e ta 'ayumona ta seiso mo acʉhʉ nomio no po'pa'cohivi a'to ho tposi, na atuhcusi tesi poa ieni no buveici ho ino isi faeni ta seiso ci poucufnu ho elʉ no ta'usni.

kolinto 1 12:10

'o seilei isi pafeni ta cou tan'e na tonʉ no po'e, pafeni ta cou ta'e na mengumi no meemealʉ evaho no e'e to hamo, pafeni nomo cihi na tonʉ no bohbohngʉ no moipiepiya, isi faeni tamo h'unasi na tonʉ no epiepiya, isi i'vaha faeni tamo cihi na tonʉ no evaho tamo epiepiya.

kolinto 1 12:8

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

kolinto 1 13:2

hoci'ueno yaa tonʉ no meemealʉ eʉsvʉsvʉtʉ, a'vinano yaeza hʉh'ʉti 'e mav'ov'o ci mau'to'tohʉngʉ, mav'ov'o ci moumsʉ'eonʉ, ac'ʉhʉ no yaa mahtʉicʉ ci singkoo ho peelʉi soezuha 'e hcuyu ho hoyuha ne etʉpʉ, hoci uk'a himngonghi, uk'a ci tesi nama a'a'ausna.

kolinto 1 13:8

zou 'auesiesi 'e himngonghi. 'e tonʉ no eʉsvʉsvʉtʉ lac'o akameosʉ; 'e mengumi no epiepiya tena yaa hiesi no aepʉngʉ; 'e mau'to'tohʉngʉ te maezo sucaefi.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 1 8:11

hoci maica, 'emo yoz'u ci sinto, 'ai'o ohsieno mcoineni to kilisto ci cou, tena i'mi ta hocu meaapayo'ʉ.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

kolinto 2 6:10

la nac'o, at'inghi la asngʉcʉ yaa kokaekaebʉ; thi'cia, at'inghi la poa atngaso 'omo botngonʉ ci cou; mais'a mo uk'a, at'inghi mo noemʉhʉ.

kolinto 2 8:7

'upena na singkoo, hia aomotʉ'ʉ, mau'to'tohʉngʉ, smoekaebʉ to'usnu no mocmo, ho ina hia mi'usnu a'mi ci himngonghi, mimu a'ʉmtʉ na'no atngaso, os'o tata'ia no temula yonta mo maica ci ʉmnʉ ci hi'hioa ho afnaso mealʉ.

kolinto 2 9:11

tesi yaeza poa atngaso muu, conino poa yaa tonʉ no mealʉ to'usnu, 'emo botngonʉ ci cou te meelʉ i'mi homo tiou ta teonghiamu ho 'aveoveoyʉ to hamo.

'epeso 1:17

la'u m'ene to hamo to nooe'oca iesu kilisto, psoevohngʉ ci amopepe, pafi'sio no seilei na muu. 'e seilei eni tesi fii no moutʉs'ʉ muu, paavi muu ho poa bohngʉ to hamo.

'epeso 2:7

ho isi yaica te mi'usnu tate yutotavei ho pa'teni na meoino mengumisi, 'ai'oeno isi ieni to kilisto iesu ho epa'teni a'to ci himngonghi.

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

'epeso 6:19

temula yaeza 'inolineni a'o, p'enzeni to hamo note'o suseolʉ ci e'e, ho ta'u eseolʉ aomotʉ'ʉ, meelʉ 'ʉteʉ ho paavi 'e ngayo'u epeaska 'e moumsʉ'eonʉ ta fukuin.

pilipi 1:9

i'o la'u 'inolineni muu: ina himngonghimu te fiho no a'ʉmtʉ mau'to'tohʉngʉ ho ino bocbochio ho acʉhʉ ohsuhcu,

kolosai 2:3

zou 'oyomzana maavo no ohsi la afu'a siya to hamo ci moutʉs'ʉ ho mau'to'tohʉngʉ.

kolosai 3:10

aʉe no faeva ci a'o. 'e faeva ci a'o, isi ieni no iachisi mi'ausnasi to moso mooyai ci hamo ho ausuhca poa yufafaeva, meelʉ a'sʉftonʉ bohngʉ to hamo.

yakovu 3:13

ta taicomu panomo yaa mau'to'tohʉngʉ ho moutʉs'ʉ ci cou? hoci pano, nte ieni no a'sʉftonʉ ci ma'einu ho toutʉs'ʉ ci peipeis'ausna, ho peispa'teni na mo yonghu ci h'oyunsovasi.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.