hevulu 1:3 - buacou seiso no faeva esvʉtʉ

³ isi psoevoveiya 'o tiskova to hamo, yaeza a'sʉftona psoe'ongka 'o atuhcusi feango to hamo; isi yomza to meoino tonʉ ci e'esi ho e'oca 'e aʉcʉcʉhʉ. ataveisi ne ohsicu ateop'ʉca 'e kuisi ta cou, cu yusuhngu to vhona tomo soyaatonʉa ne pepe.

hevulu 1:3 Iomraidhean Croise

matai 22:24

maluko 16:19

ataveisi ne isicu eepʉnga to nooe'oca iesu 'emo maica ci e'e, cu noa tiyova ho uhne pepe, yusuhngu to vhona to hamo.

yohane 1:14

mo tmucou 'e e'e, no'ayumonʉ ta taicoto, nongcʉngci to mengumi ho so'emio. itocu aiti 'o psoevohngʉsi, 'e psoevohngʉ eni isi anana'va tanua to pecnia ci oko to amo.

yohane 1:29

cu mivahi, isi teolʉi to yohane 'o iesu te emo'usnu, cu yainca:

yohane 1:4

'e e'e 'aisieno i'mizi ta nsou, 'e nsou eni isi pafi no tiskova 'e yatatiskova.

sitoo 2:33

isicu taspepza ho yonto vhona to hamo, a'vinano i'mi to amosi ho tiova 'o ohsi la teomneni ci seilei. i'e imu aiti talʉi maitan'e, 'aisieno ho'usna a'mi to hamo ci mengumi.

sitoo 7:56

cu yainca:

looma 1:16

o'ate'o h'oinveni 'e fukuin; 'e fukuin zou meoino tonʉ to hamo. tesi to'usni namo afu'u tmaa'uzo ci cou. aueva 'e couyutaya. atavei 'o couyafana.

looma 8:34

homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

kolinto 2 4:4

'emo maica ci cou homo o'te tmaa'uzo, mo maica ho isi poa bʉkngʉ ta hicu ta hpʉhpʉngʉ na mcoo no 'tohʉngʉhe, poa o'te bohngʉ no tiskova ta fukuin; 'e fukuin isi engha 'omo natʉ'ca 'o psoevohngʉ to kilisto, 'o kilisto 'aeno a'ʉmtʉsi mi'ausna to hamo.

kolosai 3:1

mimucu smoe'upu smoevovei to kilisto, temula biebimi nola hi'hioa ne pepe; ne ne'e. mo yusuhngu to vhona to suoca'ha to hamo 'o kilisto.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 1:13

o'amocu mosola ahtu mi'usnu nomo cihi ci tensi 'o hamo ho yainca: teko yusuhngu ta vhona'u, totea ho ta'ucu acʉha poa peteozu ta caphʉsu 'o hangʉ.

hevulu 10:12

at'inghi. 'o kilisto isic'o i'nʉska sʉ'teni 'emo 'auesiesi yaa a'a'ausna ci meepoptoengaso kuisi. ataveisi micu yusuhngu to vhona to hamo.

hevulu 12:2

teto michʉmʉ to iesu, maica 'aeno iesu 'omo moteongfongfo ho moteoepʉngʉ ta singkooto. o'amo boevovei to tuhcu to zuuzika; apuyu, nomio tomo mooteo ci 'aveoveoyʉsi, o'aisi maka cumasa na aokoe'iya homo mcoi to zuuzika. maitan'e micu yusuhngu to vhona to suoca'ha to hamo.

hevulu 4:14

homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.

hevulu 7:27

o'amo totiski to mocmo ci taisaisi, o'ate nama huhucmasa auevan'a sʉ'teni 'e iachisi kuisi, hocu sʉ'teni 'e kuisi ta yatatiskova. mosoc'o i'nʉskʉ sʉ'tʉ; isi sʉ'ta 'o iachisi, isic'o peisnʉski aepʉnga.

hevulu 8:1

'e atuhcusi ta ito toʉsvʉsvʉtneni mo maica: mito yaa maicac'o cihi ci taisaisi; mo yusuhngu to vhona tomo soyaatonʉa ta sopepea.

hevulu 9:16

'o afu'u eutotavi ahtao'te asansanana'a ho micu mcoi na moso m'eac'ʉ no eutotavei;

hevulu 9:26

hoci maica, ahoi ne ohcu teyai 'e hpʉhpʉngʉ, 'atesieno siho uveica na 'atutumzo. 'o kilisto isic'o i'nʉska aepʉnga sʉ'teni 'e iachisi, ta puesonasi ta hpʉhpʉngʉ, isi teyai sʉ'ta 'e iachi, ho acocofkoya na kuisi.

petelo 1 1:21

ieni to kilisto, imu taa'uzva 'omo poa i'mi no mcoi ho smoevovei, a'vinano mofi no psoevohngʉ ci hamo; i'mi tan'e, na singkoo ho ina lamu ta'usni la miteuyunu to hamo.

petelo 1 3:22

micu uhne pepe 'o iesu kilisto, maicutan'e mo yonto vhona to hamo, aʉt'ʉca na afu'u tensi ho inala aʉt'ʉcʉ ho yaa tonʉa ta mouhpʉhpʉngʉ.

petelo 2 1:16

i'e imza eʉsvʉta muu cimo natʉ'ca to meoino no tonʉ ho i'vaho cmʉ'ho 'o nooe'oca iesu kilisto ci hi'hioa, o'a mos'a i'tohungu no isic'o teoteai ho e'ankʉ ci ehohamva; omzala aʉla iachia aiti 'o hiasi taunona'vʉ.

petelo 2 1:17

ne moso i'mi to hamo ho tiova 'o so'einva, ho psoevohngʉ, momza acʉhʉ no'upu. ne mio, ohsi mi'usni to sopepea psoevohngʉ ci hamo ho yainca:

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 3:5

imu cohivi, na atuhcusi homo aopa'to 'o kilisto tesi aapayo'a na kuisi; 'o kilisto uk'a ci kuisi.

yuta 1:25

'emoc'o anana'o cihi ci hamo, ieni to nooe'ocato iesu kilisto ho to'usni a'to. tesi'so tanua na psoevohngʉ, mitohʉngʉ, taso, ho tonʉ, ahoi ne noana'o ac'ʉhʉ maitan'e, ac'ʉhʉ no 'auesiesi. 'aamen!

mokusi 3:21

inacu mo atpʉtʉ ci cou, te'o pafi no afnaso ci tonʉ, poa su'upu to suoca'ha'u, aʉlʉ mais'a ne mo'ucu atpʉtʉ, mi'ocu totiski su'upu to suoca'ha to amo'u maitan'e.

mokusi 4:11

nooe'ocamia, hamomia! teko 'aseolʉ no tiou no psoevohngʉ, so'einva, ho soyaatonʉa. ohsula teyai 'e acʉcʉhʉ; mo noa teyai 'e acʉcʉhʉ, ko'komo meelʉ yayo, isic'o acʉha ieni no 'tohʉngʉsu.