'epeso 5:3 - buacou seiso no faeva esvʉtʉ

³ i'ocu 'ola smoc'ou, ca'i, ho i'ola ma'konvosʉ ci hi'hioa. teav'as'a maka pateafa ta taicomu, maica zou'so 'o'oko to hamo na muu.

'epeso 5:3 Iomraidhean Croise

matai 15:19

maica 'omo i'mi to 'to'tohʉngʉ ta cou ho yuyafo la yaa mav'ov'o ci kuici koyu; 'emo maica ci kuici koyu lasi poa peis'usnu no opcoi, smoc'ou, yup'ouso, meo'eoi, meknuyu, eayaezoyʉ ci kuisi.

luka 12:15

micu e'cʉ'cʉnʉ 'o iesu mi'usnu to botngonʉ ho yainca:

luka 16:14

i'ola kokaebʉ to yupasʉ ci coufalisai ihe talʉi 'e e'e eni, cu cocvi 'o iesu.

sitoo 15:20

nteto tmopsʉ no tengami, eutotaveiya ho o'te bonʉ to ohcu titha sʉ'tʉ to uacoua ho 'oha cofkoya ci 'oanʉ, 'otela yaa smoc'ou ci peipeis'ausna, 'ote bonʉ to ohoc'o seoubcikia ci yuansou ho ito hmuyu.

sitoo 20:33

o'amo'ula ahtu konvosʉ no king nging ho yʉsʉ no mocmo.

looma 1:29

isi nongcʉngci to mav'ov'o ci 'oha moulʉlʉ, kokuzo, ma'konvosʉ, peismamahiz'o; yaeza nongcʉngci to smo'eubut'u, opcoi, youbobai, moezʉezʉhʉ, ho ito kuici koyu. la mooyai e'e,

looma 16:2

temu'so nomio to nooe'oca, ieni tola anana'va hioa ta sinto bumemeala aʉt'ʉt'ʉca. hoci panontesi 'ucia tititha, temu'so to'to'usni. ohsila asno'zona to'usni 'omo botngonʉ ci cou, mo'u maezo tiou to to'usnusi.

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

kolinto 1 10:8

o'ate ʉmnʉ hoci mais'a tomo piyo to taicohe ho a'ʉmtʉ peisnou no smoc'ou ho o'te koe'i: mosola i'mi no kuisi no smoc'ou, to cono hie mo tunsohʉ 'omo posimpusku positoteuhu.

kolinto 1 5:1

os'o asansana tac'ʉhi mo yaa smoc'ou ci hi'hioa ta 'ayumonamu; 'emo maica ci smoc'ou o'a lahe h'unasa uveica to o'ala tmaa'uzo ta kiokai ci cou. os'o tac'ʉhi pano la noepohʉ na pop'einoasi!

kolinto 1 6:13

panote mainca ci cou <'e 'oanʉ mo nomio ta cfu'o, 'e cfu'o te nomio ta 'oanʉ.> mioeno o'te emzo. at'inghi tasila aapayo'a to hamo 'emo yuso. 'e feangoto o'amo nomio no smoc'ou ho yayo, mamo nomio to nooe'oca ho yayo, 'o nooe'oca tesi fii note tititha ta feangoto.

kolinto 1 6:18

ko'koeno, temula totoefʉngʉ no smoc'ou. 'e cou 'upena hoci peismi nomo mainenu ci kuisi o'ate koakuzo ta iachi feango, i'elac'o peismi no smoc'ou ci cou la akuzkuzoa 'e iachi feango,

kolinto 2 12:21

os'o yaeza smoyoa ho tena'u vohvaho, 'o hamo'u tasi poa yonta tuhcumu a'o ho koe'i, ta'ueno ahtuo'te nomzo tamo botngonʉ ci mosola peiskuisi, smoc'ou, 'aʉnpʉnpʉ ci cou, ac'ʉhʉ maitan'e ho o'te mimho ma'vovei ci cou ho ma'nanac'o.

'epeso 5:12

i'olahe aasoeza hioa to voecʉvcʉ, hoci yue'engha teec'o acʉha h'oinveni!

'epeso 5:5

o'ate ta'pepecvaza, i'ola smoc'ou, ca'i, ho i'ola ma'konvosʉ ci cou (ma'konvosʉ mo totiski no m'ohkuyu to uacoua) o'ate ahtu meelʉ tma'upu no 'o'oko to hpʉhpʉngʉ to hamo ho ito kilisto.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

kolosai 3:5

ko'koeno, temu asansana timcoza namo 'afeo'fu'u ta feangomu cimo tma'usnu ta hpʉhpʉngʉ ci ma'konvosʉ, mais'a 'oeno smoc'ou, ma'caca'i, ma'cac'ou, kokuzo, ho i'o makonvosʉ ('e makonvosʉ zou 'oahngʉ to m'ohkuyu no uacoua).

tesalonike 1 4:3

'o 'tohʉngʉ to hamo tesi 'ucia poa socofkoya muu, asansano o'ate yaa smoc'ou ci hi'hioa.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

temote 1 2:10

la yaa ʉmnʉ ci peipeis'ausna, e'tatiski 'ola iachia epa'ta ci singkoo.

temote 1 3:3

o'ala voemi, o'ala eyobai, ma'cocacni ci yu'ausna, o'ala ma'konvosʉ no yupasʉ.

temote 1 6:10

zou 'oi'miza no mav'ov'o ci kuzo 'e konvosʉ no yupasʉ. pantola nomio no konvosʉ to yupasʉ ho pef'uhu to singkoo, nongcʉngci to ma'tutumzo ho poa auz'oz'o 'o piepiya.

temote 2 3:2

ho mio, 'e cou i'ec'o iachi nate aʉt'ʉca, ma'konvosʉ no yupasʉ, efnaso, bobitano, ekuzkuzo, yutasufku no maameoi, luema'payo'ʉ no mengumi no mocmo, 'oha acocofkoya,

tito 1:11

teko asansana potani hoci aomotʉ'ʉ 'emo maica ci cou, maica, la nomio no ma'konvosʉ no yupasʉ, micu boemi to o'ante psoyaska ci motposʉ hocu aon'oza 'omo man'i ci emoo.

tito 1:7

ho teeno so'ehti ta kiokai, leaʉt'ʉcʉ ta emoo to hamo, nte uk'a 'o'emamzi no koica, o'ate ʉmnʉ hoci bobitano, pak'i, voemi, youbobai, makonvosʉ no yupasʉ;

tito 2:3

teko yaeza eucufna 'o mameoi ci maamespingi, la bumemealʉ na peipeis'ausna. 'otela buusumsu, 'ote noa tolei no emi. la yaa ʉmnʉ cila hu'ofeihni,

hevulu 12:16

la bumemealʉ, tees'a yaa smoc'ou ci cou, hocieno mais'a 'o 'isau ho 'oha einu, nomio no moc'o aseou ci 'oanʉ ho phieni 'o ongko nosi pehoza.

petelo 1 5:2

la aʉt'ʉca 'o isi toveineni muu to hamo ci mamomoatʉ'nʉ, peiskakaebʉ ho maino 'tohʉngʉ to hamo ho aʉt'ʉca, o'ate i'mino meumzomzo; o'amo akoyu no m'ehno ho yaahioa, mate iachi smoekaebʉ ho fifiho.

petelo 2 2:14

'o coeke ci mcoohe la teochʉmʉ to noasisi, o'ala ahtu ma'mamso na peis'usnu no kuisi ci koyu. la topano tola yoheoz'u ci cou; 'o 'tohʉngʉhe micu at'ocʉ no konvosʉ; zou 'oahngʉ to tesi patvovei to hamo!

petelo 2 2:3

'emo maica ci meyoyongensa nomio no ma'mamso 'o iachihe ma'konvosʉ, la boemi to isic'o teoteai ci ehohamva ho mi'usnu muu ho tʉspʉcʉ no yupasʉ. ahoi ne noana'o, 'o yʉsvʉtʉ to hamo lasi conino totea 'emo maica ci cou; o'atehe ahta noszozi na meaapayo'ʉ!

mokusi 2:14

at'inghi. mo piyo ci hi'hioa te'o koica suu. to 'ayumonamu pantomo fiho to h'omahsʉfta to paalan. 'e paalan eni ohsi eepecvaza 'o palo. euskunu to cou'isolaelu ho poa peiskuisi. bonʉ to oho titha meesi to uacoua ci 'oanʉ. maezo peismi tomo smoc'ou ci peipeis'ausna.

mokusi 2:21

o'ula aomanza fii no hie, ho 'ucia poa ma'vovei, at'inghi o'amo mimho mongoi no ceoceona no smoc'ou.

mokusi 21:8

at'inghi i'ola t'oe'ʉya, tmaakoknuyu, tokuzo, opcoi, smoc'ou, buoyoifo, m'ohkuyu to uacoua, ho i'ola afu'u lolekoknuyu ci cou, panto puzu ho i'o yunzou ci etʉpʉ no liukoo isi totea 'emo maica ci cou; 'aeno ic'o 'ote tupusku mcoi.>

mokusi 22:15

at'inghi i'omo mais'a av'u, peiseoyoifo, smoc'ou, opcoi, m'ohkuyu to uacoua, lolekoknuyu, me'ʉ'ʉmnʉ ci cou, te acʉha poyafa ta hosa.

mokusi 9:21

ihe hioa na opcoi, aokvo'ʉ, smoc'ou, meo'eoi ci kuisi, maezo o'amo ma'vovei.