'epeso 5:2 - buacou seiso no faeva esvʉtʉ

² nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

'epeso 5:2 Iomraidhean Croise

matai 20:28

aʉlʉ mais'a 'e okocou, o'amos'a cmʉ'ho ho noa aʉt'ʉt'ʉca ta cou, mate cmʉ'ho ho aʉt'ʉt'ʉcʉ ta cou, a'vinano nomio no to'usni 'e yatatiskova ho ciha 'o iachisi nsou.>

yohane 13:34

te'o fii ta mo faeva ci mashʉyʉ: la yupa himngonghi. la'u yainenu na la'u hia ngohia muu, temu la maicac'o ho yupania himngonghi.

yohane 6:51

'aeno a'o 'omo i'mi ne pepe ho ohpueho ho mofi no 'oanʉ no nsou; inamo bonʉ ta 'oanʉ tan'e ci cou te 'auesiesi o'te mcoi. 'e te'o pafeni ta cou ci 'oanʉ 'ai'eno feango'u, te akoeva no poa mayo no nsou 'e yatatiskova ho faeni.>

looma 15:16

poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

looma 4:25

isi faeni ta emucu ta cou 'o iesu, nomio ta kuisito ho mcoi; isi poa smoevovei to hamo, ko'ko mitocu meelʉ yaa yupa toseolʉ ci natʉ'ca 'o hamo.

looma 8:3

'o hoolicu to moose maica mo i'mi no yu'ausna no yoz'u ta cou ho o'te peihcʉ'hi, isicu invonva aepʉnga to hamo. isi popeoskuna 'o iachisi oko, poa yaa totiski a'to ci yu'ausna no kuisi, akoeva no yʉsvʉta 'e yu'ausna no kuisi ta cou, hocu toveuca 'e kuisi.

looma 8:37

acʉhʉ o'asa'a. yonta acʉcʉhʉ ci hi'hioa tan'e, mimza noe'ocʉ tomo himngonghi a'mi ci nooe'oca mimzacu a'sʉftonʉ atpʉtʉ!

kolinto 1 16:14

acʉcʉhʉ ci hi'hioa la ieni no himngonghi ho hioa.

kolinto 1 5:7

te acʉha toʉlʉi 'o noana'o ci smoof'o no kuisi, temucueno a'sʉftonʉ cofkoya. maicac'o, temucu mais'a uk'a smoof'o ci faeva ci tungva; a'ʉmtʉsi, mantemu anana'o uk'a smoof'o. i'ote eabobonʉa to meem'esa'o isicu ae'ayoca, i'o moatʉ'nʉ to meem'esa'o ci kilisto micu mcoi ho sʉ'teni 'o feangosi.

kolinto 2 2:14

at'inghi, 'aveoveoyʉ to hamo! maica lasi asngʉcva eahahafa a'mi, 'e ohsila holeo to kilisto ci a'mi poa meelʉ to'upu toteuyunu to kilisto homo atpʉtʉ. isin'a yaeza titha a'mi ho poa meingongabo 'o namusngau ho mito bohngʉ to kilisto.

kolinto 2 2:15

mimza mais'a 'o namusngau to kilisto ci isi sʉ'teni to hamo, meingabo ta feango to isi to'usni ci cou ho itote meapapayo'ʉ ci cou.

kolinto 2 8:9

imucu cohivi 'o mengumi to nooe'ocato ci iesu kilisto: mo anana'o atngaso, at'inghi mo nomio muu ho iachi thi'cia, na atuhcusi tesi ieni no thi'ciasi ho poa atngaso muu.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

'epeso 3:19

temu'sola cohivi 'omo asa'o nola peela ta'cʉ'ha no motposʉ ci himngonghi to kilisto, ko'ko peelʉi nongcʉngci no a'sʉftonʉ to hamo na muu.

'epeso 4:15

apuyu, teto boemi no himngonghi ci 'tohʉngʉ ho mo'engho no eʉlʉ ci e'e, yono mo mav'ov'o ho mi'usnu to kilisto ho a'cʉ'cʉnʉ yusuhci. zou fnguu 'o kilisto;

'epeso 4:2

temula ma'einu, ma'cocacni, luaveica, boemi no himngonghi ho yupa peteongaso,

'epeso 5:15

ko'koeno, la bumemealʉ na lamu peipeis'ausna. 'ote mais'a nongonongo ci cou, la mais'a 'ola moutʉs'ʉ ci cou.

'epeso 5:25

'e hahocngʉ, temu ngohia 'e mamespingi, mais'a 'o kilisto ho lasi ngohia 'e kiokai, totiski ho isi nomzi 'e kiokai ho ciha 'o nsousi.

pilipi 4:18

'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.

kolosai 3:14

ta acʉcʉhʉsi tan'e, la sopuhngi no himngonghi, mo maica 'e himngonghi mo yuecnguhu to acʉcʉhʉ ʉmnʉ ci peipeis'ausna.

tesalonike 1 4:9

inacu yupa himngonghi ci hi'hioa, o'ate'o nama fii no tengami muu ho toʉsvʉsvʉtneni; ohsicu po'pa'cohivi to hamo na muu te mainenu na te hia yupa himngonghi,

temote 1 2:6

isi ciha 'o iachi ho poa elʉ no ziu 'e yatatiskova, soomei ho tac'u mic'ʉhi 'e hie, tesi acʉha poa elʉ no to'usnu 'e macicihi ci cou.

temote 1 4:12

teav'a poa hupotfʉngneni no cou ho mikon'a foinana. 'upena na pat'a'ausna, peipeis'ausna, himngonghi ci 'tohʉngʉ, singkoo, ho acocofkoya, 'emo mav'ov'o, la acʉha teyaineni no tehe hu'ofeihni ta sinto.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 8:3

'emo macicihi ci taisaisi la noa skuna ho mi'usnu to hamo ho mofi to teonghia ho sʉ'ta; i'mi tan'e 'o taisaisito nte maezo panonte faeni.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

hevulu 9:23

'e isi poa maezo no teo'a'ausna no macucuma ne pepe, ahtuo'te boemi nomo maica ci ti'a'ausna ho poa cofkoya. at'inghi, 'o macucuma ne pepe ahtao'te titheni nomo asuhcu ʉmnʉhe ci sʉ'ta ho poa cofkoya.

hevulu 9:26

hoci maica, ahoi ne ohcu teyai 'e hpʉhpʉngʉ, 'atesieno siho uveica na 'atutumzo. 'o kilisto isic'o i'nʉska aepʉnga sʉ'teni 'e iachisi, ta puesonasi ta hpʉhpʉngʉ, isi teyai sʉ'ta 'e iachi, ho acocofkoya na kuisi.

petelo 1 4:8

na sotva'esasi tela aʉ'ʉmtʉ yupa himngonghi. maica ina himngonghi lasi peelʉi aapayo'a na man'i ci kuisi.

yohane 1 3:16

mo nomzo a'to 'o kilisto ho ciha 'o nsousi, i'mi ta moc'o coni tan'e, itocu cohivi zou cuma na isi yainca himngonghi. homoeno maica. 'antetoeno maezo maica ho nomzo no nanat'ot'ohaesa ho ciha 'e nsou!

yohane 1 3:23

'o mashʉyʉsi 'aeno: teto asansana taa'uzva 'o ongko to okosi ci iesu kilisto, a'vinano maito mashʉyʉ to kilisto ho yupa himngonghi.

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.