'epeso 4:16 - buacou seiso no faeva esvʉtʉ

¹⁶ te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 4:16 Iomraidhean Croise

yohane 15:5

looma 12:4

'emo conci feango mo i'mi no man'i ci maesoesou ho yu'tʉ'cʉnghʉ, 'emo macoconi ci maesoesou mo yaa mav'ov'o ci isi peelʉi hioa.

kolinto 1 10:17

maica mitoc'o coni ci pang, mito acʉhʉ tma'upu ta mo totiski coni ci pang; ko'koeno, mito e'vono botngonʉ. mioc'o cono feango.

kolinto 1 13:13

at'inghi, 'e singkoo, ta'usni, ho i'e himngonghi, 'emo tuyu te 'auesiesi nongaco, ta taicosi namo sotva'esa zou himngonghi.

kolinto 1 8:1

e'usnu to ohcu titha sʉ'tʉ to uacoua ci 'oanʉ, imza ta'unano . a'ʉmtʉsi, 'emo maica ci mau'to'tohʉngʉ lac'o i'hozi no iachi biepe bobitano 'e cou, inac'o himngonghi nate meelʉ koa ohsuhcu ta cou.

ngalatea 5:22

inacu beachi to seilei, 'aeno: cocoya ci himngonghi, kokaekaebʉ, moususeomʉ, luaveica, moma'cinghi, mou'ʉmnʉ, meot'ʉt'ʉcʉ,

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

'epeso 3:7

i'mi no afnaso ci mengumi to hamo, mi'o meelʉ noa soskuskunu ta fukuin tan'e; na eni mo fiho no meoino tonʉsi ho faeni a'o.

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:15

apuyu, teto boemi no himngonghi ci 'tohʉngʉ ho mo'engho no eʉlʉ ci e'e, yono mo mav'ov'o ho mi'usnu to kilisto ho a'cʉ'cʉnʉ yusuhci. zou fnguu 'o kilisto;

pilipi 1:9

i'o la'u 'inolineni muu: ina himngonghimu te fiho no a'ʉmtʉ mau'to'tohʉngʉ ho ino bocbochio ho acʉhʉ ohsuhcu,

kolosai 2:19

cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

tesalonike 1 1:3

yonto tuhcu to hamo ho talʉa, lamu yainenu na hia peiseafi 'o imu taa'uzva, yainenu na hia ieni no himngonghi ho asno'zonʉ yaahioa, yainenu na hia nomahtʉicʉ no 'tohʉngʉ ho mingeou to nooe'oca iesu kilisto.

tesalonike 1 2:13

leamza maezo asngʉcʉ 'aveoveoyʉ to hamo; maica 'o omzala psoyaska ci e'e, imucu talʉi hocu tiova, a'vinano o'a imu ta'unano moc'o tiou no e'e no cou, mamo tiou nomo a'ʉmtʉ i'mi to hamo ci e'e; maica i'o hamo mo yaahioa ta taico ta mimu tmaa'uzo ci cou.

tesalonike 1 3:12

tesi'sola poa yaa 'tohʉngʉ no yupa himngonghi ho yaa 'tohʉngʉ no ngohia 'e yatatiskova, a'vinano huhucmasi yusuhci, totiski ho lamza ma'cucuveu ho ngohia muu.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

yohane 1 4:16

ko'koeno, ito cohivi, a'vinano taa'uzva 'o hamo isi ngohia a'to. zou himngonghi 'o hamo. na micu yaa himngonghi na nsousi ci cou 'amicueno yayo ta nsousi 'o hamo. 'o hamo mo no'ayumonʉ to nsousi.