'epeso 4:12 - buacou seiso no faeva esvʉtʉ

¹² na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:12 Iomraidhean Croise

luka 22:32

at'inghi os'ocu 'inolineni suu, poa o'te payo'neni suu na singkoo. ataveisi ho takocu miovei ho bi'usnu a'o, teko amamahtʉica 'o maanat'ohaesasu.>

sitoo 1:17

i'o yuta oho anana'va epeiya ho e'paevai ta teto hi'hioa, zou cihi ta taicoto.> (

sitoo 1:25

ho noʉezi 'ete hioa ta sitoo. 'e hioa eni isicu ciha to yuta, uhto ntesi anana'va usa.>

sitoo 11:23

ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

sitoo 20:28

temula iachi bumemealʉ, maezo nomio to ohsila toveineni muu to seilei ho aʉt'ʉca 'e kiokai ho bumemealʉ. la aʉt'ʉca 'o kiokai to hamo - 'aeno 'o isi ieni no mcoi to iachisi oko ho peʉezeni.

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

looma 12:5

totiski, mito e'vono botngonʉ ci cou, mito no'ayumonʉ to kilisto ho cono feango, macoconi yupa yuecnguhu, hocu mav'ov'o ci maesoesou ta feango.

looma 12:7

hoci zou fukumu, 'ateeno fukumu; hoci zou lema'cohio, 'anteeno mo'ma'cohio;

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

looma 15:14

maanat'ohaesa, os'o iachia asansana cohivi mimu a'sʉftonʉ yaa mou'ʉmnʉ ci peipeis'ausna, maezo noemʉhʉ na atngaso ci mau'to'tohʉngʉ. meelʉ yupa poucufnu,

looma 15:2

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.

looma 15:29

os'o cohivi, ho tena'u baito muu te'o yaeza hafneni muu 'emo atngaso ci mengumi to kilisto.

kolinto 1 12:27

na muu zou feango to kilisto, 'emo macicihi ci cou zou acʉhʉ maesoesou.

kolinto 1 12:7

akoeva no acʉha poa mayo no ʉmnʉsi. 'o seilei homo yonta feango tamo macicihi, mo maezo mav'ov'o na isi epa'teni.

kolinto 1 14:12

totiski, homimueno a'ʉmtʉ tata'e nomo tma'usnu no mengumi no piepiya, 'anteno buii'ima nate meelʉ koa m'eac'ʉ ta kiokai ci mengumi.

kolinto 1 14:14

hoci'u boemi no epiepiya ho 'inoli, 'aeno piepiya'u namo 'inoli, at'inghi o'ate yaa a'a'ausna ta toutʉs'ʉ'u.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 2 12:19

hocieno, lamu ta'unano lamza conino ehcʉvheni 'e iachi, a'ʉmtʉsi o'amos'a maica; yono tuhcu to hamo leamzac'o e'e 'o isi poa e'eneni to kilisto. ngohia ci maananghia, i'e imza afu'a hioa uk'a ci isi o'te 'ucia p'eʉlʉlʉa muu.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

kolinto 2 13:9

mimza yoheoz'u mimu taso, ntemza 'aveoveoneni na eni. 'e imza 'inolineni, zou temu meelʉ yʉepʉngi ci cou.

kolinto 2 3:8

namaeno na isi hioa no seilei na o'ante yaa meoino psoevohngʉ?

kolinto 2 4:1

ho isieno coveoza to hamo a'mi, toveineni a'mi 'ete hioa, o'a na temza ma'sasmʉzʉ.

kolinto 2 5:18

'e acʉcʉhʉ eni zouc'o acʉhʉ hi'hioa to hamo; isi ieni to kilisto ho poa naoveia na a'to ho i'o hamo, yaeza faeni a'mi 'e psoyaski no fukuin no naoveia.

kolinto 2 6:3

o'aimza ʉmnʉa hoci ekuzkuzoa no mocmo 'e lamza hia fifiho, ko'koeno maezo o'atemza nomʉmʉtʉ no mocmo.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

'epeso 1:23

'e kiokai zou feango to kilisto, isi nongcʉngci tomo nongcʉngcʉ ta mouhpʉhpʉngʉ ci kilisto.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

'epeso 4:4

mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

kolosai 1:28

i'mi tan'e, mimza mi'usnu ta afu'u cou ho psoyaska 'o kilisto, boemi ta mav'ov'o ci moutʉs'ʉ ho kokoica ho po'pa'cohivi muu, akoeva no 'ucia poa yʉepʉngi ci sinto 'emo macicihi, hafa uhto tuhcu to hamo.

kolosai 4:17

tamu eʉsvʉta to 'acipu, na ohsi tiova ci tesi hioa homo fifiho to nooe'oca la pnanfi na tonʉ ho aepʉnga.

temote 1 1:12

te'o 'aveoveoyʉ to nooe'ocato ci kilisto iesu; maica ho isi pafi to tonʉ a'o, taa'uzva a'o, popeoskuna a'o ho poa fifihoa.

temote 2 4:11

i'oc'o luka 'omo no'upu a'o. teko usa ho i'ima 'o maluko, engocha uhtan'e, maica tesi peelʉi to'usni 'o la'u hioa.

temote 2 4:5

inacu suu, 'upena hoci yono mo mainenu ci a'a'ausna la asngʉcʉ bumemealʉ; la uveica na 'atutumzo, ho hioa nante anana'va hioa nola lepsoyaski, conci 'tohʉngʉ ho pee'ofeihni na teko hioa ho miko fifiho.

hevulu 13:17

la meo'uzo tola eahahafo muu ci cou, talʉi 'o lahe e'e. lahe asngʉcva so'eʉt'ʉca na piepiyamu, maica ho noana'o tenahela mi'usneni to hamo ho epa'teni. hocimu talʉi 'ate ahtuo'te peiskakaebʉ yaahioai, hoci o'te maica, te suhcʉhcʉ na 'tohʉngʉhe, hoci maica cumanantesi koa ʉmnʉ muu?

hevulu 6:1

maicacu, mantetocu saf'uha na ahoisi ta fukuin to kilisto, mi'usnu no micu asuhcu yʉepʉngi ci singkoo ho emosuhcu. o'ateto amameoi yontac'o ahoisi ta singkoo ho bitotonʉ, mais'a 'oeno ma'susuae no kuici h'oyunsova, tmaa'uzo to hamo,