'epeso 4:1 - buacou seiso no faeva esvʉtʉ

¹ ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 4:1 Iomraidhean Croise

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

looma 11:29

maica. na epei ho ina mengumi to hamo o'amo ahtu aezuhu.

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

kolinto 1 4:16

ko'koeno, te'o eucufna muu la momaemaezo a'o.

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

ngalatea 4:12

maanat'ohaesa, te'o eucufna muu ho tohmʉskʉ a'o, maica 'amo'ulaeno maezo tohmʉskʉ muu, ci mimueno ahtu peismi note koa kuzo a'o ci hi'hioa.

'epeso 2:10

zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.

'epeso 3:1

i'mi tan'e, 'e mi'o nomio ta couyafana ci muu ho holeo to kilisto iesu ci poolo. te'o mi'usnu to hamo ho 'inolineni muu.

'epeso 4:17

maitan'e te'o epici to ongko to nooe'oca ho aʉ'ʉmta eucufna muu: 'otenala i'vaho maito lahe h'oyunsova to couyafana. la ma'ankʉ 'o koyuhe,

'epeso 4:4

mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

pilipi 3:14

mi'o mi'usnu ta os'o mituhci ho pa'eusngʉcʉ, akoyu no mayo no hnoo; 'e hnoo eni 'aeno 'omo tma'usnu ne pepe ci faeva ci nsou, isi ieni to kilisto iesu to hamo ho eyoho'a a'o ho poa tiovneni.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 2:6

ho imueno tiova ho nooe'oca 'o kilisto iesu, temu asansana sotaica no lamu peipeis'ausna.

kolosai 4:12

'omo i'mi ta lamu yoni ci 'ipafu mo tuayokeo muu; zou maezo soskuskunu to kilisto iesu. lasi asngʉcva asno'zona 'inolineni muu, mi'usnu to hamo ho p'enzeni no mahtʉicʉ ci singkoo na muu, meelʉcu yʉepʉngi ci kilistoto, a'sʉftonʉ meot'ʉt'ʉcʉ no 'tohʉngʉsi.

tesalonike 1 2:12

lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.

tesalonike 2 1:11

nomio ta isi mituhci tan'e, lamza conino 'inolineni muu, eyoho'ʉ to hamo ho o'te poa yuszozʉ no koa ohsi eyoho'a na muu. tesi'sola boemi no taso ci tonʉsi ho to'usni muu, acʉha'so peiseafi namo mi'usnu no ʉmnʉ ci 'tohʉngʉsi, peihcʉ'hi na ohmu boemi no singkoo ho hioa ci hi'hioa.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

tito 2:10

maezo 'otela meo'eoi, tamo macoconi ci hi'hioa la pa'teni na meot'ʉt'ʉcʉ ho noe'oci, peelʉi asuhca poa einveni 'o lasi po'pa'cohivneni to nooe'oca hamo ci h'omahsʉfta.

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

petelo 1 2:11

songohia ci maananghia, ho mimu yonta hpʉhpʉngʉ moc'o nouchichipi, la covnʉ ci cou. te'o eucufna muu. teav'a poa 'aʉnpʉnpʉ no poc'ou si feangomu; 'emo maica ci poc'ou la conino ehtothomneni 'e piepiya.

petelo 1 3:9

'ote boemi no kuzo ho auski no kuzo, boemi no ekvo'ʉ ho euski ekvo'ʉ; apuyu, la boemi no tooyokeo ho evei, maica ina atuhcusi to hamo ho isi eyoho'a muu tesi akoeva no pafi no ʉm'ʉmnʉ.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

yohane 2 1:5

ko'koeno, ngohia ci miacmo'na, te'o m'ene suu, teto'so yupa himngonghi. 'e os'o eyafa ma'ic'oso faeva ci mashʉyʉ, ma i'o ohtocula asonghoza tiova.