'epeso 3:4 - buacou seiso no faeva esvʉtʉ

⁴ ho cimu engha temucu cohivi ina os'o ta'hongi ci moumsʉ'eonʉ to kilisto zou cuma.)

'epeso 3:4 Iomraidhean Croise

matai 13:11

yut'inga to iesu:

luka 8:10

isi yainca to iesu:

looma 11:25

maanat'ohaesa, panto conci moumsʉ'eonʉ ci so'emio, os'o tata'za hocimu cohivi, temus'a conino ma'unano mimu iachi mau'to'tohʉngʉ. 'e so'emio eni zou: mo apaevai yameomʉ 'e cou'isolaelu, tec'o totea ho tac'u acʉhʉ ma'hi'usnu to hamo 'o couyafana.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

kolinto 1 13:2

hoci'ueno yaa tonʉ no meemealʉ eʉsvʉsvʉtʉ, a'vinano yaeza hʉh'ʉti 'e mav'ov'o ci mau'to'tohʉngʉ, mav'ov'o ci moumsʉ'eonʉ, ac'ʉhʉ no yaa mahtʉicʉ ci singkoo ho peelʉi soezuha 'e hcuyu ho hoyuha ne etʉpʉ, hoci uk'a himngonghi, uk'a ci tesi nama a'a'ausna.

kolinto 1 4:1

ntemula hu'u'usna no soskuskunu to kilisto na a'mi, tiou no leaʉt'ʉcʉ to moumsʉ'eonʉ ci emoo to hamo.

kolinto 2 11:6

nenusino o'ala'u matmampohsu, at'inghi yono mau'to'tohʉngʉ o'a mi'o toskucu no mocmo; na eni, os'o yontamo mav'ov'o ci hi'hioa ho epa'teni muu.

'epeso 1:9

aepʉngacu na 'tohʉngʉsi, a'vinano poa cohivneni a'to isicu esvʉta no ieni to kilisto ho peiseʉpngi 'e moumsʉ'eonʉ.

'epeso 3:3

isi paavi a'o, poa cohivneni a'o na moumsʉ'eonʉsi. (o'ucula ake'a tposi 'e moumsʉ'eonʉ eni;

'epeso 3:9

poa cohivneni ta yatatiskova tesi yainenu to hamo na tesi hia peiseafi 'e ohsila ta'koeva ci moumsʉ'eonʉsi. yono nia auyusi ta hpʉhpʉngʉ, 'o moso mooyai ta mauhpʉhpʉngʉ ci nooe'oca - 'o hamo isi efʉnga 'e moumsʉ'eonʉ eni.

'epeso 5:32

'e seiso eni isi paavi 'e meoino moumsʉ'eonʉ; mai'e yupa natʉ'ca ta kilisto ho kiokai 'e os'o engha,

'epeso 6:19

temula yaeza 'inolineni a'o, p'enzeni to hamo note'o suseolʉ ci e'e, ho ta'u eseolʉ aomotʉ'ʉ, meelʉ 'ʉteʉ ho paavi 'e ngayo'u epeaska 'e moumsʉ'eonʉ ta fukuin.

kolosai 1:26

'ai'o isieno acngucnguha mi'usneni ta yatatiskova ho sootoefʉnga ci moumsʉ'eonʉ; 'e moumsʉ'eonʉ eni. isicu sopopayoa ta mao'o'okosi maitan'e.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

kolosai 4:3

la yaeza 'inolineni a'mi, p'enzeni to hamo ho pafi no 'oc'ocic'o ci hie ho psoyaska 'e fukuin, ko'ko peelʉi psoecocoya 'e moumsʉ'eonʉ to kilisto. maitan'e mi'o nomio tan'e ho noekotu.

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

temote 1 3:9

nte boemi no cofkoya ho tʉs'ʉ ci 'tohʉngʉ ho noyʉci na moumsʉ'eonʉ ta singkoo.