'epeso 3:1 - buacou seiso no faeva esvʉtʉ

¹ i'mi tan'e, 'e mi'o nomio ta couyafana ci muu ho holeo to kilisto iesu ci poolo. te'o mi'usnu to hamo ho 'inolineni muu.

'epeso 3:1 Iomraidhean Croise

luka 21:12

at'inghi auyusi no esmi 'emo maica ci hi'hioa, tehe tʉtpʉta muu ho pohtutumza; tahe toveineni to kaitoo ho tuucocosi na muu, a'vinano poekotva. nomio a'o, tehe e'usna to tuhcu to honte ho itola leaʉt'ʉcʉ.

sitoo 21:33

isicu tʉtpʉta to eahafo 'o poolo, skuna 'o heetai ho seo'eisi to mehaeso ci ekʉka. isi tuocosi:

sitoo 23:18

isicu hafa to ngungkang 'e foinana ho baito to eahafo, yainca:

sitoo 26:29

yut'inga to poolo: <'upena hoci'u ekakutia ho eman'i, 'e os'o eoho'neni to hamo. 'aeno suu ho i'e mo afu'u yontan'e ho tmalʉ ta e'e'u ci cou te acʉhʉ totiski a'o, at'inghi o'ate 'ahʉyʉ maezo a'o ho mahafo ta ekʉka!>

sitoo 9:15

isi mi'usni to nooe'oca ho yainca:

kolinto 2 1:6

hocimia yupteilʉ no 'atutumzo, matesi akoeva no poa elʉ no ao'pou na muu, elʉ no to'usnu; hocimza elʉ no ao'pou, temu maezo elʉ no ao'pou, a'vinano elʉ no tonʉ ho uveica 'e ito elʉa ci 'atutumzo.

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 11:23

zou soskuskunu to kilisto na hin'i? ake'i efnaso, te h'unano zou a'o! 'o la'u hioa la h'unano ngoseo, h'unano man'i 'o hia'u noekotu, h'unasa 'aoka noa ti'usna, man'i ci hia yonto sokoeva 'e nsou.

ngalatea 5:11

maanat'ohaesa, hoci'u a'cʉ'cʉna psoyaska 'e s'e'honga, maincin'a tiou no pohtutumza? hocin'a maica na nte'o hioa, 'upena hoci'u psoyaska 'o zuuzika to kilisto o'amocu te mooyai nomʉtʉ no lahe hioa.

ngalatea 5:2

na a'o - poolo te'o bumemeala eʉsvʉta muu, hocimu tiou no s'e'honga, 'o kilisto uk'a na ci ake'isi koa ʉmnʉ muu.

ngalatea 5:24

ina mo tma'usnu to kilisto iesu ci cou. ohecu acʉha spica to zuuzika na afu'u ma'konvosʉ ci yu'ausna.

'epeso 3:11

hoisi yaica to hamo. isi i'tohungveni no 'auesiesi ci 'tohʉngʉsi; 'e 'tohʉngʉ eni micu i'mi to feango to nooe'ocato ci iesu kilisto ho peiseafi.

'epeso 3:13

ko'koeno, te'o m'ene muu, 'ote i'mi ho mi'o'so nomio muu ho 'atutumio ho ma'sasmʉzʉ, la apuya nomio tan'e ho ma'tataotofsi'i.

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 6:20

mi'o e'vono mahafo ta ekʉka, mi'o nomio ta fukuin ho afnaso ci soskuskunu. temu 'inoli to nooe'oca ho pafi no 'ʉteʉ a'o ho engha na nte'o anana'va engha ci e'e.

pilipi 1:7

la acʉhʉ asngʉcʉ yonta 'tohʉngʉ'u na muu! 'ate'oeno anana'va asngʉcva taaecingia muu; maica, 'upena ho mi'o yonta poo'usna maitan'e, hocieno ne mo'un'a meelʉ ziu ho ehcʉvheni 'e fukuin ho 'akasi, mimucu acʉhʉ tma'upu no isi pafeni a'o to hamo ci afnaso ci tonʉ.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

kolosai 4:18

te'o iachi boemi ta emucu'u ho tposi: teav'a ta'payo'a isin'a seo'eisi ta ekʉka a'o. pafi'sio no mengumi to hamo na muu!

kolosai 4:3

la yaeza 'inolineni a'mi, p'enzeni to hamo ho pafi no 'oc'ocic'o ci hie ho psoyaska 'e fukuin, ko'ko peelʉi psoecocoya 'e moumsʉ'eonʉ to kilisto. maitan'e mi'o nomio tan'e ho noekotu.

temote 2 1:16

tesi'so coveoza to nooe'oca 'o conoemoo to 'anisifo, maica isi siho poucufna a'o, poa ma'eayokeo a'o. o'a isi h'oinveni ho mi'o noekotu,

temote 2 1:8

i'mi tan'e, 'atekos'a ta'unano isi h'oinveni ci hi'hioa ho teko 'akasi 'o nooe'oca, yaeza teav'a h'oinveni ho mi'o nomio to nooe'oca ho noekotu. teko maino isi faeni to hamo ci tonʉ, nomio ta fukuin ho e'to'usnu no 'atutumio.

fuilimong 1:1

zou poolo a'o; mi'o nomzo to kilisto iesu ho noa poekotva. temia iepoepohʉ 'e ohaesa ci temote tmopsʉ ta tengami ho faeni suu - sonanghia ci 'oahngʉ fuilimong.

fuilimong 1:23

'emo nomio to kilisto iesu ho po'upa a'o ta poo'usna ci 'ipafu te tuayokeo suu.

fuilimong 1:9

at'inghi, isi cucufni no himngonghi a'o ho m'ene suu. na a'o - poolo, e'vono zou soskuskunu to kilisto iesu, maitan'e os'o yaeza nomzi ho noekotu, te'oc'o ma'kaebʉ no maica ci hioa.

mokusi 2:10

teav'a smoyoa 'o teko esmiza ci 'atutumzo. aiti, tesi hʉsvʉta to 'akuma na muu, tesi to'ayumoneni to poo'usna 'omo piyo ta 'ayumonamu; te mimaski ho temu tiou no 'atutumzo. teko ac'ʉhʉ no mcoi ho meot'ʉcʉ. te'oeno pafi no tafange no nsou.