'epeso 2:3 - buacou seiso no faeva esvʉtʉ

³ a'ʉmtʉsi, ne auyusi 'e mito macicihi, mohtola totiski ta a'a'ausnahe, poa 'aʉnpʉnpʉ 'e ma'konvosʉto ta yu'ausna ho mee'ofeihni ta iachi 'tohʉngʉ. ko'koeno, o'amito toskucuhe ta mocmo ci cou, isi acʉha asvʉta no tiou no patvovei to hamo.

'epeso 2:3 Iomraidhean Croise

maluko 4:19

at'inghi na ma'tipvongʉ no h'oyunsova, eepecvazi no mici yuyupasʉ, ho ina mav'ov'o ci ma'konvosʉ la acʉhʉ esmi, hocu timcoza na ntohsi nsou ta e'e. 'anamo meelʉ beahci.

yohane 1:13

'emo maica ci cou o'a mo i'mi ta natʉ'ca no ceoceona no hmuyu, o'amo i'mi no poc'ou ta cou, maezo o'amo h'unano i'mi no 'tohʉngʉ ta hahocngʉ ho yayo, mamo i'mi to hamo ho yayo.

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

sitoo 14:16

ne noana'o, ohsila poa maino tehe 'ucia mia ci ceonʉ to hamo 'e yatatiskova.

looma 1:24

ko'koeno, 'o hamo lasicu moeza poa maino 'tohʉngʉhe ho poa peismi tola peisnonoekʉnka ci hi'hioa, yupa acaca'i to iachihe feango.

looma 11:30

ne noana'o 'e couyafana o'amohmula meo'uzo to hamo; maitan'e mimu nomio no o'te meo'uzo to hamo 'o couyutaya, mimucu apuyu elʉ no ngohia to hamo.

looma 13:14

at'inghi, temula ieni to nooe'oca iesu kilisto ho seuseu'heni 'e iachi; 'otec'ola ma'nou ma'mamso no poc'ou ci hi'hioa ta feango!

looma 2:14

uk'a ci hoolicu to couyafana; at'inghi i'mi no yu'ausnahe hoci toseolʉ to hoolicu nala hi'hioa, e'vono uk'aci hoolicuhe, 'acueno hoolicuhe 'e iachi.

looma 5:10

na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 5:9

i'mi to mcoisi, maitan'e mitocu meelʉ yaa yupa toseolʉ ci natʉ'ca 'o hamo; i'o mcoisi isi afnasa poa mongoi no sʉ'no to hamo na a'to.

looma 6:12

ko'koeno, teav'ana i'vaha poa atʉkceni no kuisi 'ete anana'o kuzo ci feango, poa meo'uzo no ma'cac'ou ci yu'ausna.

looma 7:18

os'o yaeza cohivi, ta 'ayumona'u, 'ai'omoeno yonta 'ayumona ta yu'ausna'u, uk'a ci mou'ʉmnʉ. maica, la'u yaa 'tohʉngʉ no peis'ʉ'ʉmnʉ, at'inghi o'a mi'o yaa tonʉ no peis'ʉ'ʉmnʉ.

looma 9:22

ina lais hioa to hamo. 'amoeno maezo maica, lasi epa'teni na sʉ'nosi. pa'teni na tonʉsi. i'mi tan'e lasi boemi no buveici ho coveoza 'o isi sʉ'nova, 'ai'oeno 'ontesi anana'va ez'oz'a ci macucuma.

kolinto 1 4:7

siya namo poa tosa'o no mocmo na suu? na acʉcʉhʉsu o'a isis'aeno acʉha pafeni to hamo? maincis'a iachi etano, 'e acʉcʉhʉsu mais'a o'aisi pafeni to hamo ci mengumi?

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

ngalatea 3:22

at'inghi, isi yainca to seiso, acʉcʉhʉ 'e yatatiskova isi ta'ayumona no tonʉ no kuisi, akoeva no ieni no tmaa'uzo to iesu kilisto ho i'tohungvi tiou no ohsila teomneni to hamo; 'e teomneni eni isi pafeni tamo afu'u tmaa'uzo ci cou.

'epeso 2:2

ne mio, mohmula mee'ofeihni to kokuici hi'hioa ta hpʉhpʉngʉ, peteozu tola tʉʉt'ʉcʉ ta engʉca, 'ai'olaeno aʉt'ʉcʉ to la yutasufku to mashʉyʉ to hamo ci h'aokuv'o.

'epeso 4:22

temula yungvo'a 'ola conino koa yunsou tote meaapayo'ʉ ci ; i'o noana'o ci a'o isi ieni to eepecvai to ma'konvosʉ hocu toapayo'ʉ.

kolosai 1:21

ne auyusi, mohmula nomio no kokuzo ci koyu ho ino peipeis'ausna hocu namcovha 'o hamo, cu hangʉ to hamo.

tesalonike 1 4:13

maanat'ohaesa, e'usnu to micu mcoi ci cou, imza tata'za ho cimu ake'a cohivi 'emo piyo ci hi'hioa, temus'ala angu ma'nanac'o. mais'a 'ola uk'a ta'usni ci cou.

tesalonike 1 5:6

ko'koeno, o'anteto mais'a mocmo ho m'onoi; teto aʉtʉs'ʉ etngou.

temote 1 6:9

i'ola micic'o yuyupasʉ ci cou la supeohʉ to ma'pepecvai, noa tʉtpʉta to man'i ci nongonongo ho ito te koa kuzo ci ma'kokonvosʉ, ataveicu sʉhcʉ'o ho meaapayo'ʉ.

tito 3:3

ne auyusi mohto la maezo nongonongo, yutasufku, eʉngcʉ; mohtola tolei to mav'ov'o ci ma'cac'ou ho ma'nou no peispak'i, yunsou to 'ayumona no ma'papak'i ho smo'eububut'u. yupania mihango.

petelo 1 1:14

temu meo'uzo to hamo, teav'a poa eahafneni no ma'konvosʉ, mais'a ne mohmun'a nongonongo ne auyusi.

petelo 2 2:14

'o coeke ci mcoohe la teochʉmʉ to noasisi, o'ala ahtu ma'mamso na peis'usnu no kuisi ci koyu. la topano tola yoheoz'u ci cou; 'o 'tohʉngʉhe micu at'ocʉ no konvosʉ; zou 'oahngʉ to tesi patvovei to hamo!

petelo 2 2:18

la mo'engho tomo bitano ho eloʉngʉ ci e'e, la boemi to boevovoyo ci koyu ho topani 'o lan'a aʉlʉ momeesih'i to kokuzo ci h'oyunsova ci cou.

yohane 1 2:16

'emo afu'u tma'usnu ta hpʉhpʉngʉ ci hi'hioa, mais'aeno 'ola tata'ia ta feango, tata'ia ta mcoo, ho i'ola afu'a epapaata'ieni ta cou, acʉhʉ o'a mo i'mi to amopepe, mamo i'mi ta hpʉhpʉngʉ.

yohane 1 2:8

at'inghi. 'e os'o tposi ho faeni muu. te peelʉi yainca faeva ci mashʉyʉ; na so'emiosi ta mashʉyʉ tan'e mo yonto feango to kilisto. yaeza peiseafi ta taicomu. maica homo seolʉa no aapayo'ʉ 'o voecʉvcʉ. 'o a'ʉmtʉ tiskova micu ahoi psoevohngʉ.