'epeso 2:14 - buacou seiso no faeva esvʉtʉ

¹⁴ isi iachia faeni a'to to kilisto 'e suseomʉ; isi poa tmucni 'e couyutaya ho i'o couyafana, ieni to iachisi feango ho popuya 'o koa nahanga, ho koa apaevai ci tonghifa.

'epeso 2:14 Iomraidhean Croise

luka 1:79

isin'a i'mi ta pepe ho psoetiskovi 'emo afu'u yaansou ta isi pe'ongki no mcoi ci cou, engocha a'to ho poa smaimio no moususeomʉ ci ceonʉ.

luka 2:14

na psoevohngʉ te ta'usna to sopepea ci hamo! na moususeomʉ te ta'usna ta isi ʉm'ʉmnʉa ci cou ta ceoa!

yohane 10:16

panton'a mocmo ci moatʉ'nʉ'u o'a mo no'ayumonʉ ta poo'usna tan'e, te'o ahtao'te yaeza engocha yuyafo; tahe yaeza talʉi 'e fihngau'u. 'emo yusno taucunu tena tmucni, ho totiski tma'usnu tamo cihi ci le'aʉt'ʉcʉ.

yohane 11:52

o'a tesis'a anova mcoineni 'e couyutaya, tesi yaeza eteuyuna namo nopeaski ta hpʉhpʉngʉ ci 'o'oko to hamo, poa tmucnia.

yohane 16:33

os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>

sitoo 10:28

cu mi'usni ho yainca:

sitoo 10:36

imu cohivi, 'o isi ieni to nooe'oca ta yatatiskova ci iesu kilisto ho psoecʉ'ha to cou'isolaelu ci e'e zou suseomʉ ci fukuin.

looma 5:1

ho mitoeno i'mi no tmaa'uzo ho yainca coumoʉlʉlʉ, cu ieni to nooe'ocato ci iesu kilisto hocu yaa nanghia ci natʉ'ca 'o hamo.

ngalatea 3:28

o'anate avahvoh'una na couyutaya ho couyafana, hocieno tolei ho ziu, hahocngʉ ho mamespingi, to 'ayumona to nsou to kilisto iesu, mimucu acʉhʉ cono feango,

'epeso 2:15

isi aapayo'a 'o maeesvʉta to hoolicu to yutaya, akoeva no ieni to nsousi ho poa faeva ci cou 'emo yusno suezopʉ, meelʉ suseomʉ ho noteuyunu.

'epeso 2:17

maicac'o, na atuhcusi homo cmʉ'ho 'o kilisto tesi psoyaska 'e koa suseomʉ ci fukuin ho faeni ta afu'u cou, a'upa 'e mohmu la emomcovhi to hamo ne auyusi ci couyafana. ho i'omo smacmu'u to hamo ci couyutaya.

'epeso 3:15

'e afu'u suezopʉ ta pepe ho ceoa mo acʉhʉ i'mi to hamo ho yayo.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

kolosai 1:20

ieni ta oko, 'o hamo isi iachia esvʉta no i'vaho naovei 'e mouhpʉhpʉngʉ. isi ieni to mcoi to zuuzika 'o okosi ho aepʉnga na suseomʉ. i'vaha poa tma'usnu to hamo 'e aʉcʉcʉhʉ ta pepe ho ceoa.

kolosai 2:20

ho mimucueno tu'upu to kilisto ho mcoi, momeesih'i no moipiepiya ta macocongeoha, mainci mimuc'on'a fiho ta h'oyunsova ta cou, a'cʉ'cʉna noʉt'ʉci na 'emo maica ci peipeisia?

kolosai 3:11

ho isicu e'usna tan'e, 'anate i'vaha avahvoh'una na coungilisia ho couyutaya; o'anate yaa s'e'honga hocieno o'te s'e'honga. yano voveiveiyo, uafeihi, tolei hocieno couziu. 'o kilisto 'aeno acʉcʉhʉ, 'o kilisto isi nocʉcʉhi 'e acʉcʉhʉ.

kolosai 3:15

'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

hevulu 7:2

'o 'avulahamu mo i'mi to ohsi tov'oha ho mayo tomo amaskaconi ho faeni. (ahoisi, 'o e'a'ausna to ongko to maicisito zou ; maica ho zou'so honte to salemu, 'o ongkosi zou maezo 'o e'a'ausnasi.)