'epeso 2:12 - buacou seiso no faeva esvʉtʉ

¹² ne mio, na natʉ'camu 'o kilisto, zou couyafana, o'amimu no'ayumonʉ to isi epeiya to hamo. to ohsi teomneni to mao'o'okosi to hamo o'a mimu tma'upu, yonta hpʉhpʉngʉ uk'a ci imu ta'usni, uk'a hamo.

'epeso 2:12 Iomraidhean Croise

luka 1:72

te mi'usnu to nia maameoito ho hioa na meoino himcocoveoi, a'vinano talʉa na cofkoya ci ohsila esvʉta.

yohane 10:16

panton'a mocmo ci moatʉ'nʉ'u o'a mo no'ayumonʉ ta poo'usna tan'e, te'o ahtao'te yaeza engocha yuyafo; tahe yaeza talʉi 'e fihngau'u. 'emo yusno taucunu tena tmucni, ho totiski tma'usnu tamo cihi ci le'aʉt'ʉcʉ.

yohane 15:5

yohane 4:22

o'aimu cohivi ta cousamalia zou siya na imu p'ohkui, imza cohivi ta couyutaya 'o imza p'ohkui, maica 'e mengumi no to'usnu mo i'mi ta couyutaya.

sitoo 2:39

maica ohsi teomneni to hamo, tesi pafeni no ohsila afu'a eyoho'a to nooe'oca hamo ci cou. 'aeno muu, 'o'okomu, ho i'o acʉcʉhʉ ci mo yone covhi ci cou.>

sitoo 28:20

nomio tan'e, ko'ko os'oeno eteuyuna muu ho aʉlʉ yupa baito ho yupepeahngʉyʉ. ho os'o ko'ko hafa 'e ekʉka eni, mamo nomio to ito anana'va mingeovi ta 'isolaelu cimo cihi.>

sitoo 3:25

na muu te tiuski to eyongensa ci cou; imu tiuska na nia yupa esvʉtʉ to hamo ho ino nia maameoimu. ohsicula mi'usni to hamo 'o 'avulahamu ho yainca: <>

looma 9:8

'aisieno yainca tan'e, 'emo i'mi ta feango ho yayo o'a te yainca zou 'o'oko to hamo, 'ai'omoc'o i'mi to ohsila teomneni to hamo ho yayo niante tamza no 'o'oko to hamo.

ngalatea 4:8

ne auyusi o'a ohmula honga 'o hamo, ohsila soskuskunu to o'a hamo ci hicu.

'epeso 2:19

yaica ci hia baito, 'e couyafana o'ana couyafana hocieno huhmohma ci cou; zoucu 'oahngʉ to 'o'oko to hamo na muu, zoucu 'oahngʉ ta cono emoo to hamo.

'epeso 4:18

voecʉvcʉ 'o 'tohʉngʉ. mo yupa nahesa 'o isi faeni to hamo ci nsou; maica mo asansano nongonongo. ma'cachi ho yameomʉ.

kolosai 1:21

ne auyusi, mohmula nomio no kokuzo ci koyu ho ino peipeis'ausna hocu namcovha 'o hamo, cu hangʉ to hamo.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

tesalonike 1 4:13

maanat'ohaesa, e'usnu to micu mcoi ci cou, imza tata'za ho cimu ake'a cohivi 'emo piyo ci hi'hioa, temus'ala angu ma'nanac'o. mais'a 'ola uk'a ta'usni ci cou.

tesalonike 1 4:5

o'a mos'a i'mi no ma'cac'ou, mais'a 'ola o'te bohngʉ to hamo ci couyafana.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

temote 1 1:1

zou poolo a'o; te'o epici to leto'usnu ci nooe'oca hamo ho itola mashʉyʉ to lato ta'usni ci kilisto iesu, hocu sitoo to kilisto iesu.

hevulu 11:34

mot'afso no yafeu, noesih'i no opcoza no poyave. poa aezuhu yumahtʉicʉ na yoz'uhe, mou'ʉteʉ homo ehtothomʉ, atpʉta 'o heetai to mocmo ci hpʉhpʉngʉ.

hevulu 6:18

'emo yuso ci a'a'ausna o'ate ahta aezuha, maica o'ate meknuyu 'o hamo. ko'koeno, i'mi tan'e. 'e mito biebimi no noa aʉt'ʉca to hamo ci cou a'ʉmtʉ tiou no meoino poucufnu, la tʉyʉca 'emo yonta ito mi'usni ci lato ta'usni.

hevulu 8:6

at'inghi maitan'e, 'o isi tiova to kilisto ci hioa no saisi mo tosa'o ʉmnʉhe ta ihe hioa, aʉlʉ mais'a mo notaico ta cou ho hamo cimo asuhcuhe ʉmnʉ ci esvʉta, maica 'e esvʉta eni mo i'tohungu tomo asuhcu ʉmnʉ ci isi teomneni ho p'eyac'a.

petelo 1 1:21

ieni to kilisto, imu taa'uzva 'omo poa i'mi no mcoi ho smoevovei, a'vinano mofi no psoevohngʉ ci hamo; i'mi tan'e, na singkoo ho ina lamu ta'usni la miteuyunu to hamo.

petelo 1 1:3

teto 'aveoveoyʉ to amohamo to nooe'oca iesu kilistoto! i'mi to uk'a noca'cʉ'hi ci himcocoveoisi, ieni to mcoi ho smoevovei to iesu kilisto, pafeni a'to 'emo faeva ci nsou, poa yaa yoayokeo ci ta'usni a'to.

petelo 1 3:15

la yaa ma'einu to kilisto ci 'tohʉngʉ, la atuhca mie'oci. hoci panonte mi'usnu muu ho poa esansaneni nalamu ta'usni ta 'tohʉngʉ, la coni no ae'ayocʉ ho yut'inga;

yohane 1 3:3

nala afu'u mooteo no aopa'to 'o kilisto ci cou te acʉhʉ iachi ayʉyʉcʉ acocofkoya, totiski to kilisto ho cofkoya.