'epeso 2:10 - buacou seiso no faeva esvʉtʉ

¹⁰ zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.

'epeso 2:10 Iomraidhean Croise

matai 5:16

totiski, na tiskovamu nte yaeza poa psoetiskou ta tuhcu ta cou, poa aitneni ta cou na ʉmnʉ ci lamu peipeis'ausna, teno tohmomoengʉ tomo yone pepe ci amomu.>

yohane 3:21

at'inghi, i'ola fiho to so'emio ho yaahioa. la ohcum'u to tiskova, akoeva no poa psoetiskovneni na lasi afu'a hi'hioa ho mio acʉhʉ fiho no 'tohʉngʉ to hamo.

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

sitoo 9:36

ne yoopa panto cihi ci tesi no mamespingi zou tapita 'o ongkosi ('o ongko nosi ngilisia zou toka, zou moatʉ'nʉ no mayahe 'o e'ausnasi). man'i 'o isi hioa cimo ʉmnʉ ci hi'hioa. kokaebʉ to'usnu tola thi'cia ci cou.

looma 8:1

maitan'ecu, i'omo yaansou to 'ayumona to kilisto iesu ci cou o'ate topci no kuisi.

looma 8:29

maica isi ayoca cohivi to hamo, isi ayoca epeiya, poa yaa totiski ci yu'ausna to okosi, ko'ko meelʉ yonta cono emoo to sinto 'o okosi ho sutmoyaevonʉ.

kolinto 1 3:9

lasi toehungneni yaahioa to hamo a'mi; zou ezoezoyʉ to hamo na muu. isi yaeza p'eyac'a to hamo ci emoo na muu.

kolinto 2 5:17

'upena na siya, hocic'u afu'u yayo na nsou to kilisto; zoucu faeva ci cou. micu sucaefi 'omo noana'o. micu esmi 'emo faeva.

kolinto 2 5:5

'o hamo isi iachia ayoca ho poa suseolʉ tamo maica ci te aezuhu na a'to, isi pafeni 'o seilei ho titha hosoo a'to.

kolinto 2 9:8

tesi asuhca pafi no atngaso to hamo na muu, o'atesi anovac'o poa am'amso ho yaa ang'osʉa na muu, teen'a meelʉ butotaso tamo mav'ov'o ci peis'ʉ'ʉmnʉ ci hi'hioa.

ngalatea 6:15

tiou no s'e'honga ho o'te tiou no s'e'honga. uk'a ci tesi nama a'a'ausnu; nate sotva'esa teto i'vaho faeva ci cou.

'epeso 1:1

zou poolo a'o; mi'o tiyou to 'tohʉngʉ to hamo ho sitoo to kilisto iesu. te'o tmopsʉ ta tengami ho faeni tomo yonta mia'usnu ta 'epeso cimo meot'ʉcʉ to iesu kilisto ci masisinto:

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 2:13

'e mohmula emomcovhi to hamo ne auyusi, maitan'e micu yuecnguhu to kilisto iesu ci cou, ieni to mcoisi, micu smacmu'u to hamo.

'epeso 2:15

isi aapayo'a 'o maeesvʉta to hoolicu to yutaya, akoeva no ieni to nsousi ho poa faeva ci cou 'emo yusno suezopʉ, meelʉ suseomʉ ho noteuyunu.

'epeso 2:2

ne mio, mohmula mee'ofeihni to kokuici hi'hioa ta hpʉhpʉngʉ, peteozu tola tʉʉt'ʉcʉ ta engʉca, 'ai'olaeno aʉt'ʉcʉ to la yutasufku to mashʉyʉ to hamo ci h'aokuv'o.

'epeso 2:6

'o hamo isicu poa yonto 'ayumona to nsou to kilisto iesu na a'to ho i'upu to kilisto ho smoevovei, i'upu yone pepe ho atʉkcʉ.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 4:24

paceofa 'e ; 'e faeva ci a'o isi ieni to mi'a'ausna to hamo ho teyai, isi peiseafi ta mo i'mi to so'emio ho cmʉfeʉ ci moulʉlʉ ho cofkoya.

pilipi 1:6

la'u amsʉ'eona taa'uzva, i'omo yonto 'tohʉngʉmu ho i'eongceni tamo maica yonghu ci hi'hioa ci hamo, 'atesi ahta o'te a'cʉ'cʉna hi'hioa eni. aepʉnga no hiesi ho tac'u i'vaho cmʉ'ho 'o iesu kilisto.

pilipi 2:13

maica la asngʉcʉ yonta 'tohʉngʉmu 'o hamo ho yaahioa, poa smoekaebʉ muu ho a'ʉmta peiseafi na yonghu ci 'tohʉngʉsi.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 3:10

aʉe no faeva ci a'o. 'e faeva ci a'o, isi ieni no iachisi mi'ausnasi to moso mooyai ci hamo ho ausuhca poa yufafaeva, meelʉ a'sʉftonʉ bohngʉ to hamo.

tesalonike 2 2:17

poucufna muu, poa yaa ma'ʉ'ʉteʉ ci 'tohʉngʉ. psoyaska ho peiseafi 'e acʉcʉhʉ cimo yonghu ci hi'hioa.

temote 1 2:10

la yaa ʉmnʉ ci peipeis'ausna, e'tatiski 'ola iachia epa'ta ci singkoo.

temote 1 5:10

a'vinano asansano yaa popeislʉlʉ ci ongko, maihoci: meemealʉ aʉt'ʉcʉ no 'o'oko, aʉt'ʉt'ʉcʉ no la i'mocovhi, tocaphʉ to sinto, ec'ʉ ho to'usnu tola akokameosʉ 'atutumzo, pnanfi na tonʉ ho peismi tomo mav'ov'o ʉmnʉ ci hi'hioa.

temote 1 5:25

totiski, la lua hupopayoi 'omo popeis'ʉ'ʉmnʉ, 'upena hoci o'te nopopayo o'ate peelʉi efʉnga.

temote 1 6:18

teko eucucufna ho poa popeis'ʉ'ʉmnʉ, lua peismi no ʉmnʉ ci hi'hioa, mealʉ ho luetato'usnu, conino to'usnu.

temote 2 2:21

hoci meelʉ iachi acocofkoya 'e cou, mongoi no kokuzo ci hi'hioa, 'atesi ahtao'te meoino titha to nooe'oca; maica ho isicu sʉ'teni to nooe'oca, noa meoino titha to nooe'oca, hioa na mav'ov'o cimo ʉmnʉ ci hi'hioa.

temote 2 3:17

tesi poa a'sʉftonʉ ae'ayocʉ 'ela fifiho to hamo ci cou, meelʉ peismi no mav'ov'o ci ʉmnʉ ci hi'hioa.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

tito 2:7

'ecu iachisu, 'upena no mainenu ci hi'hioa la acʉha poa ʉmnʉ nala peipeis'ausna, mooyai no tehela peis'ofeihni. hola mo'ma'cohio to cou la eʉlʉ, ho mouyʉcʉ,

tito 3:1

teko poutʉs'ʉa 'emo botngonʉ, la meo'uzo tola yaa tonʉ no tiʉt'ʉcʉ ta hpʉhpʉngʉ, tmaayaezoyʉ to lahe pashʉya, conino ae'ayocʉ peismi tomo ʉmnʉ ci hi'hioa.

tito 3:14

poa aʉsvʉsvʉtʉ asno'zonʉ peislʉlʉ 'o iachito 'oahngʉ, ho poa am'amso nala tititha ta h'oyunsova; 'otela mo'ma'na'o ho uk'a a'a'ausna ci cou.

tito 3:8

'e e'e eni te peelʉi taa'uzva. os'o tata'za hociko ep'opnanfa 'emo maica ci hi'hioa, ko'ko poa asno'zonʉ peismi nomo ʉmnʉ 'omo tmaa'uzo to hamo ci cou; 'emo maica ci hi'hioa mo yonghu, koa ʉmnʉ ta cou.

hevulu 10:24

teto yupa ma'tat'ʉcʉ, poecʉ'o no himngonghi, poucufnu no popeislʉlʉ.

petelo 1 2:12

ho lamu no'ayumonʉ ta couyafana, ntemula yaa peislʉlʉ ci peipeis'ausna, i'ola ekuzkuzo, ho maus'os'osʉ muu ci cou, i'mi ho lahe aiti na lamu hia popeislʉlʉ, yono hiesi no ivaho cmʉ'ho 'o nooe'oca, tehe ta'usna to hamo na psoevohngʉ.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.