'epeso 1:4 - buacou seiso no faeva esvʉtʉ

⁴ auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 1:4 Iomraidhean Croise

matai 24:22

hocisi o'te ananʉhta to hamo na hiesi no meakvo'ʉ, uk'a cite meelʉ nongaco yaansou ci cou. at'inghi mo nomio ta ohsila epeiya ci mao'o'okosi, tesi ananʉhta to hamo na hiesi ho mio.

matai 24:24

maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi.

matai 24:31

te meoino yamumi 'o fihngau no la'pa, tesi popeoskuna 'o tensi ho sʉc'ʉhʉ to maacaciku ta hpʉhpʉngʉ, i'mi ta hpʉhpʉngʉ tan'e ho sʉc'ʉhʉ to hpʉhpʉngʉ ne'e, euteuyuna 'o ohsila epeiya ci mao'o'okosi.>

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

yohane 10:16

panton'a mocmo ci moatʉ'nʉ'u o'a mo no'ayumonʉ ta poo'usna tan'e, te'o ahtao'te yaeza engocha yuyafo; tahe yaeza talʉi 'e fihngau'u. 'emo yusno taucunu tena tmucni, ho totiski tma'usnu tamo cihi ci le'aʉt'ʉcʉ.

yohane 15:16

o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu.

yohane 17:24

sitoo 13:48

ne ihe talʉi ta couyafana 'e e'e eni mo acʉhʉ na'no kaebʉ, tohmomoengʉ to e'e to nooe'oca; i'o micu noa epeiya to hamo ho tiou to 'auesiesi nsou ci cou. cu acʉhʉ sinto.

sitoo 15:18

i'o moso ahoi ne na'no noana'o hocu masmomolʉ tan'e ci nooe'oca ohsicula yaica ci hia epeaska.>

sitoo 18:10

mi'o no'upu suu, uk'a cite meelʉ akuzkuzo suu, a'vinano ta hosa tan'e. mo botngonʉ 'o 'o'oko'u.>

looma 8:33

siya nate meelʉ ehpʉngʉ ta isi epeiya to hamo ci cou? isicu esvʉta to hamo ho yainca uk'aci kuisihe!

kolinto 1 1:8

'atesi ahtao'te apopaezuma to'usni to nooe'oca muu, no hiesi ho tac'u ohpueho 'o nooe'oca iesu kilisto poa uk'a emzi no koica muu.

ngalatea 5:13

maanat'ohaesa, ho isi epeiya to hamo muu, tesi poa ziu ci cou na muu. at'inghi 'otes'a boemi ta ziu tan'e ho 'o'emamzʉ no 'aʉnpʉnpʉ, la boemi no himngonghi ho yupa aʉt'ʉt'ʉcʉ.

ngalatea 5:22

inacu beachi to seilei, 'aeno: cocoya ci himngonghi, kokaekaebʉ, moususeomʉ, luaveica, moma'cinghi, mou'ʉmnʉ, meot'ʉt'ʉcʉ,

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

'epeso 2:10

zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

'epeso 4:2

temula ma'einu, ma'cocacni, luaveica, boemi no himngonghi ho yupa peteongaso,

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

'epeso 5:27

poa yonghu, socofkoya, uk'a heo'tʉ, uk'a ci ake'i ca'i ho aetuhu, ko'ko peelʉi sʉ'teni ta iachi.

pilipi 2:15

temueno meelʉ yonta mo kuzo ho aknon'i ci hpʉhpʉngʉ ho cocofkoya, meelʉ uk'a heo'tʉ ci 'o'oko to hamo. temula psoetiskou ta 'ayumona ta yatatiskova, mais'a 'o congeoha hola psoetiskou ta engʉca.

kolosai 1:22

maitan'e, ieni to mcoi to feango to okosi, isicu nanghianeni to hamo na muu, akoeva no poa yonto tuhcusi ho socofkoya, uk'a heo'tʉ, uk'a 'eongʉ no koica.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

kolosai 3:12

isi ngohia to hamo na muu, epeiya muu ho ta'okoa. ko'koeno, temula yaa himcocoveoi, himngonghi, ma'einu, ma'cocacni ho luaveica ci 'tohʉngʉ.

tesalonike 1 3:12

tesi'sola poa yaa 'tohʉngʉ no yupa himngonghi ho yaa 'tohʉngʉ no ngohia 'e yatatiskova, a'vinano huhucmasi yusuhci, totiski ho lamza ma'cucuveu ho ngohia muu.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

temote 2 2:10

i'mi tan'e, mi'o nomio to isi epeiya to hamo ci 'o'okosi ho uveica 'e acʉcʉhʉ, te ko'ko peelʉi poa maezo mayo tomo i'mi to kilisto iesu ci to'usnu ho 'auesiesi ci psoevohngʉ.

temote 2 2:19

at'inghi, i'o ohsi p'eyac'a to hamo ci mo mahtʉicʉ ci totnguca o'ate ahtu tmaot'ou; to bako ta totnguca tan'e panto isi tposi: . isi yaeza tposi:

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

petelo 1 1:20

'o kilisto zou ohsila ayoca epeiya to hamo ho o'amocu ohsila teyai 'e hpʉhpʉngʉ, yonta puesona ta lekisi ho nomio muu ho aopa'to.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.

yohane 1 4:16

ko'koeno, ito cohivi, a'vinano taa'uzva 'o hamo isi ngohia a'to. zou himngonghi 'o hamo. na micu yaa himngonghi na nsousi ci cou 'amicueno yayo ta nsousi 'o hamo. 'o hamo mo no'ayumonʉ to nsousi.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

mokusi 17:8

i'o osko aiti ci yuansou mosola i'nanʉskʉ yaansoua, 'anate i'vaho yaansoua maitan'e, o'ate noana'o tena i'mi ne mʉ'eona ho yuyafo, emo'usnu to aapayo'ʉ. 'e cou ta ceoa, ahoi ne ohon'a teyai 'e hpʉhpʉngʉ 'o isi afu'a o'te tposi to tposʉ no nsou 'o ongkohe, ho tahe aiti 'e mosola yaansou, o'anamo yaansou maitan'e, i'o tenala i'vaho yuyafo ho noana'o ci yuansou, te acʉhʉ meoino no yamci.