'epeso 1:23 - buacou seiso no faeva esvʉtʉ

²³ 'e kiokai zou feango to kilisto, isi nongcʉngci tomo nongcʉngcʉ ta mouhpʉhpʉngʉ ci kilisto.

'epeso 1:23 Iomraidhean Croise

yohane 1:16

i'mi to atngasosi, mito tiou no mengumi, a'vinano la asngʉcva topuhngi no mengumi na mengumi.

looma 13:5

ko'koeno, temu asansano meo'uzo tola aʉt'ʉcʉ, o'a anou smoyo no patvovei to hamo, te maezo nomio no mou'ʉmnʉ ci 'tohʉngʉ.

kolinto 1 12:6

mo mav'ov'o 'ola hioa. at'inghi isi pafeni to moc'o cihi ci hamo na tonʉ no yaahioa.

kolinto 1 15:28

ac'ʉhʉ ho tac'u acʉhʉ peteozu to kilisto 'e acʉcʉhʉ, 'e oko tena maezo peteozu to moso poa peteozu ta acʉcʉhʉ ci hamo, ko'ko meelʉ notmoyaevonʉ 'o hamo ho aʉt'ʉca 'e acʉcʉhʉ.

'epeso 2:16

ieni homo mcoi to zuuzika, isi poa tosvo to kilisto 'emo maica ci yupa nahanga, ieni to zuuzika ho poa cono feango 'e mo yuso, ko'kocu meelʉ nanghia to hamo.

'epeso 3:10

na atuhcusi te yonta mauhpʉhpʉngʉ maitan'e. ieni ta kiokai. poa cohivneni tala yonta engʉca cila poʉt'ʉcʉ, tʉʉt'ʉcʉ na mav'ov'o ci moutʉs'ʉ to hamo.

'epeso 3:19

temu'sola cohivi 'omo asa'o nola peela ta'cʉ'ha no motposʉ ci himngonghi to kilisto, ko'ko peelʉi nongcʉngci no a'sʉftonʉ to hamo na muu.

'epeso 4:10

i'o moso 'a i'o moeno ho uhto mo pepehe ne maepepe cimo cihi; ho isi yaica 'atesieno nongcʉngci 'e acʉcʉhʉ.

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:13

sotaveisi, tetocu yaa tohmʉskʉ ci singkoo ho bohngʉ to oko to hamo; teto yusuhci ho yʉepʉngi, ohcʉ'ho to h'aucucunu ci mi'a'ausna to kilisto.

'epeso 4:4

mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

kolosai 2:19

cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.

kolosai 3:11

ho isicu e'usna tan'e, 'anate i'vaha avahvoh'una na coungilisia ho couyutaya; o'anate yaa s'e'honga hocieno o'te s'e'honga. yano voveiveiyo, uafeihi, tolei hocieno couziu. 'o kilisto 'aeno acʉcʉhʉ, 'o kilisto isi nocʉcʉhi 'e acʉcʉhʉ.

kolosai 3:15

'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.