'epeso 1:18 - buacou seiso no faeva esvʉtʉ

¹⁸ la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 1:18 Iomraidhean Croise

matai 13:15

maica mo amʉtʉ 'o 'tohʉngʉhe. sngʉsnga 'o koyuhe, m'oyʉcʉ 'o mcoohe, hoci o'te maica, tec'u bohngʉ 'o mcoohe. maezo tmalʉ 'o koyuhe, ma'sansano 'o 'tohʉngʉhe ho ma'vovei, te'ocu poa yov'o na hin'i.

maluko 10:17

moc'on'a aʉlʉ e'ohʉ 'o iesu, panto cihi ci cou mo smo'usnu, top'ungu to tuhcu to iesu, tuocosi:

luka 24:45

isicu paavi 'o 'tohʉngʉhe, poa cohivneni 'o e'e to seiso.

sitoo 16:14

to 'ayumona tomo tmalʉ, panto mo i'mi to hosa ne tuiyatuila ci mamespingi, zou litiya 'o ongkosi; la momhino tatposa ci yʉteʉ 'o lasi hioa. la anana'o m'ohkuyu to hamo; isi paavi to nooe'oca 'o 'tohʉngʉsi, poa tmaayaezoyʉ to e'e to poolo.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

looma 11:29

maica. na epei ho ina mengumi to hamo o'amo ahtu aezuhu.

looma 2:4

nenusi no osko hupotfʉnga na ma'cocacni, ho luaveica to hamo? nteko cohivi mo ma'cocacni 'o hamo, maica lasi'so 'ucia poa ma'vovei suu.

kolinto 2 4:4

'emo maica ci cou homo o'te tmaa'uzo, mo maica ho isi poa bʉkngʉ ta hicu ta hpʉhpʉngʉ na mcoo no 'tohʉngʉhe, poa o'te bohngʉ no tiskova ta fukuin; 'e fukuin isi engha 'omo natʉ'ca 'o psoevohngʉ to kilisto, 'o kilisto 'aeno a'ʉmtʉsi mi'ausna to hamo.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

ngalatea 5:5

i'o ito atva'esa mingeovi, 'aeno ina teto hia meelʉ yupa toseolʉ na natʉ'ca to hamo; na eni zou tonʉ to seilei ieni no singkooto ho peihcʉ'hi.

'epeso 1:11

acʉcʉhʉ 'e macucuma ta mouhpʉhpʉngʉ te acʉhʉ maino ohsi ta'koeva ho ino ohsi esvʉtʉ to hamo ho aepʉnga. 'o hamo mo i'tohungu no ohsila ahoza esvʉta ci 'tohʉngʉ, ieni to kilisto ho epeiya a'to ho teyai 'o'oko.

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

'epeso 2:12

ne mio, na natʉ'camu 'o kilisto, zou couyafana, o'amimu no'ayumonʉ to isi epeiya to hamo. to ohsi teomneni to mao'o'okosi to hamo o'a mimu tma'upu, yonta hpʉhpʉngʉ uk'a ci imu ta'usni, uk'a hamo.

'epeso 3:16

te'o 'inoli to hamo, fiho no atngaso ci psoevohngʉsi, ieni to seilei ho pafi no taso na muu, poa yutataso na nsou no 'ayumonamu.

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 4:4

mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

'epeso 5:8

mohmula anana'o yonto mo voecʉvcʉ, at'inghi ahoi ne mohmucu sinto to nooe'oca, mimucu yonto 'ayumona to tiskova. 'elamu h'oyunsova la asansano mais'a yatatiskova.

pilipi 3:14

mi'o mi'usnu ta os'o mituhci ho pa'eusngʉcʉ, akoyu no mayo no hnoo; 'e hnoo eni 'aeno 'omo tma'usnu ne pepe ci faeva ci nsou, isi ieni to kilisto iesu to hamo ho eyoho'a a'o ho poa tiovneni.

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

kolosai 3:15

'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.

tesalonike 1 2:12

lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.

tesalonike 1 5:8

ho mitoeno no'usnu no hie, 'anteeno anana'o etngou. teto teyai pihci na tmaa'uzo ho himngonghi, teto ceopngu na lato ta'usni ci to'usnu.

tesalonike 2 1:11

nomio ta isi mituhci tan'e, lamza conino 'inolineni muu, eyoho'ʉ to hamo ho o'te poa yuszozʉ no koa ohsi eyoho'a na muu. tesi'sola boemi no taso ci tonʉsi ho to'usni muu, acʉha'so peiseafi namo mi'usnu no ʉmnʉ ci 'tohʉngʉsi, peihcʉ'hi na ohmu boemi no singkoo ho hioa ci hi'hioa.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

temote 1 6:12

yonta yupa toosa'o no singkoo ho pnanfi na tonʉ ho peayofʉ, yaeni no 'auesiesi nsou 'e iachi; 'amoeno nomio ta isi mituhci tan'e, miko noa eoho'a to hamo, yonta tuhcu tamo botngonʉ ho apa'ta esansana 'omo yonghu ci singkoo.

tito 2:13

totea hocic'u esmi na hiesi to lato mingeovi ci mengumi; homio, 'o psoevohngʉ to so'einva ci hamo ho i'o nooe'ocato ci iesu kilisto te hupopayoi.

tito 3:7

i'mi to mengumisi, mitocu meelʉ yaa suseolʉ ci natʉ'ca 'o hamo, ho peelʉi elʉa 'o ito mingeovi ci 'auesiesi nsou.

hevulu 10:32

la talʉa na nia hie ne auyusi. ne ohsicula pahtiskovi to hamo na muu, mohmu elʉ tomo man'i ci 'atutumzo, at'inghi ma'i mimu ahtu yonta ehtothomʉ ho noa atpʉta.

hevulu 6:4

i'ocu 'omo mongoi tomo emzo ci ceonʉ ci cou, tee mainenu hoci poa i'momhomʉ i'vaho ma'vovei? panoniacula hiasi psoetiskovi to hamo, olʉa na na'ausna no tma'usnu ne pepe ci mengumi, mohcula maezocu tma'upu to seilei,

petelo 1 1:3

teto 'aveoveoyʉ to amohamo to nooe'oca iesu kilistoto! i'mi to uk'a noca'cʉ'hi ci himcocoveoisi, ieni to mcoi ho smoevovei to iesu kilisto, pafeni a'to 'emo faeva ci nsou, poa yaa yoayokeo ci ta'usni a'to.

petelo 1 3:9

'ote boemi no kuzo ho auski no kuzo, boemi no ekvo'ʉ ho euski ekvo'ʉ; apuyu, la boemi no tooyokeo ho evei, maica ina atuhcusi to hamo ho isi eyoho'a muu tesi akoeva no pafi no ʉm'ʉmnʉ.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.