San Juan 19:29 - Dios oca gotirituti

²⁹ To ñacajʉ ʉye oco jiase. Tire, sudiro bʉrʉane ñiabiacõari, hisopo vãme cʉtiricʉ gajane siatucama ĩna, tibʉrʉare. To yicõari, Jesús rise tʉjʉre ñumʉotucama ĩna.

San Juan 19:29 Iomraidhean Croise

San Mateo 27:34

Tojʉ ejacõari, ʉye ocore, sʉ̃ese rãca vʉocõari Jesúre ĩre iocama ĩna. “Ĩre jũnise jũni ruyubeticõato” yirã, yiboacama. Tire idiĩaboa yicõacami Jesús.

San Mateo 27:48

To bajiro Jesús ĩ yiavasãrone, sĩgʉ̃, Jesús tʉ ũmaejacõari, ʉye oco jiarere ñiabiacõari, yucʉ́ gajajʉ siatucõari, Jesús rise tʉjʉre ñumʉotuboacami.

San Mateo 27:50

Tutuaro avasãtʉsa, ʉsʉtadicoacami yuja.

San Marcos 15:36

To bajiro Jesús ĩ yiavasãrone, sĩgʉ̃, Jesús tʉ ũmaejacõari, ʉye oco jiarere ñiabiacõari, yucʉ́ gajajʉ siatucõari, Jesús rise tʉjʉre ñumʉotuyuju. To yigʉne, ado bajiro ĩ rãcanare yiyuju ĩ: —Ñagõbesa mʉa maji. Elꞌias ñamasirꞌi ãnire ĩ rujiosere ĩato mani —yiyuju ĩ.

San Lucas 23:36

Surara quẽne ĩre ajatudꞌiyujarã ĩna. Ĩ tʉjʉ ejacõari, ʉye oco jiasere Jesúre idirotiboayujarã. Ĩre idirotirãne, ado bajiro ĩre ajatudꞌiyujarã ĩna: —Mʉ judꞌio masa ʉjʉ mʉ ñajama, mʉ masune rujiaya —ĩre yiajatudꞌiyujarã ĩna.